2013ko urtarrilaren 22a

Lezon, 2013ko urtarrilaren 22an, asteartea, goizeko 8:00etan hasi du Tokiko Gobernu Batzarrak BILKURA OHIKOA udaletxeko gobernu batzar aretoan, lehen deialdian, Ainhoa Zabalo Loiarteren lehendakaritzapean, Eneko Lartige Zabaleku, Angel Portugal Formoso eta Mikel Arruti Salaberria bertan direlarik. Ainhoa Intxaurrandieta Ezkurra bilera hasi eta gero sartu da, gai zerrendako seigarren gaia aztertzen ari zirela.

Idazkari gisa Xabier Loiola Aristi aritu da.

AKTA ONARTZEA.

1. Egoki irudituz gero, 2012ko abenduaren 18an egindako bilkurako akta onartzea.

Akta onartu eta sinatu da.

HIRIGINTZA, OBRA ETA ZERBITZUAK

2. Irurtzun kaleko 82. eta 84 zenbakietako pabilioietan elikagaiak eta janariak fabrikatzeko Interal S.A.ri, irekitzeko lizentzia emateko aldeko proposamena (2011H005007)

Tokiko Gobernu Batzarrak, 2011ko urriaren 4an eginiko bileran, Interal S.A.ri Irurtzun kaleko 82. eta 84. pabiloietan produktu dietetikoak eta elikagaiak fabrikatzeko jarduerari ekiteko irekiera lizentzia ukatzea erabaki zuen, jakinarazi zitzaizkion arrazoiengatik.

Interal S.A.k, 2012ko abenduaren 13an, udalak eskatutako eta ondoren zehazten den dokumentazioa aurkeztu du:

1.- Eusko Jaurlaritzako Industria Sailak pabiloian egindako suteen aurkako instalazioaren aldeko txostena.

2.- Suteen aurkako instalazioaren mantentze lanak egiteko kontratua.

3.- Añarbeko Ur Mankomunitateak ur zikinak udal kolektorera lotu ahal izatearen aldeko txostena.

Udal teknikariaren txostena aztertu ondoren, Hirigintzako eta Ingurumeneko zinegotzi ordezkariak proposaturik, Tokiko Gobernu Batzar honek ERABAKI DU:

BAT: Interal S.A. enpresari Irurtzun kaleko 82. eta 84. pabiloietan produktu dietetikoak eta elikagaiak fabrikatzeko jarduerari ekiteko irekiera lizentzia EMATEA.

BI: Baimena ematearen gaineko eskubideengatik 6.700,98€ ordaindu beharko dira (3.245,53 € eraikuntzen eta obren gaineko zergarengatik 823,00 irekitze baimenagatik eta 2.362,45 jarduera baimena kontzeptuan).

HIRU: Erabakiaren aurkako errekurtsoak:
a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Gobernu Batzarrera jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.
• Horretarako, bi hilabeteko epea dauka, erabaki honen jakinarazpena jaso eta biharamunetik hasita
• Errekurtsoa aurkeztekotan,EAEko Auzitegi Nagusiko administrazioarekiko auzitarako Donostiako epaitegira jo behar da.

3. Donibane Kaleko, 24. eraikinean fatxada berritzeko obra baimena emateko proposamena (2012H0030011)

Construcciones Jose Aizpurua Unanue, S.L.k, Donibane kaleko, 24ko Jabekideen izenean, obra baimena eskatu du, Donibane kaleko, 24.zenbakian dagoen eraikuntzaren fatxada berritzeko.

Udal teknikariak egindako txostena ikusi ondoren, Hirigintza eta Ingurumeneko Zinegotzi Delegatuak proposaturik, Tokiko Gobernu Batzar honek ERABAKI DU:

BAT: Construcciones Jose Aizpurua Unanue, S.L.ri, Donibane kaleko, 24ko Jabekideen izenean, obra baimena EMATEA, Donibane kaleko, 24.zenbakiko eraikuntzaren fatxada berritzeko, ondorengo baldintza hauekin:

• Aldamioen okupazioa: 54 m2.takoa izango da.

• Polentzarrene kaleko aparkamendu publikoan kontainerra jartzeko eta materialak lagatzeko 14,86 m2 okupatuko dira, okupazio honek ezingo ditu pertsonak edo automobilak trabatu, eta egin beharreko itxidura egin aurretik, Lezoko udaltzaingoarekin eta udal aparajadorearekin harremanetan jarri beharko dira (943524380 telefonora deituaz).

• Obra bukatzeko epea: 4 hilabete.

• Obrak sortutako obra-hondakinak, konduktu baten bidez kontainerrera zuzendu beharko dira.

• Fatxadetan dagozkien segurtasun sareak jarri beharko dira

• Obra lanak ongi seinaleztatuak egon beharko dute.

• Obra lanak egiteko, dagozkion segurtasun neurriak hartuta egingo dira.

BI: Lizentzia ematearen gaineko eskubideengatik 7.562,93 € ordaindu beharko dira (4.587,84 aldamioen okupazioagatik, 1.262,51 € kontenedorearen okupazioagatik eta 1.712,58 obra eta eraikuntzen zerga kontzeptuan)

HIRU: Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.

• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Gobernu Batzarrera jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.

• Horretarako, bi hilabeteko epea dauka, erabaki honen jakinarazpena jaso eta biharamunetik hasita
• Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.

4. Kamioien salmenta eta tailerra jartzeko obra eta jarduera lizentzia emateko proposamena (2012H0050002)

Talleres Pamendi S.L.k, eskaturik, Lezoko Hirigintza Antolamendurako Plan Orokorreko HIE 35 GUIASA eremuan (Madrid-Irun errepideko 472.kmtroan) kokatuta dagoen pabiloian kamioien salmenta eta tailerra jartzeko obra eta jarduera lizentziaren espedientea azterturik, eta aipatu HIE 35 eremuan eta honekin muga egiten duen lur ez urbanizagarrian -katastroko 2 poligonoko 134 lursaila- baimenik gabeko lur mugimendu eta zoladura lanak egin direla ikusirik,

Udal teknikariaren txostena ikusi ondoren,

Hirigintza eta Ingurumen Zinegotzi Delegatu honek proposaturik, Tokiko Gobernu Batzar honek ERABAKI DU:

BAT: Talleres Pamendi S.L.ri, HIE 35 Guiasa eremuna (Madrid-Irun errepideko 472.kmtroan) kokatuta dagoen pabiloian kamioien salmenta eta tailerra jartzeko obra eta jarduera lizentzia ematea, ondorengo balintzekin:

1.- Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak betetzea, horiek honekin batera igorri zaizkiolarik.

2.- Okupaturiko lur ez urbanizagarria leheneratzea belar naturala landatuz.

BI: Obrak bukatu ondoren eta ezarritako neurri zuzentzaileak hartu ondoren, jarduera irekitzeari dagokion lizentzia eskatu behar du eta, horrekin batera, lanek Eusko jaurlaritzako Osasun Sailak eta Lurralde Antolamendu, Etxebizitza eta Ingurumen Sailak ezarritako neurri zuzentzaile guztiak betetzen dituztela adierazten duen ziurtagiri tekniko bisatua aurkeztu beharko du.

HIRU: Era berean, suteen aurka jarritako neurriak proiektuan zehazten direnekin bat datozela adierazten duen, Eusko Jaurlaritzaren Industria Sailaren aldeko txostena eta Añarbeko Urak Mankomunitateak, urak kolektorera isurtzeko baimena ematen duen aldeko txostena aurkeztu beharko ditu.

LAU: Lizentzia ematearen gaineko eskubideengatik 11.016,85 euro ordaindu beharko du, eraikuntzen eta obren gaineko zergarengatik.

BOST: Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Gobernu Batzarrera jo behar da.
b) Bestela, administrazioarekiko auzi-errekurtsoa aurkez dezake zuzen-zuzenean.
• Horretarako, bi hilabeteko epea dauka, erabaki honen jakinarazpena jaso eta biharamunetik hasita
• Errekurtsoa aurkeztekotan,EAEko Auzitegi Nagusiko administrazioarekiko auzitarako Donostiako epaitegira jo behar da.

5. Atzeko karga duen kamioia eskuratzeko hornidura kontratuaren esleipenaren proposamena (2012H0170002)

Lezoko Udalak 2012ko abenduaren 4ean buruturiko Tokiko Gobernu Batzordean Atzeko Kargadun Kamioia Erosteko kontratazio espedientea hastea, jardunbide irekiaren bitartez, kontratua arautuko duten baldintza pleguak eta gastua onartzeko akordioa hartu zuen.

Akordio hori, dena den, kontratu honen gastuari aurre egiteko derrigorrezkoa den aurrekontu gordailua 2013ko otsailaren 28rako izatera baldintzatu zen.

Kontratazio honen iragarkia 2012ko abenduaren 17ean argitaratu zen Gipuzkoako Aldizkari ofizialean.

Hiru eskaintza onartu ziren lizitaziorako.

Kontratazio mahaiaren proposamena kontuan izanik

Kontratu hau Arlo Publikoko Kontratuen Legearen Testu Bateratuaren 3/2011 RDL 138 eta 157 eta hurrengo artikuluek xedatzen dutena kontuan izanik

Halaber, baldintza agiriko 16 eta 19 atalek xedatzen dutena kontuan izanik, kontratazio mahaiak proposaturik, Tokiko Gobernu Batzar honek ERABAKI DU:

BAT: Atzeko Kargadun Kamioia Erosteko kontratua RENAULT TRUCK ESPAÑA, SL enpresari esleitzea ondorengo baldintzetan:

Prezioa: 121.890 euro oinarrizko prezioa eta 25.596,90 euro BEZa

Aurkezturiko proposamenean eta baldintza pleguetan zehazturiko gainontzekoak.

BI: Akordio hau kontratatzailearen profilean argitaratu eta akordio honen jakinarazpena lizitatzaileei igorri.

HIRU: Akordio honen jakinarazpena jaso eta 15 egun balioduneko epean, adjudikaziodunak honako jarduketa hauek gauzatu beharko ditu:

a) Administrazio honen aurrean agertzea, kontratua administrazio dokumentu gisa formalizatzeko.

b) Aldizkari bakar batean eta behin bakarrik agertzeko publizitate ofizialaren gastuak ordaintzea (horretarako gehienezko zenbatekoa 4.000 € izango da).

c) Behin betiko bermea (6.094,5 €) ordaindu duela frogatzen duen dokumentazioa aurkeztea

EUSKERA

6. Lezoko udalaren kontratazio publikoetan txertatu beharreko hizkuntza baldintzak eta prozedura administratiboaren aldaketen proposamena (2013KU290001)

Lezoko Udalaren Kontratu publikoek nahitaez bete beharko dute, gutxienez, euskararen ofizialtasuna jasotzen duen araubidea:

? EAEko Autonomia Estatutuaren 6. artikulua.
? Euskararen erabilera normalizatzeko azaroaren 24ko 10/1982 Oinarrizko Legea.
? EAEko administrazioetan euskararen erabilera normalizatzeko apirilaren 15eko 86/1997 Dekretua.
? Sektore Publikoko Kontratuaren Legearen Testu Bategina (2011).
? Gipuzkoako Foru Aldundiko Diputatuen Kontseiluak hartutako Erabakia, 2009ko urtarrilaren 27koa.
? Lezoko Udalean eta Udalerrian euskararen erabilera normalizatzeko arauak ematen dituen udal ordenantzak.

Honela bada, Kontratazio-arloan erabiliko diren neurriak udalak berak bete behar lituzkeen antzeko hizkuntz baldintzak bermatzeko helburua izango dute: orohar, hizkuntza ofizialtasun bikoitzaren araubidea bete araziko da, baina, Kontratuaren xede den prestazioaren berezko ezaugarriek hala eskatzen badute, hainbat kontratu euskaraz gauzatzeko neurriak ezarriko dira (berezko ezaugarriak hauek izan daitezke:zerbitzuaren jardueraren gaia; xede taldea; Administrazioaren hizkuntza-araudia, Zuzenbide araudiarekin bat datorrena).

Hizkuntza baldintzak kontratazio modu eta mota guztietan jasoko dira: kontratu irekietan, prozedura negoziatuetan eta kontratu txikietan, bai obra kontratuetan, herri-lanen emakidetan, zerbitzu-kontratuetan, zerbitzu publikoak kudeatzeko kontratuetan eta hornidura kontratuetan. Halaber, baldintza agiri guztietan; baldintza agiri administratiboetan eta teknikoetan.

Edozein kontratazio egin aurretik eta ondoren, ziurtatu egin beharko da delako enpresa edo norbanakoa gai dela eman behar duen zerbitzua euskaraz emateko. Horretarako, kontratazio guztietan honako prozedura jarraitu beharko da hizkuntza baldintzak txertatzeko orduan:

1. Udal sail bakoitzaren ardura da bere kontratazio prozedura guztietan hizkuntza-baldintzak txertatzea eta jarraipena egitea.

2. Derrigorrezko hizkuntza txostena ezinbestekoa izango da kontratazioen prozeduran aurrera egiteko., gutxienez, hiru uneotan:

2.1. Kontratazio deialdiko baldintza-agiria onartzeko.
2.2. Esleipena erabakitzeko.
2.3. Esleipendunari kontratua luzatzeko.

3. Hizkuntza txostena Euskara zerbitzuaren arduradun teknikoak egin eta sinatuko du eta Euskara batzordeburuak eta Kultura batzordeak oniritzia emango diote.

4. Kontratazio mahai/batzordean hizkuntza-irizpideak baloratu behar direnean, ezinbesteko kide izango da euskara zerbitzuaren arduradun teknikoa.

Euskara Zerbitzuak egindako proposamena aztertuta, eta Kulturako Zinegotzi delegatuak proposaturik, Tokiko Gobernu Batzar honek ERABAKI DU:

BAT: Onespena ematea Lezoko Udalean kontratazio publikoetan txertatu beharreko hizkuntza baldintzei eta prozedura administratiboaren aldaketei.

7. Kultura Zinegotziaren D13/00032 dekretuaren kontu ematea. Gazteen Aisialdia eta Merkataritza eta Erakundeak euskalduntzeko Planak inplementatuko dituen enpresaren esleipenaren kontratazio mahaiaren izendapena. (2012KU170001)

Mikel Arruti Zinegotziak, D13/00032 dekretuaren kontu ematen du. Bertan, Gazteen Aisialdia eta Merkataritza eta Erakundeak euskalduntzeko Planak inplementatuko dituen enpresaren esleipenaren kontratazio mahaiaren izendapena egiten da, Kontratazio mahaia horrela geratzen delarik:

Presidentea: Mikel Arruti.
Udal Idazkaria: Xabier Loiola.
Udal kontu-hartzailea: Pedro Etxarri.
Euskara-Kultura Teknikaria: Xanti Val.
Hizkuntza Dinamizatzailea: Joxemari Iraola.
Beste udal administrazioko euskara teknikaria: Jaione Urruzola (Pasaiako Udala). (ezingo balu Aitziber Arnaiz, Oiartzugo Udala).
Idazkaria: Joxemari Iraola.

ALKATETZA ETA DELEGATUAK

8. Alkatearen erabakien kontu ematea.

Abenduaren 18an egindako azken Tokiko Gobernu Batzarra geroztik emandako ebazpenen berri eman da.

GALDE ESKEAK

Ez da izan galde eskaerarik.

Aktaren bukaera.

Alkate-lehendakariak, aztertzeko ziren gai guztiak aztertu ondoren, 9:05 orduetan eman dio buru bilkurari. Idazkari naizen aldetik, akta 930311tik 930317ra zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.