Hondakin organikoak ongarri bihurtzea da konposta egitea, era horretan, hondakin organikoak “birziklatu” eta beste erabilera bat eman diezaiekegu.
ETXEAN KONPOSTATZEA: ZERGATIK ETA NOLA?
Etxean sortzen ditugun hondakin organikoekin konposta egin dezakegu. Horrela, konposta hori lorategi, baratza edota lorontzietan erabili daiteke, materia organiko hori ziklo naturalera bueltatuz, eta zabortegietara botatzen den hondakin kopurua nabarmen gutxituz.
Etxean konpostatzen dutenek % 40-50 gutxitzen dute hondakin sorrera.
Etxean konpostatzeko ikusi “Etxean konpostatzeko gida”.
LEZOKO DATUAK:
Egun, 120 familiak egiten du eta ekainean beste 86 familiak parte hartu zuen udalak antolatutako II. Autokonpostatze Ikastaroetan. Beraz, epe motzean 200 familiatik gorak egingo du autokonposta bere baratzean edo lorategian.
Irudian, martxoan Musika Eskolan egindako ikastaroa. 90 familia inguruk parte hartu zuten.