2006.eko Urriaren 31ekoa

Lezoko Udaletxeko Biltzar Areto Nagusian, 2006ko urriaren 31an, asteartea., 8:40etan, eratu da OSOKO UDALBATZA, EZOHIKOA egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusín (PSE taldea), Jesus Maria Martiarena Jaka (EAJ taldea), Aroia Goienetxea Egibar (EAJ taldea), Aitor Mimendia Artuzamonoa (EAJ taldea), Enrique Figueroa Laboa (EAJ taldea), Noemí Arberas Osés (EAJ taldea), Ainhoa Villanúa Ayuela (PSE taldea) eta Maria Luz Anglada González (PP taldea).

Ez da bilkurara etorri Isabel López Aulestia (IU-EB taldea).

Bertan da eta egintzaren fede eman du udal idazkaria den Xabier Loiolak.

Patxi Apalategi aritu da itzultzaile lanetan.

1.- 2006ko Udal plantilla organikoa eta lanpostuen zerrenda behin betikoz onartzeko diktamena (2006H030002).

Alkateak Hazienda batzordearen diktamena onartzea proposatu dio osoko bilkurari. Honela dio diktamenak:

?2006ko Udal Aurrekontuari eta lanpostuen zerrendari Patxi Apalategik 2006ko urriaren 18an, sarrera erregistroko zk. 2.914, aurkeztutako erreklamazioa aurkezturik, eta horri buruz egindako txostenak ikusirik, alkatetza honek Hazienda eta Kontu Batzordeari aurkezten dio ondorengo EBAZPEN PROPOSAMENA:

BAT: Lehen alegazioa atzera botatzea, zeren ez baita alde batera utzi irailaren 30eko epai finkoan jasotako ebazpenetatik eratortzen diren obligazioak betetzeko behar den kreditua, zeren, bere garaian ziurtatu zen bezala, ez baitzegoen inolako zor ekonomikorik.

Seinalatu ezen, aurrekontuaren behin betiko onarpenari dagokionez, hain zuzen 15-2 artikuluak finkatzen duela aplikatu behar den ekitaldiaren aurreko urteko abenduaren 31 baino lehen egin behar dela, baina kontuan eduki behar da 21/2003 Foru Arauak berak Atal osoa, VIII.a, ematen diola Aurrekontuen Luzapenari, 50-º artikuluan finkatzen dena nabarmenduz: ? Ekitaldi bateko aurrekontu orokorra hura hasten denerako indarrean ez badago, aurreko ekitaldikoa luzatutzat joko da berez?.

BI: 2006ko Lanpostuen Zerrendan Funtzionarioen Enpresa Nibela ez sartzeari dagokionez Patxi Apalategi Mendizabalek formulatutako alegazioa onartzea. Era berean ez dira sartu behar Osagarri Pertsonal Iragankorrari (CPT) Lanpostuen Zerrendan, administrari laguntzaileen zutabean aipatutakoa.

HIRU: Lanpostuen Zerrendari aurkeztutako Gainerako alegazioak atzera botatzea zeren eta horrek betetzen baititu indarrean dagoen legeriak eskatzen dituen betebeharrak.

LAU: Gradu pertsonala kontsolidatzeari dagokionez, alegazioa formulatzen duenak 26 nibela kontsolidaturik duela esateko egin duen argudioa ez da zuzena, Udalak lehenago ere erantzun dio alegazio horri, eta epaitegiek ere bai, hain zuzen 2005eko irailaren 30ean diktaturiko epaian 29/05 prozedura laburtuak emana alegazio aurkezten duen berak sustatua.

BOST: 2006ko Udal Plantilla Organikoa eta Lanpostuen Zerrenda behin betiko onartzea eta, indarrean sartzeko, GAOan argitaratzea.?

Diktamena aho-batez onartu da.

2.- 2006ko aurrekontua behin betikoz onartzeko diktamena (2006KO290003).

Alkateak Hazienda batzordearen diktamena onartzea proposatu dio osoko bilkurari. Honela dio diktamenak:

?Haziendako Delegatuak eman du Aitor Sarasolak (Lezoren Alde Herri Plataforma) aurtengo urriaren 18an aurkeztutako erreklamazioaren berri eta, era berean, horri buruz kontu-hartzaileak egindako txostenaren berri.

Hori ikusirik, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Iñake Urrestarazu (E.A.), eta Mª Luz Anglada (P.P.) zinegotzien botoa aldekoa delarik 2006ko urriak 27ko Hazienda Batzordeak behean heldu dena diktaminatu du osoko bilkurak onar dezan:

BAT: Aurkeztutako erreklamazioa atzera botatzea, kontu-hartzailearen txostenean ematen diren arrazoiengatik.

BI: 2006ko ekitaldirako udal aurrekontua behin betiko onartzea.

HIRU: Gipuzkoako Lurralde Historikoko Toki Entitateen aurrekontuei buruzko abenduaren 19ko 21/2003 Foru Arauko 15/3 artikuluan agindutakoa betetzeko, argitara dadila G.A.O.an, kapituluka laburturik Aurrekontu Orokorra.

LAU: 21/2003 Foru Arauko 18/1 artikuluan xedatutakoa beteaz, jakinarazten da erabaki honek amaiera ematen diola administrazio bideari, Administrazioarekiko Auzi Errekurtsoa aurkeztu ahal izango delarik, jurisdikzio horretako arauek finkatzen dituzten era eta epeetan.?

Mari Luz Angladak ohartu du batzordean alegazioa ez onartzearen alde bozkatu zuela baina gaur aurkako botoa emango diola aurrekontuaren onarpenari hasierako onarpenean egin zuen bezala.

Jendartetik Aitor Sarasolak hitz egin du. Bere esanetan diktamena kontu-hartzailearen txostenean oinarritzen bada ere hark ez dio egindako alegazioari erantzuten. Alde batetik, aipatzen duen 20/98 legea ez zaielako aplikagarri Lezo bezalako 7.000 biztanletik beherako udalerriei. Bestetik, ez direlako zehazten txostenean lurzoru ondare publikora bideratzen diren VI. Kapituluko gastu partidak. Eta batez ere, ez diolako txostenak erantzuten alegazioaren muinari, aprobetxamendu urbanistikoagatik izandako diru sarrera guztiak lurzoru ondare publikoa osatzeko erabili behar denaren argudioari, beste gastu batzuetara ezin direlarik bideratu. Argudio horren oinarri, 2/2006 Lurzoru Lege berriaren 111., 113. 3c) eta 115. artikuluak diotena gogoratu du eta alegazioan jasota dauden epai ugari. Esan du gaia ez dela txantxetakoa, fraude ikaragarria baita sei milioiko diru sarrera aurreikustea aprobetxamendu urbanistikoengatik eta inongo gastu partidarik ez etxebizitza babestuetarako.

Mikel Antton Arrizabalagak dio aurrekontua onartzearen alde daudela. Alegazioari buruz dio legea garbia dela eta posible dela gastua ondasun, ekipamendu eta fondo publikoetara bideratzea.

Besterik gabe, diktamena bozkatu da eta alde bederatzi boto eman dira (alkatea eta EAJ, EA eta PSE taldeetako zinegotziena) eta aurkako bat, PPko zinegotzia den Mari Luz Angladarena.

3.- 6. Sistema Orokorreko (Atzekoate) jabeekin izenpetutako hitzarmenaren aldaketa onartzeko diktamena (2006H0360002).

Alkateak Hazienda batzordearen diktamena onartzea proposatu dio osoko bilkurari. Honela dio diktamenak:

?Atzekoate 6. sistema orokorreko jabeekin izenpetutako hitzarmenean aldaketak egin direnez, Ogasun saileko Delegatuak proposatuta eta Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Iñake Urrestarazu (E.A) eta Mª Luz Anglada (P.P.) zinegotzien botoa aldekoa delarik 2006ko urriak 27ko Hazienda Batzordeak behean heldu dena diktaminatu du osoko bilkurak onar dezan:

BAT: Atzekoate 6. sistema orokorreko jabeekin izenpetutako hitzarmen urbanistiko berria onartzea, orain aurkezten diren aldaketekin.?

Besterik gabe bozkatu egin da diktamena eta aho-batez onartu da.

4.- 2007ko taxi tarifak onartzeko diktamena (2006KO290004).

Alkateak Hazienda batzordearen diktamena onartzea proposatu dio osoko bilkurari. Honela dio diktamenak:

?Hazienda delegatuak eman du Gipuzkoako Taxien Elkarteak (AGITAX) egiten duen eskaera 2007. urtean aplikagarri izango diren tarifei buruz.

Hori ikusirik, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Iñake Urrestarazu (E.A) eta Mª Luz Anglada (P.P.) zinegotzien botoa aldekoa delarik 2006ko urriak 27ko Hazienda Batzordeak behean heldu dena diktaminatu du osoko bilkurak onar dezan:

BAT: 2007ko taxien tarifak onartzea.?

Diktamena bozkatu egin da eta aho-batez onartu da.

Aktaren amaiera.

Beste aztergairik geratzen ez denez, alkate-lehendakariak 8:55etan eman dio buru bilkurari. Eta nik, idazkari naizen aldetik, akta .etik .ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.