2012ko Azaroaren 29a, Ohikoa

Lezoko Udaletxeko Biltzar Areto Nagusian, 2012ko azaroaren 29a, osteguna, 19:30ean, eratu da OSOKO UDALBATZA, Ohikoa egiteko xedez, lehen deialdian, Ainhoa Zabalo Loiarte alkatearen lehendakaritzapean eta ondorengo zinegotzi hauek bertan direla: Mikel Arruti Salaberria, Ainhoa Intxaurrandieta Ezkurra, Eneko Lartige Zabaleku, Garazi Kuesta Unzain, Angel Portugal Formoso, Naroa Tubilla Ziganda, Luis Garrido Corral, Miren Tarragona Perez (Lezoko Bildu Udal taldeko kideak), Kepa Garbizu Azkue, Xubero Ubillos Apaolaza (EAJ-PNV Udal taldeko kideak), Enrique Figueroa Laboa (EAJ-PNV Udal taldeko kideak), eta Mikel Antxon Arrizabalaga Brusín (Eusko Sozialistak-Socialistas Vascos taldekoa.)

Bertan da eta egintzaren fede eman du udal idazkaria den Xabier Loiolak.

Gai zerrendatik kanpo, Alkateak, 2012ko azken udalbatza ospatzen denez, urgentziaz kreditu aldaketa batzuk tratatzeko eskaera egin du . Gaiak urgentziaz gai zerrendan sartzeko bozketa egin ondoren, onartu egin da aldeko 9 botoekin (Lezoko Bildu udal taldekoak), 3 abstentzioekin (EAJ-PNV taldekoak) eta kontrako boto batekin (Eusko Sozialistak-Socialistas Vascos).

Proposamena, 11. puntuan tratatuko da.

1. Egoki irudituz gero, 2012ko irailaren 24an ezohiko eta Irailaren 27ko ohiko osoko bilkuretako aktak onartzea.

Irailaren 27ko aktan, Mikel Antxon Arrizabalagak zuzenketa egitea eskatu du bigarren gaiaren azkeneko lerroan (euskarazko aktan 930031. orrialdean eta gaztelerazkoan, 930045. orrialdean). Aktan jasotzen diren bere adierazpenak esan zuenarekin eta jasotzen ez denarekin osatzea eskatu du. Azken esaldiari gehitu behar zaio “orduan existitzen ez ziren alderdiak”.

Aldaketa honekin akta onartu eta sinatu da.

Irailaren 24ko akta, aldaketarik gabe onartu eta sinatu egin da.

2. Diktamina, Hiri hondakinak bildu eta tratatzeko Udal ordenantzaren onarpenerako (2012H0290007).

Eneko Lartigek, Hirigintza eta Ingurumen zinegotzi delegatuak, diktamina onartzea proposatu du. Diktaminak honela dio:

“Lezoko Udalerrian Hiri hondakinak bildu eta tratatzeko Udal Ordenantzaren zirriborroa aurkeztu da bere onarpenerako.

7/1985 Legearen 25.2.l) artikuluak xedatzen du udalerriek bere gain hartu beharreko derrigorrezko eskuduntza dela hiri hondakinen bilketa eta tratamendua.

Halaber lege bereko 84 artikuluaren arabera udalak herritarren jardueratan eragin dezakete besteak beste ordenantzen bitartez.

Bestalde 22/2011 Hondakinen Legearen 12. 5 artikuluaren arabera udalek ordenantzen bidez arautuko dute etxeetako, komertzioetako eta zerbitzuetako hondakinen bilketa, garraio eta tratamendua.

Beraz ordenantza hau onartzeko 7/1985 Legearen 49 artikuluaren arabera, osoko bilkurak haserako onarpena eman behar dio Araudi Orokorrari, jendaurrean 30 egunez eduki behar da espedientea eta erreklamaziorik edo iradokizunik balego berriro ere osoko bilkurak ebatzi behar ditu.

Erreklamazio edo iradokizunik ez balego berriz ordura arte behin behineko akordioa zena behin betikoa bihurtuko da.

Hirigintza eta Ingurumen batzordeak 2012ko Azaroaren 21ean egindako batzarraldian, Eneko Lartige Zabaleku, Ainhoa Zabalo Loiarte eta Angel Portugal Formoso (BILDU)-ren aldeko botoarekin eta Kepa Garbizu Azkue (EAJ) eta Mikel Antxon Arrizabalaga (PSE-EE)-ren abstentzioarekin, diktaminatzen du:

BAT: Lezoko Hiri hondakinak bildu eta tratatzeko Udal Ordenantzari haserako onarpena ematea.

BI: Akordio hau Gipuzkoako Aldizkari ofizialean, Lezoko web orrialdean eta prentsa idatzian argitaratzea eta Araudi Orokorra jendaurrean edukitzea 30 egunez iragarkia Gipuzkoako Aldizkari Ofizialean argitaratu eta biharamunetik zenbatzen hasita.

Diktamina onartu egiten da aldeko 9 botoekin (Lezoko Bildu udal taldekoak), eta kontrako 4 botoekin (3 EAJ-PNV udal taldekoak eta 1 Eusko Sozialistak-Sozialistas Vascos taldekoa).

Kepa Garbizuk dio araudi hau espresuki atez atekoarentzat egina dagoela, gogorra, militar justizia, militar diziplina motakoa dela.

Mikel Antxon Arrizabalagak dio atez atekoa zikinagoa, deserosoagoa, garestiagoa, pertsonen intimitatearen kontrakoa eta herritarren borondatearen kontra ezartzen den sistema dela.

3. Diktamina, Kale garbiketa eta zabor bilketa kontratu aldaketaren akats zuzenketa onartzeko (2008H0180001).

Eneko Lartigek, Hirigintza eta Ingurumen zinegotzi delegatuak, diktamina onartzea proposatu du. Diktaminak honela dio:

“Lezoko Udalak eta “LIMPIEZA Y RSU LEZO UTE”k kontratu bat izenpetu zuten 2007ko maiatzaren 28an.

Kontratu honen arabera “LIMPIEZA Y RSU LEZO UTE”k Lezoko kale garbiketa eta hondakin solidoen bilketa zerbitzua aurrera eramateko konpromisoa hartzen zuen ondorengo honako hauek betez:

1.- 2006ko abenduaren 7ko osoko bilkuran onarturiko baldintza teknikoen eta administrazio baldintza zehatzen agiria. Agiriok kontratu balioa zutela adierazten da kontratuan eta esleipenduna den “LIMPIEZA Y RSU LEZO UTE”k hori jasota gera dadin, agiri horiek izenpetu zituen.

2.- “LIMPIEZA Y RSU LEZO UTE”k bere proposamenean zehaztutakoak. Hauen artean kontratuaren esleipenerako aurkeztu zuen B Kartazalaren, hau da, proposamen ekonomikoaren “1 LIBURUA: IKERKETA EKONOMIKOA” azpimarratu behar delarik.

2008ko uztailaren 10ean Lezoko Udalak eta “LIMPIEZA Y RSU LEZO UTE”k arestian aipatu kontratuaren aldaketa formalizatu zuten. Aldaketa hau osoko bilkuran onartu zen 2008ko ekainaren 4ean.

Aldaketa honen arabera hasiera eskainitako zerbitzuetatik ondorengo hauek murriztu ziran:

• Baldeketa zerbitzua kendu egiten da.
• Kale garbiketa zerbitzua kendu egiten da igande, jaiegun, herriko jai eta gainerako jai puntualetan.
• Udalak duen makina kale-garbitzailea, orain arte den bezala mantenduko da haren mantentzea udalaren kontura.
• Igande eta jaiegunetan zabor-bilketa kendu egiten da.
• Kontainerren 10% urtero berritzea kentzen da.
• Zerbitzuko langileen aldagelen eta ibilgailuak gordetzeko alokairuko lokalaren hornidura Udalari egokituko zaio.
• Eskaintzan proposatutako hobekuntzak kentzen dira

Halaber Kontratuaren, adjudikatzearen prezioa den 560.146,00 €/urteko kopurutik, 464.224 €/urteko kopurura pasatu zen.

Murriztutako zerbitzu guzti hauek arestian aipatu “1 LIBURUA: IKERKETA EKONOMIKOA” modu xehekatuan jasotzen dira.

Horrela kendutako zerbitzu guzti hauek ikerketa ekonomikoan jasotako datuekin parekatzen baditugu murriztutako zerbitzuen balorazio ekonomikoa kalkulatu du Hirigintza Teknikariak espedientean dagoen txostenean. Kalkulu honen emaitza 118.141,36 € da.

Horrela kontratuaren jatorrizko esleipen prezioa 560.146,00 €/urteko bazen eta zerbitzuari kontratuaren aldaketaren ondorioz murriztutakoaren kontzeptuen kostua 118,141,36 € bada, aldatutako kontratuaren prezio berria urteko 442.004,64 € izan beharko luke eta ez aldatutako kontratuan ezartzen den 464.224 €ko prezioa.

22.219,36 €ko desfase honen arrazoia ez da justifikatzen kontratu aldaketaren espedientean, ondorioz, udalaren kalkulu aritmetikoen akats bat da, kontratuaren aldaketa udalak inposatu baitzion esleipendunari administrazio publikoetako edo arlo publikoko kontratu legeak administrazioari ematen dizkion ahalmenen baitan.

Hau da, kontratu aldaketaren espedientean ez da zerbitzuaren eskainitako prezio horren aldaketa horren hitzarmenik ageri, ez eta murrizturiko zerbitzuen baloraketa ekonomiko berririk, esleipendunak eskaini zuena aldatzea justifikatu lezakeena.

Udal kontu-hartzaileak egindako kalkuluaren arabera kontratuaren murrizketa gauzatu zenetik Lezoko udalak zegokion baino 113.114,05 euro gehiago ordainduko ditu (2012ko abenduaren 31ra ateratako datuak).

Horrela 30/1992 Legearen 105.2 artikuluak xedatzen duena kontuan izanik herri administrazioak edozein unetan zuzendu ditzake bere egintzetako akats material edo aritmetikoak.

Hirigintza eta Ingurumen batzordeak 2012ko Azaroaren 21ean egindako batzarraldian, Eneko Lartige Zabaleku, Ainhoa Zabalo Loiarte eta Angel Portugal Formoso (BILDU) eta Mikel Antxon Arrizabalaga (PSE-EE)-ren aldeko botoarekin eta Kepa Garbizu Azkue (EAJ) -ren abstentzioarekin, diktaminatzen du:

BAT: “LIMPIEZA Y RSU LEZO UTE”ri jakinaraztea Lezoko Udalari “ 113.114,05 euro itzuli beharko dizkiola. Nahi izanez gero, itzulketa hau ondorengo hilabeteetako ordainagirietan dagokion kenketa eginez gauzatu daiteke horrela nahi bada.

BI: “LIMPIEZA Y RSU LEZO UTE”ri jakinaraztea Hurrengo ordainagirietan akats hau zuzendu beharko duela eta dagokion prezioa zehaztu beharko duela. Halaber horrelako akatsak saihestearren 2013 urteko hileroko ordainagiriak desglosatuak aurkeztea agintzen da.

HIRU: Akordio hau behin betiko egin aurretik “LIMPIEZA Y RSU LEZO UTE”ri jakinaraztea 15 eguneko aditze epea ematen zaiola nahi dituen alegazio edo erreklamazioak aurkez ditzan. “

Eneko Lartigek, diktameneko akordioetan, laugarren puntu bat sartzea proposatzen du. Hain zuzen, Udalbatzak, Tokiko Gobernu Batzordeari aipatutako kontratuan dagozkion eskumen guztiak delegatzea. Delegazioaren arrazoia, gaiari bizkortasuna ematea izango litzateke. Hau da gehitzea proposatu duen testua:

“LAU: Tokiko Erregimenaren Oinarriak arautzen dituen 7/1985 legearen 22.4 artikuluak xedatzen duena kontuan izanik Udalbatzak Tokiko Gobernu batzordeari esleitzen dizkio arestian aipatu kontratuan, kontratazio organo izateagatik dagozkion eskumen guztiak ”.

Diktamina, aipatu aldaketarekin, onartu egiten da aldeko 9 botoekin (Lezoko Bildu udal taldekoak), eta 4 abstentzioekin (3 EAJ-PNV udal taldekoak eta 1 Eusko Sozialistak-Sozialistas Vascos taldekoa).

Kepa Garbizuk dio ondo dagoela atzeratutakoa kobratzea baina kritikatu du eta larria iruditu zaio legealdiko hemezortzi hilabeteetan inor ez erreparatzea hortaz. Administrazioan eta faktura horien onarpen prozeduran aldaketak egin behar direla dio.

Mikel Antxon Arrizabalagari ere ondo iruditzen zaio ordena jartzea baina ez zaio iruditzen onartutakoa denik modurik egokiena.

4. Diktamina, Kale garbiketa eta zabor bilketa kontratuaren fakturazio zuzenketarena (2006H0180001).

Eneko Lartigek, Hirigintza eta Ingurumen zinegotzi delegatuak, diktamina onartzea proposatu du. Diktaminak honela dio:

“Lezoko Udalak eta “LIMPIEZA Y RSU LEZO UTE”k kontratu bat izenpetu zuten 2007ko maiatzaren 28an.

Kontratu honen arabera “LIMPIEZA Y RSU LEZO UTE”k Lezoko kale garbiketa eta hondakin solidoen bilketa zerbitzua aurrera eramateko konpromisoa hartzen zuen ondorengo honako hauek betez:

1.- 2006ko abenduaren 7ko osoko bilkuran onarturiko baldintza teknikoen eta administrazio baldintza zehatzen agiria. Agiriok kontratu balioa zutela adierazten da kontratuan eta esleipenduna den “LIMPIEZA Y RSU LEZO UTE”k hori jasota gera dadin, agiri horiek izenpetu zituen.

2.- “LIMPIEZA Y RSU LEZO UTE”k bere proposamenean zehaztutakoak. Hauen artean kontratuaren esleipenerako aurkeztu zuen B Kartazalaren, hau da, proposamen ekonomikoaren “1 LIBURUA: IKERKETA EKONOMIKOA” azpimarratu behar delarik.

“LIMPIEZA Y RSU LEZO UTE”k eskaini behar dituen zerbitzuen artean ondorengo hauek daude:

- Altzarien bilketa
- Edukinontzien garbiketa
- Edukinontzien mantenua

Zerbitzu hauetan besteak beste ondorengo gastuak aurreikusten dira “1 LIBURUA: IKERKETA EKONOMIKOA” dokumentuan:

1.- ALTZARIEN BILKETA

MAN brigada ibilgailua kutxa irekiarekin k/luma. Urteroko aurekontua:

Amortizazioa eta finantzaketa %21: 2.705,36€
Erregaia: 231,66€
Mantenua: 204,20€
Asegurua: 126,21€
Guztira: 3.267,43€

BI +GG %14 457,44€
GUZTIRA: 3.724,87€

2.- EDUKINONTZIEN GARBIKETA

Atzean saihetseko karga duen edukinontzi-garbigailu ibilgailua. Urteroko aurekontua:

Amortizazioa eta finantzaketa 2.008,67€
Erregaia: 222,90€
Mantenua: 316,80€
Asegurua: 60,10€
Guztira: 2.608,47€

BI +GG %14 365,19€
GUZTIRA: 2.973,66€

3.- EDUKINONTZIEN MANTENUA

MAN brigada ibilgailua kutxa irekiarekin k/luma. Urteroko aurekontua:

Amortizazioa eta finantzaketa %20 2.576,54€
Erregaia: 332,10€
Mantenua: 292,74€
Asegurua: 120,20€
Guztira: 3.321,58€

BI +GG %14 465,02€
GUZTIRA: 3.786,60€

Udal brigada buruaren txostenaren arabera –espedientean dago- arestian adierazi MAN ibilgailuak ez du zerbitzurik egin Lezok udalerrian eta edukinontzi-garbigailu ibilgailua 2012 urtean hasi da zerbitzua ematen.

Hori dela eta Lezoko Udalak aipatu ibilgailuen gastuak ordaindu ditu hauek udalean zerbitzua eman ez dutenean.

Lezoko kontu-hartzaileak egindako kalkuluaren arabera kontratua izenpetu zenetik eta urte hauetan egon den BEZaren aldaketa kontuan izanik 2012ko abenduaren 31ko datarekin udalak arestian aipatu kontzeptuetan ordaindurikoa ondorengo kopuru hau litzateke:

- Altzarien bilketa zerbitzuan: 22.370,95 €
- Edukinontzien garbiketa: 14.627,91 €
- Edukinontzien mantenua: 22.741,70 €

Guztira udalak aipatu ibilgailuen kostuetan ordaindurikoa: 59.740,56 €

Hirigintza eta Ingurumen batzordeak 2012ko Azaroaren 21ean egindako batzarraldian, Eneko Lartige Zabaleku, Ainhoa Zabalo Loiarte eta Angel Portugal Formoso (BILDU) eta Mikel Antxon Arrizabalaga (PSE-EE)-ren aldeko botoarekin eta Kepa Garbizu Azkue (EAJ) -ren abstentzioarekin, diktaminatzen du:

BAT: “LIMPIEZA Y RSU LEZO UTE”ri jakinaraztea Lezoko Udalari “ 59,740,56 euro itzuli beharko dizkiola. Nahi izanez gero, itzulketa hau ondorengo hilabeteetako ordainagirietan dagokion kenketa eginez gauzatu daiteke horrela nahi bada.

BI: Akordio hau behin betiko egin aurretik “LIMPIEZA Y RSU LEZO UTE”ri jakinaraztea 15 eguneko aditze epea ematen zaiola nahi dituen alegazio edo erreklamazioak aurkez ditzan.

Eneko Lartigek, diktameneko akordioetan, hirugarren puntu bat sartzea proposatzen du. Hain zuzen, Udalbatzak, Tokiko Gobernu Batzordeari aipatutako kontratuan dagozkion eskumen guztiak delegatzea. Delegazioaren arrazoia, gaiari bizkortasuna ematea izango litzateke. Honela dio gehitzea proposatzen duen 3. puntu berri hori:

“HIRU: Tokiko Erregimenaren Oinarriak arautzen dituen 7/1985 legearen 22.4 artikuluak xedatzen duena kontuan izanik Udalbatzak Tokiko Gobernu batzordeari esleitzen dizkio arestian aipatu kontratuan, kontratazio organo izateagatik dagozkion eskumen guztiak ”.

Mikel Antxon Arrizabalagak galdetzen du, ea Tokiko Gobernu Batzordeari egiten zaion delegazioa legezkoa den. Idazkariak, baietz dio.

Diktamina onartu egiten da aldeko 9 botoekin (Lezoko Bildu udal taldekoak), eta 4 abstentzioekin (3 EAJ-PNV udal taldekoak eta 1 Eusko Sozialistak-Sozialistas Vascos taldekoa).

5. Diktamina, 2013.ekitaldiko Aurrekontuaren onarpenerako. (2012KO290004)

Ainhoa Intxaurrandieta, Ogasun zinegotzi delegatuak, diktamina onartzea proposatu du. Honela dio diktaminak:

“2013ko Udal Aurrekontua lantzeko eta onartzeko tramitatzen ari den espedientea ikusirik, Ogasun eta Kontuetarako Batzordeak, 2012ko azaroaren 21an egindako bilkuran, Ainhoa Intxaurrandieta, Ainhoa Zabalo eta Eneko Lartigueren aldeko botoarekin, Kepa Garbizuren abstentzioarekin eta Mikel Antxon Arribabalagaren aurkako botoarekin behean heldu den proposamena diktaminatu du osoko bilkuran onar dadin:

BAT: Hasierako onarpena ematea 2013. ekitaldiko Udal Aurrekontuari. Hona hemen aurrekontua atalez-atal zehaztuta:
Kkap AZALPENA GASTUAK KKap AZALPENA SARRERAK
2013 2013
11 Pertsonal Gastuak 2.657.000 11 Zuzeneko zergak 2.182.500
22 Gastuak ondasun arrunt. 2.921.000 22 Zeharkako zergak 50.000
33 Finantza gastuak 140.000 33 Tasak eta bestelako zergak 1.279.800
44 Transferentzia arruntak 825.000 44 Transferentzia arruntak 3.614.100
55 Inbertsio errealak 95.000 55 Ondare-sarrerak 11.000
66 Finantza aktiboak 12.000 66 Hirigintzako Jarduerak 0
77 Finantza pasiboak 500.000 77 Kapital transferentziak 600
88 Finantza aktiboak 12.000
GUZTIRA 7.150.000 GUZTIRA 7.150.000

BI: Informazio publikorako hamabost egunetako epea irekitzea, Gipuzkoako Aldizkari Ofizialean eta iragarki oholtzan iragarkia argitaratuz, alegazioak aurkez daitezen.”

Kepa Garbizu kexatu da dokumentazioa orain 24 ordu arte eskuratu ez izana. Dena den, proposamenaren kritika egiten du. Kapituluka eta sarreretako partidak ikusita aurtengo aurrekontuaren oso antzekoa dirudien arren, dio oso ezberdinak direla gastuetarako proposatutako partidak. Alde batetik, partida batzuk desagertu egiten direlako, 3. adinekoak adibidez, eta beste partida asko nabarmen jaitsi egiten direlako (Gizarte Larrialdietako gastuak %87an, festak %53an, kultura %35, euskara %17, kirola %12, udaltzaingoa %18). Jaitsiera guzti horiek helburu ezkutua dutela salatu du, alkatearen agindupeko kreditu globala partida gizentzea eta hortik atez atekoaren ezarpena kudeatzea, alkateak berak batzordean emandako azalpenetan horrela aitortu zuela dio.

Mikel Antxon Arrizabalagak ere ez dago ados aurkeztutako proposamenarekin. Inbertsioetarako aurreikusitakoa ez dela nahikoa dio, nahiz eta zergak igo. Alde batetik, gehitu du ez dagoela enplegu planik eta, bestetik, udalaren eskumenetik kanpo dauden dirulaguntzak ematea proposatzen dela. Bere ustez kreditu globaleko partida hainbat ekimen ezkutatzeko erabili nahi da.

2013ko udal aurrekontuak onartzeko diktamina onartu egiten da aldeko 9 botoekin (Lezoko Bildu udal taldekoak), eta kontrako 4 botoekin (3 EAJ-PNV udal taldekoak eta 1 Eusko Sozialistak-Sozialistas Vascos taldekoa).

6. Diktamina, Tomas Garbizu musika eskolako Ordenantza Fiskalaren behin betiko onarpenerako (2012KO290007).

Ainhoa Intxaurrandieta, Ogasun zinegotzi delegatuak, diktamina onartzea proposatu du. Honela dio diktaminak:

“Jendaurrean ipinita egon den denboran, Eusko Jaurlaritzak idatzia aurkeztu du (Sarrera erregistroa 2543), Tomas Garbizu musika eskolako ordenantza fiskalaren aldaketaren behin behineko onarpenari buruz.

Aldaketan ezartzen den hobariari dagokionean, dio, indarrean dagoen araudiaren arabera, tasen arloko zerga salbuespenak, txikipenak edo gainerako hobariak ezartzerakoan ekonomia gaitasunaren irizpideak bakarrik hartu beharko dira kontuan, eta erroldatuta egotearena ala ez, ez da ekonomia gaitasunaren irizpiderik.

Hori ikusirik, Kontu eta Hazienda batzordeak, 2012-11-21ean egindako bilkuran, Ainhoa Intxaurrandieta, Ainhoa Zabalo eta Eneko Lartige zinegotzien aldeko botoarekin eta Kepa Garbizu zinegotziaren abstentzioarekin, behean heldu den proposamena diktaminatu du osoko bilkuran onar dadin:

BAT.- Aldaketa zuzentzea ondoren zehazten den paragrafoa kenduz:

“Hobaria: Lezon erroldatuta dauden ikasle guztiei, matrikularen tasan %15eko hobaria dagozkie.”

BI: Zuzenketa eginda, behin betikoz onartzea ordenantza fiskala.

Diktamina onartu egiten da aldeko 12 botoekin (9 Lezoko Bildu udal taldekoak eta 3 EAJ-PNV udal taldekoak) eta abstentzio batekin (Eusko Sozialistak-Sozialistas Vascos taldekoa).

7. Diktamina, Oarsoaldea eskualderako 2013. ekitaldirako taxi tarifak onartzeko (2012KO290008).

Ainhoa Intxaurrandieta Ogasun zinegotzi delegatuak, diktamina onartzea proposatu du. Honela dio Diktaminak:

“Oarsoaldea S.A.k, taxi zerbitzuaren 2013rako eskualdeko tarifa bateratuak adostuz, Oarsoaldeko Taxi Batzordeak hartutako erabakia aurkeztu du, udalbatzak osoko bilkuran onartu ditzan.

Hori ikusirik, Kontu eta Hazienda batzordeak, 2012-11-21ean egindako bilkuran, Ainhoa Intxaurrandieta, Ainhoa Zabalo eta Eneko Lartige zinegotzien aldeko botoarekin eta Kepa Garbizu zinegotziaren abstentzioarekin, behean heldu den proposamena diktaminatu du osoko bilkuran onar dadin:

BAT: 2013. urterako taxi zerbitzuaren tarifa berriak onartzea, Oarsoaldeko Taxi Batzordeak erabaki bezala:

1 Tarifa (*):

Gutxienekoa: 5,0926€
Egindako Km. 1,0678€
Itxaronaldia, orduko: 20,9925€

(*) Tarifa hau lanegunetan (larunbatak ezik), 7:00etatik 22:00etara aplikatuko da:

2 Tarifa (**)

Gutxienekoa: 6,0113€
Egindako Km 1,6761€
Itxaronaldia, orduko: 22,8127€

(**) Tarifa hau larunbata, igande eta udal eta autonomi erkidegoko araudiak ezarritako jai egunetan aplikatuko da. Aplikagarria izango da ere lanegunetan 22:00etatik 7:00etara, eta abenduaren 24 eta 31 egunetan.

Gutxieneko tarifa: 5 minutukoa edo 1.500 metrokoa izango da.”

Kepa Garbizuri ez zaio logikoa iruditzen taxien prezioak %2,2 igotzea udal zerbitzuen tasak %1,8an igo direnean.

Alkateak dio Oarsoaldeako Taxi Batzordeak eskualdeko tarifak bateratzeko hartutako erabakiak duela horren arrazoia.

Diktamina onartu da aldeko 12 botoekin (Lezoko Bildu Udal Taldeko 9 eta EAJ-PNV taldeko hiru) eta abstentzio batekin ( Euskal Sozialistak-Socialistas Vascos taldekoa).

8. Diktamina, Kreditu kobraezinak deklaratzeko.

Ainhoa Intxaurrandieta, Ogasun zinegotzi delegatuak, diktamina onartzea proposatu du. Honela dio diktaminak:

“2008ko ekitaldira arte kobraezinak izan diren erreziboei dagokienez, zerga-bilketako sailak aurkeztutako dokumentazioa aztertu eta gero, Ogasun eta Kontuetarako Batzordeak, 2012ko azaroaren 21ean egindako bilkuran, Ainhoa Intxaurrandieta, Ainhoa Zabalo eta Eneko Lartigeren aldeko botoarekin eta Kepa Garbizuren abstentzioarekin, behean heldu den proposamena diktaminatu du osoko bilkuran onar dadin:

BAT: Kaudimen-gabezia eta preskripzioagatik aurkeztutako zerrendan jasotakoak (Zenbatekoa 67.350,31€) kobraezinak deklaratzea, honako egoerak direla medio:

? Hainbat entitatetan egindako funtsen bahitura negatiboa izan da.

? Soldataren bahitura ezinezkoa izatea nominarik ez dutelako.

? Ondasun higiezinak izanik, hauen bahituraren kostua zorraren kopuruarekiko neurrigabea izatea.”

Diktamina onartu da aldeko 12 botoekin (Lezoko Bildu Udal Taldeko 9 eta EAJ-PNV taldeko hiru) eta abstentzio batekin ( Euskal Sozialistak-Socialistas Vascos taldekoa).

9. Diktamina, 2013. urteko Plantila Organikoa eta Lan Postuen Zerrendaren onarpenerako (2012PE290006).

Alkateak, Barne Batzordeko diktamina onartzea proposatu du. Honela dio diktaminak:

“Indarrean dagoen legerian oinarrituta, tokiko korporazioari dagokio urtero onartzea aurrekontuaren bidez, udal plantila organikoa eta lanpostuen zerrenda.
2012-11-21ean egindako Barne Batzordean, Plantilan eta Lan Postuen Zerrendan egindako aldaketak azaldu ziren (udaltzain plaza baten amortizazioa).

Horiek horrela, Ainhoa Zabalo Loiarte, Eneko Lartige Zabaleku eta Angel Portugal Formosoren aldeko botoekin eta Enrique Figueroa Laboaren abstentzioarekin, Barne Batzordeak 2012-11-21en egindako bileran, behean heldu dena diktaminatu du, osoko bilkurak onar dezan:

BAT: 2013. urterako udal plantila organikoa hastapenez onartzea.

BI: 2013. urterako lanpostuen zerrenda hastapenez onartzea.

HIRU: Espedientea hamabost egunez jendaurrean jartzea, GAOn eta iragarki oholeko iragarki bidez.

LAU: Jendaurreko epean erreklamaziorik ez balego behin betiko onarpena automatikoa izango da. “

Diktamina onartu da aldeko 9 botoekin (Lezoko Bildu Udal Taldekoak), kontrako 3 botoekin (EAJ-PNV udal taldekoak) eta abstentzio batekin (Euskal Sozialistak-Socialistas Vascos taldekoa).

10. Diktamina, Lezoko Udaleko langileen lan hitzarmeneko bi artikuluen edukia eta erredakzioa aldatzeko (2012PE290007).

Alkateak, Barne Batzordeko diktamina onartzea proposatzen du. Honela dio diktaminak:

“Gobernu Talde honetako ordezkaritzak, eta Enpresa Komitearen ordezkaritzak, 2012ko azaroaren 16ean egindako bileran, akordio batera iritsi ziren 2011/05/18ean onartutako Lezoko Udaleko langileen lan baldintzei buruzko hitzarmenean jasoak dauden bi artikulu aldatzeko.

Akordio honen arabera, aldaketak 1. eranskinean jasoak dauden 98/99 eta 118. artikuluetan egingo lirateke. Artikuluak honela idatziak geldituko zirelarik:

? 98/99 artikulua: “Guztizko inkapazidadea duen 45 urtetik gorako langileari urteko 599,99€ko pentsioa eskainiko dio udalak, jubilatu arte, non eta beste lanik egiten ez duen, ez udalean ez udaletik kanpo.”

? 118. artikulua: “Azterketa medikoak. Azterketa mediku orokorra urtero egingo da, prebentzio onkologikokoa bi urtean behin.”

Horiek horrela, Ainhoa Zabalo Loiarte, Eneko Lartige Zabaleku eta Angel Portugal Formosoren aldeko botoekin eta Enrique Figueroa Laboaren abstentzioarekin, Barne Batzordeak 2012-11-21en egindako bileran, behean heldu dena diktaminatu du, osoko bilkurak onar dezan:

BAT: Ontzat hartzea Gobernu Talde honetako ordezkaritzak eta Enpresa Komitearen ordezkaritzak, Langileen Lan Hitzarmenaren 1. eranskinean jasoak dauden 98/99 eta 118. artikuluak aldatzeko adostutako akordioa.
Akordio honen arabera, 1. eranskinean jasoak dauden 98/99 eta 118. artikuluak honela idatziak geldituko dira:

? 98/99 artikulua: “Guztizko inkapazidadea duen 45 urtetik gorako langileari urteko 599,99€ko pentsioa eskainiko dio udalak, jubilatu arte, non eta beste lanik egiten ez duen, ez udalean ez udaletik kanpo.”

? 118. artikulua: “Azterketa medikoak. Azterketa mediku orokorra urtero egingo da, prebentzio onkologikokoa bi urtean behin.”

BI: Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Osoko Bilkurara jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.
• Horretarako, bi hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.”

Diktamina onartu da aldeko 9 botoekin (Lezoko Bildu Udal Taldekoak), eta 4 abstentzioekin (3 EAJ-PNV udal taldekoak eta 1 Euskal Sozialistak-Socialistas Vascos taldekoa).

11. Aurrekontuaren Aldaketa. Transferentziak (2012KO020002)

Kreditu Aldaketaren espedientea egiten ari denez, 2012ko aurrekontuko gastuen aurrekontuko partiden arteko kreditu transferentziaz, 2012ko azaroaren 28ko D012/00958 dekretuaren bidez hasia, alkate honek proposaturik, Udalbatzak aldeko 9 botoekin (Lezoko Bildu Udal Taldekoak), 3 abstentzioekin (EAJ-PNV udal taldekoak) eta kontrako batekin (Eusko Sozialistak-Socialistas Vascos taldekoa) ondorengoa ERABAKI DU:

BAT: Kreditu Aldaketarako espedientea onartzea, gastuen aurrekontu partida batzuen artean kreditu-transferentziarengatik identifikazio zk. 30012/2012, 2012-11-28koa eta zenbatekoa 274.393,07 €.

12. Kontu ematea, alkateak habilitazioz egindako aurrekontu aldaketarena (2012KO010007, 2012KO010008 eta 2012KO010009).

Alkateak habilitazioz egindako aurrekontua aldaketaren berri eman du 2012KO010007, 2012KO010008, 2012KO010009 eta 2012KO040001 espedienteetan jasoak.

13. Kontu ematea, Tokiko Gobernu Batzarraren osaketa aldatzearena (2012AL030050)

Alkateak, 2012ko urriaren 1ean emandako D12/00786 dekretuaren kontu eman du. Bertan, Luis Garrido Corral zinegotzia Tokiko Gobernu Batzarraren kide izateari uzten dio, eta Angel Portugal Formoso zinegotzia izendatzen da, kide berri bezala.

14. Kontu ematea, 13/2012 auzian, apelazioa aurkezteko aginduarena (2012ID450001)

Alkateak, D12/00934 dekretuaren kontu eman du. Dekretuan, udalean bandera espainola ez jartzeagatik, 13/2012 auzian, udala ordezkatuko duten letratuei, 223/2012 epaiaren aurka apelazioko errekurtsoa aurkezteko agindua ematen da.

Mikel Antxon Arrizabalak dio, merkeago izango litzatekeela udal zerbitzu juridikoak errekurtsoa aurkeztuko balu.

15. Mozioa, Eusko-Sozialistak Udal Taldeak Etxe-kaleratzeei buruz aurkeztutakoa (2012AL050026).

EAJ-PNVko zinegotzia den Kepa Garbizuk, Eusko-Sozialistak udal taldeak aurkeztu duen mozioari, zenbait puntu eranstea proposatzen dio Mikel Antxon Arrizabalagari. Testua irakurri ondoren, Eusko-Sozialistak taldearen zinegotziaren ustez Garbizuk proposatutakoa mozio berri bat izan beharko lukeela dio. Berak ez du onartzen aurkeztutako mozioari Kepa Garbizuk proposatutakoa gehitzea. Beraz, mozio bakarra tratatzen da, hain zuzen, Eusko-Sozialistak aurkeztutakoa.

Gaztelera hutsean aurkeztu den mozioak, honela dio:

“Con el estallido de la crisis y el aumento del paro, centenares de miles de personas han llegado a una situación límite que no les permite cubrir sus necesidades básicas, y entre ellas el pago de la vivienda habitual de una familia.

Según los datos que se manejan, decenas de miles de familias se han quedado ya sin su vivienda, lo que constituye un verdadero drama social.

No estamos hablando sólo de la pérdida de una vivienda para las familias, con todo lo que eso supone, sino también de una condena financiera de por vida. Se trata de una situación profundamente injusta sobre la que es imprescindible que todos pongamos de nuestra parte para darle solución.

Desde luego, es necesario reaccionar para evitar que todas las consecuencias de la crisis recaigan sobre la parte más vulnerable del contrato hipotecario, y en cambio, las entidades financieras, responsables de esta crisis en buena medida, mantienen su posición de fuerza en la ejecución hipotecaria, cuyo resultado es la pérdida de la vivienda para miles de familias.

Los Ayuntamientos somos las instituciones más próximas al ciudadano y por tanto vivimos el día a día de los problemas y las consecuencias personales y sociales que los desahucios están provocando.

Los Alcaldes y concejales asistimos impotentes a un drama colectivo frente al que poco podemos hacer si no es dar apoyo a través de los servicios sociales y orientación para evitar que los problemas empeoren. Estamos viviendo un tsunami social que nos desborda y produce un enorme daño a la cohesión social.

A pesar de las dificultades y limitaciones para actuar desde el ámbito municipal, creemos que es imprescindible un pronunciamiento de la Corporación Municipal, porque nos rebelamos ante una situación que consideramos injusta e insostenible y queremos aunar voluntades exigiendo acciones y asumiendo también la responsabilidad de actuar en la parte que nos toca.

MOCION

El Ayuntamiento en sesión plenaria acuerda:

1. Pedir una suma de esfuerzos de todas las instituciones, partidos políticos, y agentes sociales para frenar los desahucios, promoviendo un cambio de la legislación hipotecaria y una moratoria de, al menos dos años, de los desahucios que afecten a la vivienda habitual.

2. Instar al Gobierno Central a que modifique la legislación hipotecaria con la mayor rapidez posible, homologando de este modo nuestra legislación con la europea, incluyendo la figura de la dación en pago, para evitar la condena financiera de por vida de aquellas personas que han perdido su vivienda.

3. Exigir del Gobierno Central la paralización de los desahucios que afecten a aquellas personas amparadas por el código de buenas prácticas de la banca, durante al menos dos años.

4. Instar al Gobierno Vasco a que continúe mejorando el servicio de Mediación Hipotecaria, al mismo tiempo que refuerza su apuesta por la política de alquiler social como medida paliativa de cara a las familias que se vean expulsadas de su vivienda habitual.

5. Pedir a las Diputaciones que colaboren con el Gobierno en esa dirección, reforzando la coordinación y ampliación del gasto social dirigido a paliar los problemas de vivienda.

6. Exigir a las entidades financieras, a todas ellas, la paralización de los desahucios, durante al menos dos años.

7. Apoyar la creación de grupos de trabajo en los Ayuntamientos, con presencia de los grupos políticos municipales, y agentes sociales del municipio para buscar alternativas a las familias afectadas por desahucios y estudiar iniciativas que puedan ,dentro del marco competencial municipal, aliviar el sufrimiento de los afectados por los desahucios.

8. Orientar a los ciudadanos y ciudadanas del municipio que tengan problemas para hacer frente al pago de los compromisos adquiridos para la compra de sus viviendas habituales y no hubieran alcanzado un acuerdo previo con la entidad bancaria correspondiente, hacia el servicio de mediación hipotecaria puesto en marcha por el Departamento de Justicia y administración Pública del Gobierno Vasco con carácter público y gratuito.

9. Tomar iniciativas frente a las entidades financieras que mantengan los desahucios, entre ellas la retirada de sus depósitos. “

Mozioa, aho batez onartu du Udalbatzak.

16. Mozioa, Eusko-Sozialistak eta EAJ-PNV Udal Taldeek aurkeztutakoa, “Emakumeenganako indarkeriaren kontrako Nazioarteko Eguna” dela eta (2012AL050027)

Honela dio bi taldeak aurkeztutako mozioak:

“Azaroaren 25a dela-eta, hau da, Nazio Batuen Batzar Nagusiak “Emakumeenganako indarkeria desagerrarazteko nazioarteko eguna” aitortutako eguna dela-eta, Lezoko udalak indarkeria matxistaren aurkako gaitzespena agertu du. Emakumeenganako indarkeriaren kontrako edozein adierazpen gaitzesten dugu, dimentsio orotan (fisikoa, psikologikoa, sexuala, sinbolikoa…), bai eta sexismo mota oro ere, arinenak eta normalizatuenak barne, esaterako: sexuaren araberako rol estereotipatuak; neska eta emakumeen ikusezintasuna bizitzako hainbat arlotan, bigarren mailara zokoratuz; sexu eta ugalketa eskubideen ezeztapena; edota pertsonekiko diskriminazioa euren sexu-aukeraren edo genero identitatearen ondorioz.
Belaunaldi gazteagoen artean emakume nahiz gizonen arteko desberdintasunak eta emakumeenganako indarkeria gailenduta daudelako mitoa baino harago, errealitateak erakusten digu gazteen artean dagoen indarkeria matxista, baita adinez txikikoen artekoa ere, benetan kezkagarria dela.
Horrenbestez, ezinbestekoa da ulertzea ezin daitekeela emakumeenganako indarkeriaren kontra borroka egin, gizonezkoen eta emakumezkoen ereduak sakon eraldatu gabe, ez eta gizonezkoen eta emakumezkoen arteko harreman afektibo eta sexualak eraikitzeko modua aldatu gabe ere. Horregatik, tokiko gobernuok konpromiso aktiboa izan behar dugu udalerriko gazteekin lan egin eta indarkeria matxista prebenitzeko, ahalegina eginez eta beharrezkoak diren baliabideak eskainiz. Hori horrela, errespetuan, askatasunean, autonomian eta berdintasunean oinarritutako harremanak eraikitzen lagunduko diegu gazteei.
Prebentzioko prozesu honek erreferentziazko eredu berriak sortzea ahalbidetzen du, hain zuzen ere, mutilek eta gizonek pribilegiozko jarrerarik eduki ez dezaten nesken eta emakumeen aldean, izan ere, indarkeria matxistaren jatorria emakumeen menpekotasuna eta diskriminazioa betikotzen duen botere-harremanean dago. Beldur Barik programan Euskadiko udalek hartzen dute parte, eta helburua da sexismotik aldentzen diren neska-mutikoen jarrera positibo eta egunerokoak antzeman eta ikusaraztea, izan ere, jarrera horiek rol tradizionalekin hautsi eta gizarte berdintsuagoa eraikitzea dute xede.
Erakundeetatik eta, erakunde hurbilenetik, udaletik, indarkeria matxistaren kontrako ardura soziala eta politikoa gure gain hartu behar dugu, eta, horretarako, norberaren aurreiritziak, rolak eta eguneroko jarrerak berrikusi beharko ditugu. Norberak erantzukizun horiek bere gain hartuz gero, aldaketarako konpromisoa lortuko da.
Lezoko Udala
• Beldur Barik programaren edukiekin bat dator, gazteak indarkeria matxistaren gainean sentsibilizatu eta hura prebenitzeko moduak lantzeko tresna gisa.

• Herritarrei gonbit egiten die konpromiso pertsonalak eta kolektiboak hartzeko, emakumeen eta gizonezkoen arteko berdintasunaren alde, baita edozein indarkeria edo diskriminazio sexista gaitzesteko ere.

• Gonbit egiten die herritar guztiei, eta bereziki neska-mutilei, azaroaren 25ean, Emakumeenganako Indarkeriaren Kontrako Nazioarteko Eguna dela-eta izango diren ekitaldietan era aktiboan parte hartzera.”

Lezoko Bildu Udal Taldekoak, mozio alternatiboa aurkeztu dute. Honela dio mozioak:

“Beste urte batez, Emakumeen kontrako Indarkeriaren aurkako Nazioarteko Eguna dela-eta Lezoko Udalak biolentzia matxistaren aurka lanean jarraitzeko konpromisoa hartzen du, gure Udalerrian ere irauten duen gaitza baita.

2012a hasi zenetik 5 emakume erail dituzte Euskal Herrian eta milaka dira komunikabideen bitartez jasotzen ditugun kasuen berri . Eraso sexisten inguruko gertakariak eta salaketak egunero entzun ohi ditugun elementuak dira. Herriko jaietan edota jai eremuetan emakumeon askatasuna baldintzatu eta eraso sexisten areagotzea ematen da. Lan eremuan ematen diren sexu jazarpenen datuak kezkatzekoak dira. Gazteriaren artean sexuen arteko botere harremanak eta balore patriarkalak iraunarazteaz gain, mutil askok nesken kontrako indarkeria ere baliatzen dute…

Emakumeen aurkako biolentziak, izaera fisikoa, sexuala edo psikologikotik haratago, ekonomiko eta sozial izaera ere ba du. Horregatik Udal gisa emakumeen aurkako biolentziaren aurrean dugun jarrera, bikote edo bikote ohi eremuan ematen den biolentziatik haratagokoa izango da.

- Bikote edo bikote ohi eremuan ematen diren etengabeko tratu txar fisiko eta psikologiko adierazpenak SALATZEN DITUGU. Emakume izate hutsagatik kolpe, paliza eta heriotzak gertatzea onartezina iruditzen zaigu.

- Hainbat ordezkari politiko, agente sozial, judizial eta komunikabideren aldetik egindako adierazpenak SALATZEN DITUGU, emakumeak herritar tutelatu gisa eta norbere bizitzaz erabakitzeko ahalmenik gabe kokatzen direlako.

- Krisian baitan, zerbitzu publikoen murrizketek -bereziki zaintzari dagozkionak-, biolentzia arriskua handitu dezaketen bulnerabilitate egoerak sortzen dituztela SALATZEN DUGU. Obedientzia eta sumisioan oinarritutako harremanetan hain zuzen ere.

Hori guztiagatik, Udal honek, ekitatea eta emakume eta gizonezkoen arteko berdintasuna oinarri izango dituen beste eredu sozial baten eraikuntzan aurrera egiteko konpromisoa hartzen du. Emakumeenganako biolentzia bukatzeko bide bakarra izanik eta bide honetan mugimendu feministari entzun eta berarekin parte hartuz, norabide honetan egindako ibilbideagatik eta helburu hori lortzeko duen lidergo historikoagatik.

Horren guztiaren jakitun, Udal honek

• KONPROMISOA HARTZEN DU indarkeria aurre egiteko politika integralari dagokionez, mota desberdinetako neurriak hartu beharko ditugu kontutan, besteak beste heziketan oinarritutako prebentzio neurriak, eraso baten ondorengo neurri asistentzialak edota erantzun soziala artikulatzeari begirakoak.

• KONPROMISOA HARTZEN DU, bere eskumenen esparruan eta indarreko legeria aplikatuz, emakumeenganako indarkeriaren aurkako udal politika aktibo, osoa eta koordinatua garatzeko, hitzetik ekintzetara pasatuz.

• KONPROMISOA HARTZEN DU, autodefentsa feministaren beharra transmititu eta emakumeak animatu lanketa berezia egin dezaten eta bitartekoak jarri.”

Kepa Garbizuk dio autokritika beharrezkoa dela bakarrik honelako egunetan aritzen garelako gai hauetaz. Eskatu du Lezoko Udalak egina duen Berdintasun plana eguneratzea. Alkatea ados dago eta gehitu du Oarsoaldeako eskualdean eratutako berdintasun mahaiaren partaidea dela Lezoko udala eta hark antolatutako ekitaldien partaide eta bultzatzaile.

Lezoko Bildu udal taldeak aurkeztutako mozioa alternatiboa bozkatu da eta Udalbatzak aho batez onartu du.

17. Alkatearen, Organo Kolegiatuetako udal-ordezkarien eta Delegatuen txostenak.

17.1. Alkateak EAJ-PNV udal taldeak aurkeztu eta udalaren osoko bilkurak 2011ko azaroaren 24ean onartutakoa betez, udal kontuhartzaileak egindako txostena banatu die alderdiei.

Langilegoaren gaietan alkateak dio komitearekin bilerak egiten diharduela lan hitzarmenaren inguruan, eta baita udaltzaingoarekin bost kiderekin txandak antolatu ahal izateko.

Mikel Antxon Arrizabalagak galdetu dio ea zer egingo den abenduko aparteko ordainsariarekin. Alkateak dio ikusiko dela.

17.2. Hondakinen bilketaren inguruan egiten ari diren partehartze bileretan orain arte 484 pertsonek hartu dutela parte dio alkateak.

17.3. Ainhoa Intxaurrandietak San Marko Mankomunitatean onartu eta aldatuko den poligono industrialen hondakinen bilketa zerbitzuaren araudiaren berri eman du. San Markon izandako gobernu talde aldaketaren ondoren prozesua gelditu bazen ere adostasun bidez, zenbait aldaketa egin eta aurrera egitea erabaki dela dio. Ondorioz aurreikusten da 2013ko apirilaren 1etik aurrera poligono industrialetan hondakinen bilketa berezitua egingo da, 14 frakzio, eta horrek, zorionez, gaur nahasian jasotzen den zabor kopurua murriztuko du, guztion onerako.

17.4. Alkateak Kepa Garbizuk gaurko bilkuran erantzuteko idatziz egindako galderei buruz irakurri du irailaren 27ko udal batzarrean esan ziona irakurri dio, aktan jasotzeko eskatuz, hau da, ez dizkiola osoko bilkuran erantzungo. Alkateak akta jasotzea eskatu du, nola behin eta berriz esan izan dion udaleko ate guztiak irekiak dituela udal tekniko eta departamentu buruei honetaz galdetzeko.

17.5 Idazkaritzatik bilkuretako deialdia eta dokumentazio igortzeko moduaz proposamen bat egin da. 2.568/1986 Errege Dekretua, Azaroaren 28koa, Antolamendu Jarduera Araudiaren 80.3. artikuluak, bilkuretako deialdia, zinegotziei beraien etxean jakinarazi behar zaiela jartzen badu ere, deialdia eta bilkurarako gainontzeko dokumentazioa, zinegotzi bakoitzak adierazitako posta elektronikora bidaltzea proposatzen da. Guztiek onartu dute horrela egitea, Enrique Figueroak eta Garazi Cuestak ezik. Honi orain arte bezala egingo zaizkio deialdiak, paperean, udaltzaingoan utziz eta sms bidez ohartuz. Bestei, sms bidez abisatuko zaie deialdia dagoela eta dokumentazio postaz bidaliko zaie.

18. Galde-eskeak.

18.1. Kepa Garbizuk bi galdera idatzi berri erregistratu ditu udalean. Biak beste erakunde batzuk eta udal intereseko izan daitezken gaietarako dirulaguntza deialdien ingurukoak dira (Enplegu berdearekin lotutako jardunak finanantzatzekoa eta jarduera fisikoa sustatzeko ekintzak gauzatzekoa).

Alkateak erantzun dio aurreko osoko bilkuran esan bezala, ez dizkiola osoko bilkuran erantzungo. Behin eta berriz esan dio udaleko ate guztiak irekiak dituela udal tekniko eta departamentu buruei honetaz galdetzeko.

18.2. Kepa Garbizuk galdetu du Behemendin zer gertatzen den. Eneko Lartigek dio Urrulluko lurrak eskatu dizkiola Aldundiko nekazaritza sailari bertan nekazaritza ekologikoa burutzeko.

18.3. Kepa Garbizuk galdetu du Oarsoaldea SA.ri buruz ea berririk dagoen. Alkateak dio galdera zehaztuz gero ahaleginduko dela erantzuten, gai asko tratatzen direlako han. Kepa Garbizuk proposatu dio bileren zerrendetako gaizerrendak pasatzeko.

18.4. Prentsan argitaratutako hamar herrien arteko turismo egitasmoaren berri eskatu du Kepa Garbizuk. Alkateak dio ez dakiela zertaz ari den zehaztasun gehiago emateko. Albistearen kopia eman dio.

18.5. Duela urtebete prentsan Lezoko Bildu Taldeak agindutako Lope de Isasti inguruko 66 babes etxebizitza ofizialak zertan diren galdetu du Kepa Garbizuk.

Eneko Lartigek dio Hirigintza plan orokorreko fitxa hori geldi dagoela eta Olatzarrekin ere hasi nahi dutela.

18.6. Errenteria ondoko Campsako eraikuntza planak zertan diren galdetu du Kepa Garbizuk.

Alkateak dio garai txarrak direla inbertsio eta eraikuntzan. Ez dago mugimendurik eta inbertitu nahi duenik.

18.7. Kepa Garbizuk galdetu du ea Udaltzaingoan onartutako araudi berrien jakitun den. Baietz dio alkateak egunero pasatzen diotela txostena. Ea tabernetako terrazen planoa eskatzen den galdetu du Garbizuk. Baietz erantzun dio alkateak.

Aktaren amaiera.

Beste aztergairik geratzen ez denez, alkate-lehendakariak 21:00etan eman dio buru bilkurari. Eta nik, idazkari naizen aldetik, akta 930055etik 930074ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.