2014ko apirilaren 28an, Ezohikoa

Lezoko Udaletxeko Biltzar Areto Nagusian, 2014ko apirilaren 28an, goizeko 10etan, astelehena, eratu da OSOKO UDALBATZA, EZOHIKOA egiteko xedez, lehen deialdian, Ainhoa Zabalo Loiarte alkatearen lehendakaritzapean eta ondorengo zinegotzi hauek bertan direla: Mikel Arruti Salaberria, Ainhoa Intxaurrandieta Ezkurra, Eneko Lartige Zabaleku, Luis Garrido Corral, Angel Portugal Formoso (BILDU udal taldea), Kepa Garbizu Azkue, Enrique Figueroa Laboa (EAJ-PNV udal taldea), eta Mikel Antxon Arrizabalaga Brusín (Eusko Sozialistak-Sozialistas Vascos)

Miren Tarragona Perez (BILDU udal taldea) gai zerrendaren hirugarren puntua tratatzen zeudenean etorri da.

Ez dira bileran egon: Garazi Kuesta Unzain eta Naroa Tubilla Ziganda (BILDU udal taldea) eta Xubero Ubillos Apaolaza (EAJ-PNV udal taldea)

Bertan da eta egintzaren fede eman du udal idazkaria den Xabier Loiolak.

1. Europear Parlamenturako hauteskundeetan arituko diren hautes mahaiak aukeratzeko zozketa. (2014ID250001)

2014ko maiatzaren 25ean egingo diren Europear Parlamenturako hauteskundeetan arituko diren hautez mahaiak aukeratzeko, INEren CONOCE aplikazio informatikoa erabiliz zozketa egin da.

2. 2014/15.urterako Tomas Garbizu Musika eskolako tasen eta hobarien aldaketa onartzeko diktamena. (2014KO290001)

Alkateak diktamina onartzea proposatzen du. Honela dio diktaminak.

“Hazienda batzordearen lehendakariak, Tomas Garbizu udalaren musika eskolako 2014/2015 ikasturterako tasak eta hobariak onartzeko proposamenaren berri eman du.

Hori ikusirik, Kontu eta Hazienda batzordeak, 2014-04-23an egindako bilkuran, Mikel Arruti eta Eneko Lartige zinegotzien botoa alde dela eta Kepa Garbizu eta Mikel Antxon Arrizabalaga zinegotzien abstentzioarekin

DIKTAMINATZEN DU:

BAT: Tasen eta hobarien aldaketa hastapenez onartzea Tomas Garbizu udalaren musika eskolarako, 2014/2015 ikasturterako.

BI: Aplikatuko diren tarifak hauek dira:

HIRU: A.- HOBARIAK, “TOMAS GARBIZU” LEZOKO UDALAREN MUSIKA ESKOLAKO MATRIKULA TASEN ORDAINKETAN
Eskatzaileek aldez aurretik bete beharreko baldintzak:

A-1 .- Udal zerga eta prezio publiko guztiak ordaindurik edukitzea.

B.- MATRIKULA TASEN ORDAINKETAN HOBARIA HONAKO HAUEK IZANGO DUTE:

B-1.- Aplikazio arauetako taulan ezartzen diren diru sarrerak gainditzen ez dituzten ikasleek, hobaria jasotzeko eskubidea izango dute
(ikus taula).

B-2.- Famili ugariak. Kide bakoitzaren hobari eskubidea: %25.

D.- APLIKAZIO ARAUAK:

D-1.- Kideen zenbatekoa erabakitzeko Biztanleen Udal Erroldaren azken eguneratzean jasorik dagoen dokumentazioa hartuko da kontuan.

D-2.- Tasen hobari eskabideak Musika Eskolako Bulegoan aurkeztuko dira matrikula egiterakoan eta dokumentazio hau bateratuko zaie:

• Bizikidetzaren Ziurtagiria
• “Sarrera ekonomikoengatik” eskatuz gero, Errenta Aitorpenaren azken kopia aurkeztu behar da, edota aitorpena egitera behartuta ez egotearen Foru Aldundiaren ziurtagiria
• Errenta Aitorpena aurkezten duenari, oinarri bezala, “GUZTIRA OSAGARRI POSITIBOAK” hartuko zaizkio kontuan.
• Obligaziorik ezaren ziurtagiria aurkeztuz gero, Aitorpen hori ez egiteko Foru Aldundiak gehieneko sarreratzat hartutako baremoak edukiko dira kontuan.
Obligazio eza adierazten duen ziurtagiria (ogasuna) eta 10-T (enpresa) edo etekin gordinen ziurtagiria erantsi.
(Errotaburu: Tlf: 902-100040)
Famili ugarien kasuan, famili ugariaren liburua, eguneratuta.

D-3.- Hobari eskubidea duten pertsonei, matrikula ordaintzerakoan aplikatuko zaie hobaria.

D-4.- B-1 eta B-2 paragrafoetan jasotakoak euren artean ez dute izaera metagarririk. Azken kasu honetan, onuradunak gehien interesatzen zaiona aukeratu ahal izango du.

D-5.- Hobaria ematea gertatzean, hori eskatu den ekitaldirako bakarrik izango da.

D-6.- Tasa-hobarietarikoren baten onura jasotzeko proposatzen diren baldintzak ikasle batek betetzen baditu, baina aurreko ikasturtean klaseetara asistentzia %85 baino gutxiagokoa izan badu, beste gabe automatikoki ukatu egingo zaio eskaera.

E.- IKASTAROAK:

Ikasle ofizialei %10eko beherapena egingo zaie eskainitako ikastaroetan.
Beherapen hori indarrean dagoen ikastaroaren bukaeran egingo zaie, eta baldin eta ikasgai ofizialei eta ikastaroari buruzko txosten akademikoa aldekoa bada.

LAU: Jendaurrean jartzea GAOn eta udaletxeko iragarki oholeko iragarki bidez, hilabeteko epean espedientea aztertu eta alegazioak aurkeztu ahal izateko.

Epe horretan alegaziorik ez bada jasotzen, araudiak behin betiko onarpena izango luke.

BOST: Erabaki hau tramitezkoa denez ezin da bere aurka errekurtsorik jarri.

Diktamina onartu da aldeko 8 botoekin (6 BILDU udal taldekoak eta 2 EAJ-PNV taldekoa) eta abstentzio batekin (Eusko Sozialistak-Socialistas Vascos)

3. San Marko Mankomunitateko aurrekontuen aurkako errekurtsoa tarteratzeko Alkatearen D14/00287 dekretua berrestea

Honela dio D14/00287 alkate dekretuak:
“2013ko azaroan 26an San Marko Mankomunitateko Batzar Orokorrak Mankomunitateko 2014. urterako aurrekontua onartu zuen behin behinekoz.
Erabakia jendaurrean egon zen epean Mankomunitateko Batzar Orokorrean Lezoko Udala ordezkatzen duten bi zinegotziek eta beste bost udaletako ordezkariek erreklamazioa tarteratu zioten onartutako aurrekontuari.
Erreklamazioaren arabera onartutako aurrekontuak Sarreretako partida bezala jasotzen duen udalen ekarpena finkatzerakoan ez du Mankomunitatearen Estatutuek agintzen dutena jarraitu.
San Marko Mankomunitateko lehendakariak 61/2013 erabaki bidez ez zuen erreklamazioa tramitera onartu, ez zelako aurrekontuaren aurka erreklamazioak tarteratzeko 21/2003 Foru Arauaren 17.2 artikuluan aurreikusitako arrazoietako bat. Ondorioz, Mankomunitateko lehendakariak aurrekontuak behin betikotzat onartuak jo zituen eta onarpen horren iragarkia 2014ko urtarrilaren 29ko GAOn argitaratu zuen.
Auzi errekurtsoa tarteratzeko dagoen bi hilabeteko epean, adierazitako aurrekariak ikusirik, eta Lezoko Udalak letraduaren laguntzaz agertzeko eskubidea duenez, Legeak ematen dizkidan eskuduntzen indarrez,

EBAZTEN DUT

LEHENENGOA.- Iñigo Lizari Illarramendi jauna izendatzea Lezoko Udaleko abokatu bezala, San Marko mankomunitateak, 2014ko urtarrilaren 29an Gipuzkoako Aldizkari Ofizialean 2014ko behin betiko onarpena emanaz argitaratu zituen aurrekontuei helegitea tartekatzeko.
BIGARRENA.- German Ors Simon, Bilboko prokuradore jauna izendatzea, Lezoko Udalaren izenean aritu dadin.
HIRUGARRENA.- Auzitarako boterea egitea Iñigo Lizari Illarramendi abokatua eta German Ors Simon Bilboko prokuradorearen alde, egin den izendapena eskritura publikoan jasoaz.”

Miren Tarragona (BILDU) zinegotzia, bilerara sartu da.

Mikel Antxon Arrizabalaga ez dago ados proposatutakoarekin, bere ustez gastu banaketa irizpideak ez dira aldatu San Markon eta ez du helegitea aurkezteko arrazoirik.

Ainhoa Intxaurrandietak dio San Markok gaikako bilketarako kontratu berria egin behar duela eta Donostiako udalak San Markok egiten dion kartoi bilketa ordaintzen duen bezala, San Markoko gaikako bilketa jasotzen duten udal bakoitzak berea ordaindu beharko lukeela dio, sei herrik bilketa hori bere kabuz egiten ari direlako ia. Ez du salantzarik gastu komunak denon artean ordaintzearekin baina beste zerbitzu batzuk bakoitzak berea ordaindu behar duela iruditzen zaio.

Dekretuaren berrespena onartu egiten da aldeko 7 botoekin (BILDU udal taldea) eta kontrako 3 botoekin (2 EAJ-PNV udal taldea eta 1 Eusko Sozialistak-Socialistas Vascos)

Aktaren amaiera.

Beste aztergairik geratzen ez denez, alkate-lehendakariak 10:25ean eman dio buru bilkurari. Eta nik, idazkari naizen aldetik, akta 1106113tik 1106117ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.