KILOMETRO LEZOKO EMANALDIETAN ALDAKETAK IZANGO DIRA ASTEBURU HONETAN

Og, 2025-08-28 14:40

Eguraldia dela eta, asteburu honetako Kilometro Lezoko emanaldietan aldaketak egongo dira. Asteburuan zehar euria egingo du eta ikuskizunak behar bezala egin ahal izateko aldaketak egin ditu Lezoko Udalak ostiraleko eta igandeko emanaldietan. 

Asteburu honetarako hiru ikuskizun jasotzen zituen Kilometro Lezoko egitarauak. Eguraldia dela eta, ordea, bi emanaldi izango dira, biak Lezo Herri Eskolako patioan. Hirugarrena, bertan behera gelditu da, oraingoz. 

Ostiralean ATX Teatro konpainiaren Marmarra ikuskizuna ordu berean mantenduko da, 20:00etan, baina Lopene plazan izan beharrean, Lezo Herri Eskolako patioan egingo dute. 

Larunbateko emanaldiak ez du aldaketarik izango. Orratx! Antzerki Talde lezoarraren Bidaia Galduak antzezlana ikusteko aukera izango dute, Lezo Herri Eskolako Patioan, 22:00etan.

Igandean, berriz, ez da Komorebi Produkzioak taldearen Argilunak dantza ikuskizuna ikusteko aukerarik izango. Oraingoz, bertan behera utziko dute emanaldia, baina Lezoko Udalak eta taldeak lehenbailehen jakinaraziko dute data berria. 
 

Arloa edo saila