Kontzertua

“Batetik Bestera: Kontzertua” haurrei eta familiei zuzendutako proposamen eszeniko-musikala izango da. Musika, umorea, antzerkia eta poesia uztartzen dituen sorkuntza originala. Abestiek gure ingurumenaren ezagutza, babesa eta maitasuna sustatzen dituzte eta elkartasuna, elkarbizitza, kulturartekotasuna balorean jartzen dituzte. “Eki arrano arrantzalea (eta arrain arranozalea)”, “Ubarroiarena”, “Argi, mozoloa”, “Partekatu”… Guretik igarotzen diren txoriei eta euren ohiturei buruz arituko gara. Elkarrekin abestu dezagun!

Benetan Be Teatroaren sorkuntza lanetan musika eta antzerkia elkarren eskutik joan dira beti. 2022an estreinatu genuen “Batetik Bestera” antzezlana eta haren  sorkuntza prozesuan zehar, abesti eta kanta sorta bat osatu genuen. Ondoren, su txikian ondu eta grabatu genituen abestiak “Batetik Bestera” disko ederra osatu arte. Haurrak izan ditugu gogoan abestiak garatzerakoan, baina helduak ere bai. Guk gustura egiten dugun musika egin dugu, guk gure haurrekin batera entzun eta kantatu nahi duguna.

Txoriburu izango gara hausnarketarako abiapuntu izateko grinaz.

LANTALDEA:

Patricia Urrutia: Hitzak, musika eta testua. Ahotsa eta biolina

Josu Aginaga: Moldaketak. Gitarra, baxua eta koroak

Andrés Letamendia: Moldaketak eta ekoizpena. Bateria eta koroak

Edu Berja: Argiztapen diseinua

Rober Quintana: Diseinu grafikoa

Maialen Magunagoitia: Bideoaren edizioa

Euskal Herriko gazte musikariak eta Lezoko musika eta dantza taldeak.

Sarrerak doakoak dira edukiera bete arte.

Escuela Municipal de Música y Danza de San Martin de la Vega (Madrid).

Oharra: Euria egiten badu, Karlos Saldise plazan egingo da.

Sarrerak doakoak dira edukiera bete arte.

Partaidea: Oiasso Kamerata eta Irene Sagarzazu

OIASSO KAMERATA

Oiasso Kamerata Irungo hari orkestra bat da, erromatar garaian Oiasso zeritzana. Haien ibilera 2014an hasi zen Raffaela Acella zuzendari artistiko zutelarik. 2016an zuzendaritza artistikoa Tomas Ruti Vilarrek jasotzen du soinu kalitatearen helburua aurrera eramanez.

Bere ibilbidean Kamerata herrialde ezberdinetan edota beste kontzeptu batzuetan oinarritutako esperientzia musikalak eskaintzen saiatu da. Horrela, honako programak aurkeztu ditu: Egitarau Latinoa, Viaggio Musicale, God save the strings!, Con aire de tango, Marina Beheretche biolinista haundiaren laguntzarekin eta Gerra eta Bakea, errusiar konpositoreen musikaren adibide.

Euskal musikaren arloan, Valentín Larrearen musika interpretatzeko erronkari heldu dio, bere harizko obra ezagutzera emanez.

Ondorengo ziklo eta jaialdietan hartu dute parte: Donostiako Musika Hamabostaldia, Barroko aire (Ordizia), Durangoko Musika Hamabostaldia, Zarauzko Udako Musikaldia, Irungo Ricardo Requejo ganbara zikloa, Azkoitiko Udaberriko Musikaldia, Igartzako Musika zikloa (Beasain), Tolosa, Hondarribia...

Halaber, bakarlari ezberdinekin eman ditu kontzertuak, Eduardo Mocoroaren musikarekin disko bat grabatu du, eta Opus Lirica konpainiarekin elkarlanean Pergolesiren “La Serva Padrona” opera interpretatu du Donostiako Victoria Eugenia antzokian.

Bere hezkuntza proiektuan haurrei zuzendutako kontzertu didaktikoak aipatu behar dira.

IRENE SAGARZAZU

Irene Sagarzazu Cabezónek (Irun, 2006) 5 urterekin hasi zituen biolin ikasketak Ana María Sebastián Suzuki Metodoaren Espainiako Federazioko presidentearekin. Gaur egun Musika Ikasketa Profesionaletako azken ikasturtea ikasten ari da. 2018z geroztik Raffaela Acellaren ikaslea da.

Era berean, Barbara Doll, Kristoffer Dolatko, Kati Sebestyén, Kamran Omarli, Aitzol Iturriagagoitia, Alina Pogostkina, Nancy Chumachenco eta Silvia Simionescu-ren klaseak jaso ditu, besteak beste.

Bestalde, “Euskadiko Musikari Gazteen Lehiaketan” bi lehen eta bi bigarren sari lortu ditu arku-instrumentu eta ganbera-musika modalitateetan.

9 urte zituenetik urtero hautatua izan da Euskal Herriko ikasle gazteen orkestra ezberdinetan parte hartzeko, lau alditan kontzertino izaki. 15 urte zituenetik EGOn (Euskal Herriko Gazte Orkestra) parte hartzeko hautatua izan da hainbat alditan.

Halaber, Gasteizko “Ciclo de Cámara del Principal”, “Bernaola Festival” eta “Martes Musicales”, Gipuzkoako “Musikaste” eta “Lesoinu” eta “24th Tata Baroque Festival” (Hungaria) musika jaialdietan kontzertuak eskaini ditu.

Kontzertu eta jardueretarako sarrerak doakoak dira edukiera bete arte.

“Canciones de siempre” (Barañain) & Sutargi  Abesbatza (Lezo)

Taldea 2007an sortu zen, Todo Música izeneko taldea izenarekin. Ondoren, Grupo Cantores de Barañain (Barañaingo Talde Kantariak) izena hartu zuen, eta ondoren, Canciones de Siempre (Betiko Kantak) izena.
Gaur egun, 40 kidek osatzen dute taldea, koralisten eta instrumentisten artean. Titulu honen atzean 40 laguneko talde bat dago, honako helburu hauek dituena: musika zaletasuna garatzea, musikaren bidez adiskidetasuna sustatzea eta musikaz gozatzea eta gure poza kutsatzea. Errepertorioa, taldearen izenak dioen bezala, betiko abestiz osatuta dago:

Habanerak, boleroak, rantxerak, polifonia, jotak eta nabarreriak, euskarazko abestiak... Gure abestietako batzuk taldeko kideek konposatu dituzte.
Errepertorioa askotarikoa denez, askotariko ekitaldiei erantzuteko aukera ematen die: ongintzako galak, ospitaleak, zaharren egoitzak, erretiratuen klubak, errondaila,  kontzentrazioak, Sanferminetako errondak eta herriko jaietan. Habanera Lehiaketak (1. saria) Gabon-kantak (3. saria) eta abar.
Sortu zenetik gaur egun arte Pili Álvarez da zuzendaria.

SUTARGI ABESBATZA - LEZO

Sutargi Abesbatza mila bederatziehun eta laurogeita hamabosgarren urteko abenduan sortu zen, Lezoar batzuk koru-musika abesteko zuten nahiaren ondorioz. Helburua, kantuan gozatzea eta herrian egiten diren ekintzetan parte hartzea da. Halaber, Lezotik kanpo, Musikasten (Errenteria), Leonen, Galdakaon (Bizkaia), Akizen (Frantzia), Bartzelona, Kursal Auditorioan,…

Zuzendaria: Xanti Espina.

EURIA EGITEN BADU, KALEAN PROGRAMATUTAKO JARDUERAK AUDITORIOAN EGINGO DIRA 

Partaidea:  "Tomas Garbizu" Musika Eskolako IKASLEAK

Jarduera hau 6 eta 7 urte bitarteko haurrentzat baino ez da, tratamendu pedagogiko espezifiko batekin, adierazpen-gaitasunak, musikakoak eta mugimen-gaitasunak deskubritzeko eta garatzeko, gerora musika-tresna eta -praktika pozgarri eta sinesgarri bat aukeratu ahal izateko. Baterako prestakuntzarekin lotutako musika-esperientziak garatuko dira. Denbora-tarte horretan, ikasleek hainbat tresnarekin harremanetan jartzeko aukera izango dute.

Kontzertu eta jardueretarako sarrerak doakoak dira edukiera bete arte.

Ikasleek musika adierazteko gaitasuna garatzeko nukleotzat hartuko dute musika tresna. Muga bakarra ikasleen interesa, dedikazioa eta gaitasuna da, eta sakondu egin daiteke irakaskuntza instrumentalean, taldean bezala. Helburua, ikasleek instrumentua ahalik eta modu naturalenean jotze da, beren buruarekiko eta besteekiko adierazpide gisa erabiliz. Horregatik, uste dugu entzunaldiak aukera berezia direla eguneroko lanari balioa emateko.

Kontzertu eta jardueretarako sarrerak doakoak dira edukiera bete arte.

Ikasleek musika adierazteko gaitasuna garatzeko nukleotzat hartuko dute musika tresna. Muga bakarra ikasleen interesa, dedikazioa eta gaitasuna da, eta sakondu egin daiteke irakaskuntza instrumentalean, taldean bezala. Helburua, ikasleek instrumentua ahalik eta modu naturalenean jotzea da, beren buruarekiko eta besteekiko adierazpide gisa erabiliz. Horregatik, uste dugu entzunaldiak aukera berezia direla eguneroko lanari balioa emateko.

Kontzertu eta jardueretarako sarrerak doakoak dira edukiera bete arte.

Pau Elias (Katalunia).

Aquafoniako entzunaldia musika ikuskizun parte-hartzailea da eta urarekin birziklatutako botilak ditu ardatz. Interpretatzen den errepertorioa musika klasikotik hasi eta erritmo modernoetaraino doa, herrialde ezberdinetako musika tradizionaletatik igaroz. Kontzertuaren instrumentu nagusia botila finduak dira, baina azpimarratzekoa da ur-perkusioko beste instrumentu batzuen erabilera, hala nola uduarena. Urak eta musikak bat egiten dute agertokian, eta argiak eta koloreak ez dira faltako. Ikuskizun paregabea da, ikusleen zentzumenak estimulatuko dituena eta, uneren batean, parte hartzea ere eskatuko duena.

Kontzertu eta jardueretarako sarrerak doakoak dira edukiera bete arte.