2017KO MARTXOAK 13

Lezon, 2017ko martxoaren 13an, astelehena, goizeko 9:00etan hasi du Tokiko Gobernu Batzarrak BILKURA OHIKOA udaletxeko Gobernu Batzar aretoan, lehen deialdian, Jesus Maria Martiarena Jaca, Alkatearen, lehendakaritzapean, Maria Noemi Arberas Oses, Irlentz Ortega Ugalde, Miguel Ángel Sánchez Antúnez (EAJ-PNV udal taldea) eta Jose Angel Sanchez Gallardo (Eusko Sozialistak-Socialistas Vascos).

Idazkari gisa Xabier Loiola Aristi aritu da.

AKTA ONARTZEA.

1. Egoki irudituz gero, 2017ko otsailaren 27an egindako bilkurako akta onartzea (2017ID210004).

Akta inolako aldaketarik gabe onartu da.

PERTSONALA

2. Musika Eskolako irakasleen lan poltsak eratzeko eta kudeatzeko irizpideak onartzeko proposamena (2015PE070002).

Tokiko Gobernu Batzarrak 2015/12/14an egindako bilkuran, musika eta dantza espezialitate ezberdinetako irakasleen lan poltsak arautuko zituzten oinarriak onartu zituen.

Lan poltsen hautaketa prozesua amaituta, Tomas Garbizu Udal Musika Eskolako Kontseilu Eskolarrak 2017/02/17an egindako bileran lan poltsak eratzeko eta kudeatzeko irizpideak onartu zituen.

Espedientea eta Musika Eskolako zuzendariaren proposamena azterturik, Alkatetzak proposaturik Tokiko Gobernu Batzar honek ondorengoa ERABAKI DU:

BAT: Tomas Garbizu Udal Musika Eskolako irakasleen lan poltsak eratzeko eta kudeatzeko irizpideak onartzea.

BI: Akordio honen berri ematea interesatuei.

HIRIGINTZA, OBRA ETA ZERBITZUAK

3. Sistiaga-Enea eraikinari dagokion hirigintza hitzarmena onartzeko proposamena (2016H0360004).

Lezoko Udalak, Tokiko Gobernu Batzarrak 2016ko abenduaren 26ean Udalak eta GESOLNOR, SLren artean izenpetu nahi den Hitzarmen Urbanistikoaren eduki osoa Gipuzkoako Aldizkari ofizialean argitaratu eta jendaurrean jartzea erabaki zuen 20 eguneko epean alegazioak aurkeztu ahal izateko.

Hitzarmen hau Gipuzkoako Aldizkari Ofizialean 2017ko urtarrilaren 26ean argitaratu zen eta 20 eguneko Jendaurreko epean ez da alegaziorik aurkeztu.

Bestalde hitzarmen honetan aurreikusten da: eraikigarritasun haztatuaren gehikuntzaren % 15 laga ordez eta lurretako zuzkidura-karga gauzatu ordez, GESOLNOR SL sozietateak Lezoko Herrigune Historikoa Eraberritzeko Plan Bereziko G-5 eraikuntza-unitatean egingo den eraikin berriaren beheko solairuaren jabari osoa udalari eskualdatzea, inolako eraikuntza eta urbanizazio-kosturik gabe, eremu horretako zehaztapen urbanistikoetan ezarritakoaren arabera. Horrela, 2/2006 Lurzoru eta Hirigintza legearen zazpigarren xedapen gehigarriaren 7 atalak aurreikusten duen udal teknikarien balorazio ekonomikoa ere espedientean dago.

Espedientean dauden Udal Arkitektoaren eta Hirigintza Teknikariaren txostenak kontuan izanik.

Beraz 2/2006 Legearen zazpigarren xedapen gehigarriaren 8.garren atalak jasotzen duena kontuan izanik, Hirigintza eta Ingurumen Zinegotzi Delegatuak proposaturik Tokiko Gobernu Batzar honek ondorengoa ERABAKI DU:

BAT: Lezoko Herrigune Historikoa Eraberritzeko Plan Bereziko G-5 eraikuntza-unitatean hirigintza exekuziorako proposaturiko Hitzarmen Urbanistikoa onartzea.

BI: Alkatea hitzarmen hau izenpetzeko ahalmentzea.

4. Kultur ekipamendurako lokal bat erosteko proposamena (2016H0380004).

Gaia mahai gainean geratu da, zehaztasun batzuk erabakitzeko daudelako oraindik.

GIZARTE ZERBITZUAK

5. 2017. urtean Famili diru-laguntzaren irizpideak finkatzeko proposamena (2017GZ110003).

Lezoko Udalean gizarte beharrizan larrietarako laguntza eskaerei erantzuteko, eta udal aurrekontuetan dagoen diru-izendapena aztertu ondoren, Gizarte Zerbitzuetako

Zinegotzi Delegatuak proposaturik Tokiko Gobernu Batzar honek ondorengoa ERABAKI DU:

BAT: Famili diru-laguntzak banatzeko udal honetarako zehaztu diren irizpideak onartzea.

6. Lezoko udala eta Aiton Borda elkartearen arteko 2017ko hitzarmen proposamena (2017GZ360001).

Aiton Borda elkarteak aurkeztu duen diru-laguntza eskaera eta horri erantzuteko udal aurrekontuetan dagoen diru-izendapena aztertu ondoren, Gizarte Zerbitzuetako zinegotzi delegatuak deialdiarekin batera bidalitako proposamena aztertu da.

Idazkariak ohartu du dirulaguntza izenduna dela eta onartutako udal aurrekontuetan proposatutakoa baino diru kopuru txikiagoa dagoela onartua dirulaguntza honetarako. Bestalde aipatu du proposatutako hitzarmenak, dirulaguntzaren gorabeherak jasotzeaz gain, udal eraikin bat Aiton Borda elkarteari urtebeterako uztea jasotzen duela, lokalaren gastuak nola izango diren zehaztuz. Elkarteak eraikin hori erabili aurretik erantzukizun zibilaren aseguru poliza egitea beharrezkoa iruditzen zaio idazkariari eta baita elkarteak lokalean gordeko dituen ondasunak aseguratuko dituen poliza izatea.

Horiek guztiak entzun eta gero, Tokiko Gobernu Batzar honek ondorengoa ERABAKI DU:

BAT: Aiton Borda elkarteari 2017. urterako 12.200€ko diru-laguntza ematea (AD-131). Dirulaguntza gauzatu ahal izateko diru kopuru hori jasoko duen aurrekontu aldaketa egin beharko da.

BI: Diru-laguntza izendu moduan onartzen da, eta eransten den lankidetza hitzarmena sinatu beharko dute bi aldeek, betebeharrak zehazten dituena. Lokalaren uztea beste hitzarmen baten jasoko da, beregain hartu behar dituen erantzukizunen aseguru polizen beharra bertan zehaztuz.

HIRU: Dirulaguntzaren ordainketa bi zatitan egingo da. Diru-laguntzaren onarpenaren ondoren %70a ordainduko da, eta beste %30 gastua zuritu ondoren.

7. M.P.O.O.ri etxez etxeko laguntza zerbitzua emateko proposamena (2017GZ010004).

Ikusi dut etxez etxeko laguntza jasotzeko M.P.O.O.ren familiak egin duen eskabidea eta gizarte langileak egindako gizarte txostena. Gizarte Zerbitzuetako zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: M.P.O.O.ri etxez etxeko laguntza zerbitzua ematea. Zerbitzua astean zehar 3 egunetan emango da ordu beteko saioan etxeko lanetan eta atentzio pertsonalean laguntzeko. Zerbitzua gutxitu edo gehitu daiteke beharren arabera.

BI: Zerbitzuagatik egin beharreko aportazio ekonomikoa 6,60€ orduko izango da.

ALKATETZA ETA DELEGATUAK

8. Alkatearen erabakien kontu ematea.

Azken Gobernu Batzarra egin zen ezkero, otsailaren 27az geroztik, hartutako erabakien berri eman du alkateak.

GALDE ESKEAK

Ez da izan galde eskaerarik.

Aktaren bukaera.

Alkate-lehendakariak, aztertzeko ziren gai guztiak aztertu ondoren,10:15ean eman dio bukaera bilkurari. Idazkari naizen aldetik, akta 1243378tik 1243381ra zenbakiak dituzten orri ofizialetan jaso eta berrespena ematen diot alkatearen oniritziaz.