Ikus-entzunezko emanaldia

DATA ETA ORDU ALDAKETA: AZAROAREN 15EAN, 19:15EAN IZANGO DA.

Badator Lezora Go!azenen denboraldi berria! 
Abentura, istorio, abesti eta koreografia berriekin, aurten ere aurreko denboraldietako pertsonaia ezagunak ikusiko ditugu: Garazi, Gontzal, Saioa, Luken, Aner, Bosko edo Maitane; baina beste berri batzuk ere izango dira: Izar, Joritz, Alaia, Manex, Oihane eta Leire. Maitasuna, adiskidetasuna, desadostasunak eta umorea bilduko dira, besteak beste, Basakabin. Hori guztia, gainera, euskal abesti onenekin batera.
Ez galdu azaroaren 1ean Gezalan primizian izango dugun aurrestreinaldia!

Sebastian, Sophia eta Wawa txikiaren istorioa kontatzen du. Ustekabeko eta aparteko bidaia bati ekingo diote, Nazca kulturan oinarritutako mundu ezezagun batera eramango dituena.

Vincent katu gaztea Maurice izeneko sagutxo batekin elkartzen da piano zahar batean uholde batetik ihes egiteko. Marinel talde batek instrumentua jaso eta museora bidaltzen du. Hemen, Vincentek eliteko katuen eskuadroi bat ezagutzen du, urteetan karraskarien eta beste piztien maisulanak babesten aritu dena. Vincentek benetako katu-familia bat aurkitzea du amets, baina ez du bere lagun Maurice galdu nahi, bizitza salbatu baitzion, eta ezkutatzera behartuta dago. Baina bere lagunak badu ahulezia bat: maisulanik ospetsuenak marruskatzea. Munduko pinturarik onenetako bat, La Gioconda, museora eramaten dutenean dena zailtzen da: sagu eta arratoi guztien ametsa murtxikatzea da. Hala ere, ez Vincentek, ez Mauricek, ez Hermitageko katuek ez dakite norbaitek lapurtzeko asmoa duela, eta, orain, Vincentek kemenez eta adimenez jokatu behar du Da Vinciren obra salbatzeko, museoaren ospea babesteko eta Kleopatraren, Egiptoko ganberan bizi den katu eder baten, bihotza irabazteko.

Sistiaga, director sanjuandarra, retrata "Desde la mirada de los inmigrantes", sobre todo, el mar. Ha regresado a Euskal Herria tras 37 años viviendo en Barcelona, y se ha sumergido en el Cantábrico a través de Pasaia, Donostia, Getaria, Zarautz, Saturraran, Biarritz, Hondarribia...

24 capítulos o pequeñas historias forman parte de Costa.

Androidez osatutako mundu batean, bi robot fabrika berean eraikitzen dituzte, material berberekin eta aldi berean. Baina urteak igaroko dira topo egin baino lehen. Alexek fabrikazio-akatsa duela dirudi, eta gurasoek kanpoaldeko herri txiki batera eramaten dute. Bibi, berriz, gurasoek eta irakasleek kontrolatutako ingurune kontserbadore eta exijente batean hazten da. Biek maite dute futbola. Alexek uste du ezin duela jokatu, eta Bibiri ez diote uzten. Hala ere, robot talde zoragarri batekin batera, futbol kantxa batean elkartuko dira.

Partaidea: Lezoko Zinema Ttikia

1980ko Dublinen, atzeraldi ekonomikoaren ondorioz, Conorrek eskola pribatuaren erosotasuna aldatu zuen eta horren ordez, ikastetxe publiko bat sortu zen, non giroa urduriagoa zen. Itxaropen izpi bat aurkituko du Raphina misteriotsuan eta konkistatzeko asmoz, osatu nahi duen taldearen bideoklipetan izarra izatera gonbidatuko du. Onartzen du eta orain Conorrek bere hitza bete behar du.

Kontzertu eta jardueretarako sarrerak doakoak dira edukiera bete arte.

Dokumental honek mundo mailako turismoaren gaia jorratzen du, bere ertz historiko, ekonomiko, social eta ideologikoak landuaz. Turismoaren inguruan entzuten diren fenomeno arruntenak alde batera utzi (gentrifikazioa, masifikazioa…) eta autoreak modu sakonago batetik heltzen dio gaiari. Dena dela, dokumentala Indotxinan zentratuta dagoenez (Vietnam, Laos, Kanbodia), penintsula horretako historia hurbilak kontakizuna ardazten du nolabait, “txangozale internazionalen aisia” aitzakia bikain bilakatuz turismoa parte den jendarte eredu ezberdinen kritika eta autokritika gisako hausnarketak helarazteko.

Kapituluka banatzen da obra, eta zazpi atal ditu. Beraietan inor gutxi libratzen da kritiketatik. Jai dute turismoa gorrotatu eta bidaiari sentitzen diren horiek, edo turismo jasangarrian sinesten duten ekologistek. Jai dute, eta horregatik desplazatzen dira beste toki batetara, jai izatea lan-prozesuaren logikaren parte delako, turismoa praktikatzea langile klasearen erreprodukziorako aktibitatea den bezalaxe.

Artefaktu audiobisual hau ezin esan daiteke garapen profesional baten emaitza denik, teknikoki sinplea delako eta ohikoa den formatutik ihesean dabilelako. Ohituta gauden ikus-entzunezkoek eskaintzen duten arinduaren kontrara, lan honek ikusleen tripak mugiaraztea du helburu, horretarako diskurtso abstraktuak erabili behar baditu ere. Narratzailearen ahotsa entzun ahala guztia modu intelektual batean barneratzea helburu duenak alferrik ibiliko da; monologoaren atzean dagoen konplexutasuna sentitzea estrategia hobea suerta daiteke, ez baitugu errealitate bat ezagutu beharrik obra baten emoziora sarbide bat lortzeko; teoriaz baliatzea, hain justu, haratago ezkutatzen den misterioa bizitzeko. Ez gaitezen engaina, proposamen honekin erdibiderako tarte gutxi aurkitzen da, arteari esker arruntak diren iritziengandik ihes egin baikenezake. Irakaspenak ugariak izan daitezke. Adibidez bikotekide ohiarekin ongi konpontzea zer nolako garrantzitsua suerta daitekeen ulertzea, berarekin oporretara Joan zineneko bideoez baliatu eta dokumental batean bere irudia bainujantzitan lau haizetara zabaltzeak bere partetik maitasun ariketa handia baitu atzean.

Iraupena: 70 minutu

Narratzailea eta aktore printzipala: Irati Bollar Zabaleta

Zuzendaria, gidoia, irudiak eta edizioa: Aimar Uribesalgo Urzelai

Haurtzaroan ereiten ote da zoriontasunaten hazia? Gure bizitzako lehen urteek, gogoratzen ez ditugunek, arrasto sakona uzten digute. Baina aztarna hori betiko al da? Edo eboluzionatzen ari da?

Dokumental honek bidaia batera gonbidatu nahi gaitu. Aspaldian ahaztu dugun leku batera doan bidaia bat da: amaren sabelean ginenekoa, jaiotza eta haurtzaroaren lehen urteak, alegia. Behin izan nintzen haurtxoaren ikuspuntu poetikoa erabiliz, eta ama gisa izan ditudan esperientziei buruz hausnartuz, ahaztutako sentipenen aztarnen bila joango naiz.

Iraupena: 85 min.

Boo Kwai mutiko bihurria unibertso paralelo batera heldu da ustekabean bere asmakizunetako bati esker. Gizon misteriotsu batek mundu berri honetatik ihes egin eta hiriko museoan dagoen Antzinako Shuko Urrezko Makila preziatua lapurtu du. Book eta bere lagunak abentura eroa bizi izango dute erlikia berreskuratzeko. Lortuko dute Urrezko Makila aurkitzeko trabak gainditzea etxera bueltatu ahal izateko?

Munduko mendi garaienen tontorretan bizi da eguzki-argi garbienaz elikatzen den landarea… Himalaiako lorea. Yuku sagutxoak familia atzean utzi eta betiereko argia duen lore horren bila abiatuko da bere amamari eskaintzeko, hura laster eramango du-eta sator itsuak Lurraren sakonera. Baina lorea aurkitzeko, Yukuk oztopoz betetako bidea gainditu beharko du: gaztelu azpiko estolda-arratoien eremu beldurgarria zeharkatu beharko du, bele anker eta gosetien belardia, denak galtzen diren baso sorgindua, eta batez ere… otsoak zaintzen duen Ikararen Zubia! Bidaian zehar, ordea, bere musika eta kantuei esker, Yukuk lagun asko egingo ditu. Eurak dira bizitzaren abenturan arrakasta izateko euskarririk onena.