O andreak multinazional batentzat lan egiten du bakardade erabatekoan, duela gutxi langile asko zegoen bulego batean. O andreari ideiak agortzen hasi zaizkio. Halako batean, natura haren lan-eremua eta gorputza bizi-berritzen hasi da guztiz eraldatu arte; naturak giza izaera berri bat sortzen duen punturaino, ideia berri bat.
DAB Dantza Konpainiako 5 dantzari eta txelista bat zuzenean galdera honi erantzunak bilatzen murgiltzen dira: etorkizun hobe baterantz eboluzionatzen ari gara, ala erabaki txarren ziklo errepikakor batean gaude harrapatuta? Estetika ikusgarria eta koreografia oso landua eskainiko dute.
Koreografia:
Marina Esquisabel
Zizendaritza:
Marina Esquisabel
Dantzariak:
Miren Lizeaga Maialen Alberro Marina Esquisabel Oier Abrego Iker Sanz Lucía Arboniés
Dramaturgia:
Hodei Arrastoa
Eszenografia:
Eva Rodriguez - Joanes Diez
Jantziak:
Jantzizlab - Saioa Royo eta Ainhoa Etxeberria
Musika:
Alai Ormazabal - Lucia Arboniés
Argiak:
Mikel Vitores
Partida bat galdu duen haurra triste dago: pilotarekin haserre dago, baina pixkana adiskidetzen joango da. Berak beti irabazi egin nahi du, eta beste kirol guztiak kakaren pare jartzen ditu. Pixkanaka ikasiko du, ordea, beste jolas askok lekua dutela kalean, eskolako patioan… Eta lehia ez dela beti beharrezkoa.
Oilaskoerbia bueltan da! Iraganari buruzko sekretu bat argitara aterako da, heroiari eta bere lagunei abentura epiko batean murgiltzeko, iragana aldatzeko ahalmena duen marmota misteriotsu baten bila… eta, beharbada, bere espeziea salbatzeko. Baina bilaketa horretan, konturatuko dira ez direla marmotaren magiaz jabetu nahi duten bakarrak…
Garai bateko zuri-beltzezko argazkietan izoztua gelditu den abeslari gaztea izan zen Lurdes Iriondo. Enkuadre baten barruan harrapatua, haren ahotsa diskoetan bezala. Ahaztuta, nonbait, ikuspuntua hautatu egiten dela. Ahaztuta, abeslaria izateaz gain, euskal kulturaren transmisioan ezinbesteko erreferentea ere badela. Transmisioarentzat haurrak ezinbesteko zirela ulertu zuen eta haientzat idatzi zituen liburuak eta antzerkiak.
Uxue Alberdi, Nerea Ibarzabal, Miren Amuriza eta Amorante.
Uxue Alberdi herriz herri istorioak biltzen aritu da bi urtez. Andrazkoei buruzko istorioak jaso ditu, nagusiki emakumeek kontatuak. Ahoz jasoak idatziz eman ditu orain Esne-berriketan izeneko liburuan, eta liburu horretan oinarrituriko bertso-saio literario musikatua da oraingo hau.
Artemisia Gentileschi, pintora barroca italiana, hoy ha decidido salirse de su marco y abandonar las dos dimensiones para venir a contarnos algo. No tiene muy claro el porqué, pero no podía permanecer impasible ante el acontecer de los tiempos. Tal vez nosotros le podamos ayudar a resolver esa inquietud que le reconcome por dentro…
Zepo frontean dago, trenbidearen erdian zain. Bat-batean, bera bezalako beste bat agertzen da: uniforme eta portaera ezberdinak, baina beldur, ausardia eta aurreiritzi berak. Bi soldadu etsai aurrez aurre. Beharbada gerra arraroa izango da. Beharbada pertsonaiek ez dute zertan tirorik egin behar. Pertsonaiek jakingo dute hitzek, begiradek eta keinuek armek baino gehiago zauri dezaketela.
Metrokoadroka kolektiboak dantzalekuaren erdian ezin mugiturik dauden lau pertsonen istorioa kontatuko du; sakontasunez eta errespetuz, baina modu alaian. Lau pertsona dantzaleku baten erdian. Bakoitzak baso bat ur du eskuan. Lauak geldirik daude, DJak inguruko jende guztia dantzan jartzen duen bitartean. Tratu txarren osteko alaitasunaz mintzo da antzezlan hau.
Zuzendaritza: Edurne Azkarate. Testua eta dramaturgia: Miren Azkarate, Oier Guillan, antzezlaneko taldea. Aktoreak: Intza Alkain, Javier Barandiaran, Marina Suarez, Iraia Elias. Zuzendari artistikoa: Idoia Beratarbide. Laguntzaile fisikoa: Ainhoa Alberdi. Hizkuntza aholkularia: Asier Sarasola. Musika: Ander Fernandez. Diseinua: Allende Arnaiz. Argiak: Junki Mayo. Ekoizpena: Josu Zubia, Maite Aizpurua, Metrokoadroka.