Lezon, 2000ko uztailaren 13an, goizeko 12:55 orduetan hasi du Gobernu Batzordeak BILKURA OHIKOA Gobernu Batzordearen Gelan lehen deialdian Aitor Sarasola Salaberria alkatearen lehendakaritzapean, Mikel Mitxelena Iza eta Nekane Artola Labordeta zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA.
1.- Egoki irudituz gero, 2000ko ekainaren 28an egindako bilkurako akta onartzea.
2000ko ekainaren 28an egindako bilkurako akta aho batez onartu da.
ALKATETZA
2.- Alkatearen erabakien eta adierazpenen berri ematea.
Ez da inolako adierazpenik ez erabakiren berririk eman.
HIRIGINTZA ETA ZERBITZUAK
3.- Obra lizentzia Javier Villoslada Aizpururi, Inversiones Argüelles, S.A. enpresaren ordezkari gisa, ?Lezoko Zerrategi? Sektore Industrialeko A-1 partzelan pabilioi industriala eraikitzeko.
Javier Villoslada Aizpuruk, Inversiones Argüelles, S.A., enpresaren izenean, obra lizentziaren eskabidea aurkeztu du pabilioi industriala eraikitzeko, ?Lezoko Zerrategi? Sektore Industrialean A-1 partzelan, Jose Mª Apesteguia Muru injineru industrialak idatzitako obragintza proiektu eraberritua bateratuz.
Teknikari aholkulariak emandako txostena ikusirik eta Alkateak hala proposaturik, Gobernu Batzordeak ondorengo hau erabaki du:
Javier Villoslada Aizpururi, Inversiones Argüelles, S.A., enpresaren izenean, obra lizentzia ematea ?Lezoko Zerrategi? Sektore Industrialeko A-1 partzelan pabilioi industriala eraikitzeko.
1.- Alabaina, obrei ekin aurrez, Udal honetan ondorengo dokumentazio hau aurkeztu behar du:
- Segurtasun eta Osasun Estudioa.
- Kalitate-Kontrolaren proiektua.
- Fatxada-obraren proposamena egiten ari diren pabilioien erakoa.
- Zuinketa pano bisatua aurkeztu, egiaztatzeko.
2.- Teilatuaren egitura burutzean, eraikinaren azterketa egingo du udalak, haren profila eta alturak egiaztatuz, onarturiko proiektuko planoen arabera.
3.- Pabilioiaren eraikuntza burutu ondoren, lehen okupazio lizentzia eskatu behar du, dokumentazio hau ekarriz:
- Obra-bukaeraren ziurtapena.
- Obra berriaren deklarazio-eskritura.
- Fatxaden argazkiak.
- Eraikuntzarako Foru Haziendaren inprimakiak: U-4, U-4/II eta U-5.
4.- eskakizun orokorrak: Plano bisatu bat aurkeztu beharko du, hartan seinalatuz bide publikoaren okupazio-espazioa, materialak eta kontainerrak jartzeko, kamioien sarrera eta lanen erakuntza, kasu partikular bakoitzean egin beharreko itxitura zehaztuz.
Aldamioak indarrean dagoen araudiaren arabera eginak eta ipiniak beharko dira.
Obra-hondakinak hodi itxi baten bidez hustuko dira kontainerrera, ibilgailu eta oinezkoei eragozpenik egin gabe.
Obraren mugako toki guztiak txukun eta babesturik egongo dira.
Obrak lanegunetan egingo dira eta lanei ekiteko ordua 8:00ak izango da eta 20:00 orduetarako bukatu egin beharko da.
5º.- Eraikuntzaren gaineko zerga guztira 3.554.420,- pta da.
4.- Eusko Jaurlaritzako Garraio eta Obra Publikoetako Sailari baimena ematea, Lezoko saneamendu eta kolektore nagusiaren obrak egiteko.
Eusko Jaurlaritzako Garraio eta Obra Publikoen Sailak aurkeztutako proiektua azterturik, Pasaiako Badiako (Lezo, Pasaia, Donostia) saneamenduaren kolektore osagarriak egiteko, hain zuzen Lezoko kolektore nagusia.
Lezoko Udalak 1997ko uztailaren 28an egindako osoko bilkuran onartu zuen Lezoko udalerriko herriguneko estolderia nagusiaren proiektua, Pedro Mª Azkue eta Narciso Iglesias injineruek idatzia.
Teknikari aholkulariak emandako txostena ikusirik eta Alkateak hala proposaturik, Gobernu Batzordeak ondorengo hau erabaki du:
- Eusko Jaurlaritzako Garraio eta Obra Publikoen Sailari baimena ematea Pasaiako Badiako (Lezo, Pasaia, Donostia) saneamenduaren kolektore osagarriak egiteko, hain zuzen Lezoko kolektore nagusia.
Proiektu honek, Pasaiako Badiara ur zikinak isurtzen dituzten hainbat udalerritan egin beharreko obrak aztertzen ditu, alabaina, Lezoko udalerriari dagokionez, aurreikusitako obrak kolektore nagusia egiteko dira, Otxoa kaletik hasi eta Zubitxo kaletik, Elias Salaberria eta Jaizkibel hiribideetatik eta Euskal Herria plazatik barrena doa, Hipolito Gezala kalean dagoen kolektore nagusian burutuz.
Obra horrek Euskal Herria plazan lurpeko gainpresio ekipo bat egitea aurreikusi du.
Obra horren garrantzia kontuan izanik, hortan eskuhartzen duten administrazioen eta enpresa eraikilearen arteko koordinaketak ahalik eta handiena behar du izan, obragintzan sortuko diren arazoak konpondu ahal izateko.
Obragintza horretaz baliatzea nahi da Zubitxo kalean eta Elias Salaberrian lurpean doazen edateko uraren herriko hodiak aldatzeko.
Era berean lurperatuko dira Iberdrola eta Telefonicaren aireko instalazioak, Zubitxo kaleko eta Elias Salaberria hiribideko kale eta fatxadetan doazenak.
Kaleetako zoruak, espaloiak e.a., gutxienik ere lehen dauden egoeran geratuko dira. Dena dela, egin beharreko hobekuntza posibleak obrako arduradunekin negoziatuko dira.
Obrak egiterakoan kalteturik suerta daitezkeen zuhaitzei dagokienez, horiek birraldatu egingo dira edota, okerrenera jota, lehengoen ezaugarri bereko beste batzuk landatuko dira.
Obrak egiterakoan segurtasun neurri ahalik eta handienak hartuko dira, bai oinezkoentzat bai ibilgailuentzat.
Kontrataz obra egiteko aurrekontua guztira 474.945.646.- pta. da.
5.- Arkitektura ikasleei dirulaguntza Lezoko Alde Zaharraren planimetrian egindako ikerketa lanengatik.
Hektor Eguin, Mikel Puente eta Eñaut Muñoa arkitektura ikasleei Lezoko Alde Zaharreko planimetrian egindako lanengatik 1.110.000 pezetako dirulaguntza ematea erabaki du Gobernu Batzordeak. Gastua, Gobernu Organoaren dirulaguntza partidara kargatuko da.
KULTURA
6.- Ixkulin elkartearen 25. urteurrenaren ospakizunetarako dirulaguntza eskaera.
Gobernu Batzordeak erabaki du 275.000 pezeta zuzentzea ?Ixkulin Elkarteari?, 25. urtebetetze ospakizuneko ekintzen egitasmorako.
Kopuru honen %60a orain emango da (165.000), beste %40a likidazioa aurkezterakoan.
7.- Mendekoste jaietan txarangak egindako emanaldien gastuak.
Gobernu Batzordeak erabaki du 96.000 pezeta zuzentzea ?Amnistiaren Aldeko Batzordeari?, Mendekosteak 2000 jaietan txarangak egindako emanaldiak ordaintzeko.
8.- Urzainkiko Akerbeltz aterpetxearen sustatze eta ustiatze lanen esleipena.
1999ko azaroaren 4an eta 18an Udal Gobernu Batzordeak AKERBELTZ Aterpetxea suspertu eta kudeatzeko lehiaketan bete beharreko baldintza administratiboen Plegua onartu zuen.
Lehiaketara eskaintza bakarra aurkeztu zen: Gema, Elena eta Iratxe Garro ahizpak izenpetutakoa. Eskaintzak baldintza pleguan jasotako beharrak betetzen ditu.
Halere etxeak berak behar zituen moldaketa batzuk atzeratu dute aterpetxearen irekitzea eta ondorioz zerbitzuaren esleipena.
Gaur egun jardueren baimena izapidetzen ari da Urzainkiko udala. Dena dela udarako opor sasoia aprobetxatu nahi da, nahiz eta behin betiko zabalpenerako Nafarroako gobemuaren baimena behar dugun (egun tramitean duguna).
Ikusirik, lehiaketan parte hartu zutenek beraien interesa mantentzen dutela.
Horregatik guztiagatik erabaki hau hartu du Gobernu Batzordeak:
1. Akerbeltz aterpetxea (Urzainki) sustatze eta kudeatze lanak Gema eta Iratxe Garrori ematea. Baldintzak Gobernu Batzordean 1999ko azaroaren 4ean eta 18an onartutakoak dira aldaketa eta zehaztapen hauekin:
a) Epea: Zerbitzuaren esleipen-epea urtebetekoa izango da 2000-07-15tik 2001-07-15ra.. Bi urte gehiagorako luzapena lortu ahal izango du, alde bien arteko adostasunik balego.
b) Akerbeltz aterpetxearen gastu orokorrak: esleipendunarenak izango dira
e) Kontuen balantzea urtean bitan aurkeztuko dute: abenduan eta ekainean.
d) Balantzean, aterpetxearen okupazioak mozkinak sortu baditu, alojamenduaren betetze mailaren arabéra honako banaketa hau egingo da uztailetik abendura: 2.100tik 3.000ra, Lezoko udalari alojamenduaren %10. Okupazio maila handiagoa izan bada, %15a. Abenduko balantzearekin batera, datu hauek errebisatuko dira eta hauen arabera neurgailu berriaren taula finkatuko da.
2. Alkatea ahaltzea behar diren dokumentuak sinatzeko.
9.- Akerbetz aterpetxearen prezioen proposamena.
Akerbeltz aterpetxearen prezioak Nafarroako Foru Komunitatearen 1999/69 Dekretuak bere zazpigarren atalean dioenari jarraiki, Nafarroako gobernuak onartu behar ditu.
Prezioen taula Nafarroako gobernura bidali ahal izateko, erabaki hau hartu du Gobernu batzordeak:
1. Nafarroako gobernuari aurkeztu beharreko aterpetxe-prezioen taula hau onartzea
· Gaua pasatzea 1.000
· Maindireak 200
· Sukalde eskubidea 200
· Gosaria 350
· Bazkaria / Afaria 1.300
· Euskal Herriko Mendi Federatuak 800
· Taldeak (15 lagunetik gorakoak) 800
2. Lezon erroldaturikoak ¾eta bertan horrela frogatzen dutenak nortasun agiria aurkeztuz¾ %25deskontua izango dute gaua pasatzean, ez beste konzeptuetan.
10.- Iratxe eta Elena Garrori dirulaguntza.
Akerbeltz aterpetxearen kudeaketarako hitzarmena uztailean esleitu arren, behar diren egokitzapenak eta baimenak lortu bitartean uztailean ez da irekiko. Bestetik, abuztuaren lehenengo hamabostaldian Ekaitz aisialdi taldearen egonaldia Urzainkiko aterpetxean programatuta dago ¾publikoarentzat aterpea itxia egon arren¾. Bertan, adjudikatariak sukaldari eta garbiketa lanak egin behar ditu.
Honengatik guztiagatik, erabaki hau hartu du Gobernu Batzordeak:
3. Hilabete hauetako jarduera gastuei aurre egin ahal izateko 300.000 pezetako dirulaguntza ematea Gema eta Iratxe Garrori
11.- Gaintxurizketako jaietarako dirulaguntza.
Gobernu Batzordeak erabaki du 600.000 pezetako dirulaguntza zuzentzea ?Gaintxurizketako jai Batzordeari?, jaiak antolatzeagatik.
12.- Altamirako jaietarako dirulaguntza.
Gobernu Batzordeak erabaki du 600.000 pezetako dirulaguntza zuzentzea ?Altzate Auzo Elkarteari?, Altamirako jaiak antolatzeagatik.
13.- Allerru K.E.ri dirulaguntza ematea Plazeta futbol zelai berria zaintzeagatik.
Plazeta futbol zelai berria ireki zenetik haren zaintze lanak Allerru Kirol Elkarteak egin ditu: belarraren mantenimendua egin du, istalazioen gutxieneko mantenimendua, sarrera ?ateak ireki eta itxi, eta ikuslegoaren kontrola.
Apirilaren 15etik uztailaren 15era bitarte egindako aipatu lan hauengatik 300.000 pezetako dirulaguntza ematea erabaki du Gobernu Batzordeak. Gastua, futbol zelaiko programa partidatik egingo da.
Puntu hau premiaz aztergai zerrendan sartzea ahobatez onarturik, Gobernu Batzordeak ondorengo hau erabaki du:
14.- ?OARSO TELEBISTA?-ri kopuru bat aurreratzea hitzarmena bideratzeko helburuz.
Hitzarmena gauzatu bitarte, 1.000.000 pezetako dirulaguntza aurreratzea OTBri.
GALDE ESKEAK.
Hurrengo Gobernu Batzordea uztailaren 27an egingo dela esan da, alegia, ostegunez, 9:30 orduetan.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 13:25 orduetan eman dio buru bilkurari. Idazkari naizen aldetik, akta 225.103.etik 225.108.era arteko zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.