Dantza

Biren arteko topaketa, besarkada bat, elkar sentitzea, hitzik gabeko komunikazioa, biren artean sortutako munduan murgilduta denbora sentitzea. Elkarri sostengua ematea. Luzatu eta gelditu egiten den denbora, inoiz amaitu behar ez balu bezala.

Eraldaketa bat, aldaketa bat. Zati batzuk erortzen hasten dira, beste batzuei eutsi egin behar zaie. Une hori ahaztu egiten da, eta aldeak azaleratzen dira; kontrako bi muturrak, hauskortasuna eta indarra; norbere burua erortzen uztea eta kontrola izateko desioa. Oreka eta ezegonkortasuna. Benetako giza izaera.

Koreografia eta emanaldia: Akira Yoshida, Lali Ayguadé. 

Argi-diseinua: Fermin Izko. 

Soinu-mundua: Dodi Beteille. 

Dramaturgia-laguntza: Jordi Oriol. 

Jantzien diseinua: Ferrán Casanova. 

Ekoizpen-laguntza: Fanny Cleyrat.

Informazio gehiago: Lali Ayguadé, Akira Yoshida

Erreka ondoan, bi gezur dantza garaikidea oinarri duen obra eszenikoa da. Fikzioa eta gezurra kontzeptu gisa uztartzen dira, horretarako kondairen unibertsoan barneraturik.

Kondaira da sormen prozesuaren abiapuntu eta kokalekua. Literatur genero epiko hau, pertsonaia fantastikoak eta naturaz gaindikoak dituena, eta maiz ezaugarri historikoak dituena, da obraren oinarria. Emanaldian, fikziozko elementuez gain, gizarteko errealitate zuzenetik hartutako elementuak daude, egungo narratibak edo 'egiak' fantasiazko istorioarekin kutsatu eta transformaturik. Lanak transformazio bidaia batean barneratzen gaitu.

Mari Zaunkaren azken sormen honek dantza, ahotsa eta testua uztartzen ditu.

Fitxa

• Ikuskizun mota: dantza garaikidea eta antzerki fisikoa
• Sormena eta interpretazioa: Nerea Gurrutxaga eta Oihana Vesga
• Musika: Luz González
• Jantziak: Valentina Azzati eta Lurdes Arruti
• Argiak: Andoni Mendizabal
• Argazkiak eta bideoa: Aitor Arruti
• Ekoizpena: Mari Zaunka Kultur Elkartea
• Kanpo begirada: Ainara Gurrutxaga, Maria Ibarretxe eta Marti Güell
• Babesa: Eusko Jaurlaritza, Gipuzkoako Dantzagunea eta Espacio La Turbo
• Iraupena: 50 minutu

Mari Zaunka Kultur Elkartea

Nerea Gurrutxaga eta Oihana Vesga dantzari eta sortzaileek osatzen duten kolektiboa da. 2018an ekin zioten elkarlanari, sormenari dagozkion hainbat ikuspegi eta desira partekatzen zituztelarik. Haien lehen lana, Leiho zikin, zeru garbi, Dantzaguneako 'Sortutakoak 15' dirulaguntza, Bilbaoeszena-ren 'Artisten Egoitza' beka eta NunArt Guinardó-ren 'Cesión de espacios' programaren babespean sortu zuten. 2020ko urrian BAD Bilbao Jaialdian estreinatu zen, eta ordutik Baratza Aretoan (Gasteiz), Tabakalera Labo XL (Donostia), PDF Pasaiako Dantza Festibala, Bilboko Berreginen Museoa, Billabona, Lasarte, Mendaro, Tolosa, Amorebieta eta Lezoko antzokietan aurkezteko aukera izan dute, besteak beste.

Mari Zaunkak bi adar nagusi ditu lan ildoari dagokionez. Batetik, lan koreografikoen garapena aurrera eramatea, kutsu propioa duten obrak eraikiaz. Mugimenduaren eta ahotsaren inguruko ikerketa eta kontzientzia soziala dira sormen prozesuen funtsa, dantza garaikidea beti ardatz nagusia izanik. Momentuan partekatzen dituzten ardura eta beharrei espazio bat ematea da helburu.

Bestetik, hezkuntza eta mediazioaren arloak garatzen ditu Mari Zaunkak. 2021ean Kultza Mediazioa elkartearekin elkarlanean, Saretuz proiektuaren parte izan ziren. Bertan, Gipuzkoako hainbat Emakumeen Etxetan dantza garaikidea eta gorputz adierazpen saioak egin ziren, norbanakoaren ahalduntzea garatu eta emakumeen arteko elkar partekatzea bultzatzeko.

Kolektiboak diziplina ezberdinetako sortzaileekin kolaboratzeko interes handia du, proiektu artistiko anitz eta berritzaileak garatzeko asmoz.

Gure koadrila xelebrea ikastetxera bueltatu da! 

Bertan, guztion bizitzaren parte izan diren egoera eta doinuen bidez, une ahaztezinak biziberrituko dituzte. Ikusleen eskutik ikasitakoa desikasten saiatuko dira, ikasketa prozesu berri bat umoretik eraikitzeko asmoz. 

Denak gelara, txirrinak jo du eta!

OHARRA: Eguraldi txarra eginez gero, Lezo Herri Eskolako patioan egingo da. 

2023ko Umore Azokako Epaimahaiak Aipamen Berezia ematen dio Harrobi Dantza Bertikala konpainia gazteari, “Geure(R)a” ikuskizunagatik, “zuzeneko musikaren, irudiaren eta dantzaren arteko fusio koordinatuagatik” eta “historian zehar emakumeen oroimena zalantzan jarri eta lekualdatzen duen hari poetikoagatik. Bere dramaturgiak emakumeen inguruko memoria zalantzan jartzen du, eta gaur egun plantea daitekeen galdera batekin amaitzen da: Nortzuk diren gaur egun sorginak? Eta nortzuk dira zapaltzen dituztenak”.

Geure(R)a naturaren, poesiaren, dantzaren eta bideo mapping-aren arteko elkarrizketa planteatzen duena. Juantxo Zeberioren musikak, Toti Martínez de Lezearen bertsoek eta Paco Gramajeren proiekzio animatuek aberastu egiten dute hiru dantzarik egindako koreografia esekia.

Antzina-antzinatik, emakumeak elkartu egiten ziren, ez bakarrik eguneroko lanak egiteko, baita beren arteko konpainiaz gozatzeko, ondo pasatzeko eta, aldi berean, beren ezagutzak eta esperientziak trukatzeko ere.

Errealitate hori baina, ez dute pertsona orok ondo ikusi, askatasun eta ezagutza hori mehatxutzat hartzen baitzuten beren status quorako. Horregatik, XVI. mendean, gure historiako gehiegikeria eta hilketa gordinenetako batzuk gertatu ziren, batez ere emakumeen kontra.

Zalantzarik gabe, gaur egun Europako eta munduko herrialde askotan gertatzen dena pentsamolde horren ondorioa da oraindik. Errespetuarekin, askatasunarekin eta tolerantziarekin talka egiten duen pentsamoldea.

Shine harreman anitzeko esplorazio bat da, askatasuna dei genezakeenaren mugen gainekoa.

Gorputzaren objetualizazioan, diskurtso espiritualean, epe laburreko ibilbidean eta inperfekzioaren edertasun naturalean zehar egiten den eguneroko bidaia sutsua eta ziklikoa. Aldaketa eta eraldaketan spoken wordean.

Esperientzia hori dantzaren kodeetan, spoken-word-ean, soinuan eta eszenaratze baten distiran oinarritzen da. Eszenaratze horretan, zazpi interpreteren gorputzek gizarte/linbo horren distirak eta irudipenak islatzen dituzte, eta gure nortasuna definitzen saiatzen gara.

Lasalak, Judith Argomanizek zuzendutako dantza garaikideko konpainiak, 10 urte bete ditu. Sortu zenetik hizkuntza propioa sortu du, oso fisikoa, non zehaztasunak eta teknikak distira egiten duten, dinamikoa, indartsua, egungo garaietara eguneratua, eta moda, zinema, argazkigintza eta diseinuko azken joerek eragina duten sorkuntzetan. Ibilbide bizi eta aberasgarria, hizkuntza koreografiko sendoa lortzeko aukera eman diona, bere lana nazioartean aintzatetsi duen konpainiaren zigilu eztabaidaezina.

• Ideia eta zuzendaritza artistikoa: Judith Argomaniz
• Koreografia: Judith Argomaniz dantzariekin elkarlanean
• Dramaturgia: Fernando Epelde, Judith Argomaniz, Puy Barral
• Interpreteak: Garazi Etxaburu, Leire Otamendi, Jone Amezaga, Seth Buckley, Ioar Labat, Puy Barral, Ángela Arrieta, Mikel Casal
• Ahotsa eta testua: Puy Barral
• Musika sorkuntza: Fernando Epelde
• Jantzien diseinua eta gauzatzea: Xabier Mujika
• Argien diseinua: Javier Ruíz de Alegría
• Eszenografia diseinua: Ikerne Gimenez
• Eszenografia ekoizpena: Alberto Huici
• Zuzendaritza teknikoa eta bira: Acrónica Producciones
• Argazkiak eta bideoa: Renata L. Etanowski
• Banaketa: Emilia Yagüe Producciones
• Komunikazioa: Nerea Kortabitarte

Rosas to dancek ibilbide historikoa egin nahi du maisu lanak diren eta dantza garaikidearen ondare kulturalaren oinarriak ezartzen dituzten pieza eszenikoetatik.

Denboran zehar egiten den trazu horri umorea eta azken urteotan LaRutan konpainiak propio bezala lantzen duen lengoaia koreografikoa eman nahi zaizkio.

Fitxa artistikoa

• Egileak: Maria Andres, Gabriel Ocina, Ibon Aguirre
• Koreografoak: Maria Andres, Denis Martinez y otros
• Zuzendaritza Eszenikoa: Maria Andres
• Antzezleak: Maria Andres, Denis Martinez
• Ekoizpena: LaRutan
• Testuen egokitzapena: Gabriel Ocina
• Soinu-espazioa: Ibon Aguirre
• Argiztapenaren diseinua: Emilio Cordero Checa
• Jantzien diseinua: Nahia Salaberria
• Ikus-entzunezko erregistroa eta argazkia: Renata Laszczak
• Beste kolaborazio batzuk: Loida Gómez, John Luhman, Matxalen Bibao, Unai Torre

Lasalak, Judith Argomanizek zuzentzen duen dantza garaikideko konpainiak, 10 urte betetzen ditu aurten. 2013an sortu zenetik, konpainia etengabeko araketan ari da hizkuntza fisiko bat eta egungo estetika bat sortzeko helburuz, taldearen kezkak islatzeko eta kezka horiei erantzuteko. Ibilbide betea eta aberasgarria, zeinari esker hizkuntza koreografiko sendoa lortu baitu, konpainiaren bereizgarria, ezbairik gabe.

Lasalaren bilakaera beraren obretan ikus daiteke. Ikuskizun honetan, piezarik enblematikoenez gozatuko dugu, bidaia bat izango baita ikus-entzuleentzat, hasieratik gaur egun arte.

Konpainiari bere lana aitortu zaio bai Euskadin eta bai Espainiako Estatuan, bai Europan eta bai Taiwanen edo Kanadan, esaterako, haraino iritsi baitira Lasala proiektu koreografikoaren uhinak.

Informazio gehiago: LASALA LASALA (lasala-lasala.com) 

Ondoren "Txalostean" izango dugu, eta dantzariekin eta zuzendariarekin hitz egiteko aukera izango dute ikusleek.

ZUEK ERLOJUAK DITUZUE, GUK DENBORA DUGU

Esaten denez, mendebaldean denbora zenbatu egiten da, neurtu, erosi, saldu, aurreikusi, antolatu; ondasun objektiboa da, gizakiagandik bereizia, hainbat gauza egiteko erabiltzen duguna, baina gehienetan falta egiten zaiguna. Afrikan berriz denbora bizi egiten da, eduki egiten da, egin egiten da; ondasun subjektiboa da, gizakiari zuzenki loturik doana, orainaldian bizitzen dena eta ia inoiz ez dena falta. Munduko punta batean edo bestean jaiotzearen patuak halabeharrez markatzen du aurrerantzean izango dugun denboraren ulermena, eta dena aldakorra den arren, nekez lortuko dugu lehen ikasgai hori ahaztea. Denbora modu askotara bizi daiteke, bai eta bere esklabu izatera iritxi ere; baina ukaezina dena, dantzak eskaintzen digun gaitasuna da, denbora orainaldi absolutu batetan bizitzeko ematen digun ahalmena, eta hau munduko edozein herrialdetan betetzen da.

“OTEMPODIZ” (DENBORAKDIO), Mozambique eta Euskal Herria bitartean bi norantzatan uztartzen den sorkuntza artistiko eta kultura-truke proiektu baten emaitza da. AECID, SORTUTAKOAK (Gipuzkoako Dantzagunearen egoitza artistikoa) eta ATLANTIKALDIA Errenteriako jaialdiaren laguntzarekin; proiektu honek, lanbide irtenbide bat eta nazioarteko dantza zirkuituetan murgildu ahal izateko lanabesak eskaini nahi dizkie Maputoko bi dantzariei.

Fitxa artistikoa:

• Berezko ideia, zuzendaritza eta koreografia: Asier Zabaleta
• Dantzariak: Fenias Nhumaio eta Deissane Machava
• Ekoizpena: Ertza Sorkuntza Artistikoa, S.L.

Nun Zira?-k gizaki izateaz hitz egiten digu, partekatzeaz, izatearen existentzia balorean jartzeaz eta maite ditugun pertsonekin elkar bizitza bat sortzeaz. Ikuslea ikuspuntu beliko batean kokatuz, bikote bat osatzen duten bi dantzariek, abesbatzaren babesean, mementu intimoenetatik giza biziraupenaren borrokarik krudelenerarte bidai bat sortuko dute, non maitasuna izango den tramaren heldulekua. Egoera traumatiko bat bizi ondoren, NORTASUNA berreraiki behar da eta ibilbide horretan datza Nun Zira? pieza.

Fitxa Artistikoa

• Ideia originala: Iker Sanz
• Zuzendaritza artistikoa eta koreografia: Xián Martínez
• Ekoizpena eta gestioa: DAB
• Musika: Iñaki Palacios
• Jantziak: Raquel, BUJ Estudio
• Interpreteak: Marina Eskisabel, Iker Sanz

Murixka Dantza Taldeak antolatuta, Lezoko Aurresku Txapelketa jasoko du Gezala Auditoriumaren oholtzak. Gipuzkoako Aurresku Ligako azken dantzaldia arratsaldeko 16:30 hasiko da.