Joan zen ostiralean, martxoak 30, banatu ziren Oarsoaldeko VI. SMS lehiaketako sariak Pasai Antxoko Kultur Etxean egindako ekitaldi berezian.
Pasaiako Alkate Amaia Agirregabiriak, Lezoko zinegotzi Garazi Cuestak, Oiartzungo Zinegotzi Oihan Tellok eta Errenteriako zinegotzi Irune Balentziagak hartu zuten hitza gazteei zorionak emateko eta euskararen aldeko hautua egitearen garrantzia azpimarratzeko.
Eñaut Gantxegiaktoreak egin zuen aurkezle lana eta ekitaldia musikaz apaindu zuen Esne Beltza taldeko abeslari Xabi Solanok. Solanok bi kantu eman zituen bertaratutako gazte mordoaren gozagarri.
Maria Lizarraga oiartzuarraren “Ez gaitzala isiltasunak hil” mezua gertatu zen irabazle 165 mezuren artean.
Irabazleak 300 euroko erosketa txartela eskuratu zuen eskualdeko dendetan xahutzeko. Bost finalistek, berriz, 50 euroko erosketa txartela eskuratu zuten euskal disko eta liburuak erosteko.
Ekitaldia merienda batekin amaitu zen.
|
Egilea |
SMS Mezua |
|---|---|
|
ENEKO IPARRAGIRRE LEKUONA |
Goztu musk, snttu musk, izn musk |
|
USUE MONSALVO MENA |
Ametsak egia bihur daitezke |
|
UXUE TELLETXEA LOPERENA |
Oxigenoa da musika, ARNASTU! |
|
MARIA LASAGALARRAGA |
Lkk egstk zr sa bhr dt! |
|
LIERNI HERNANDEZ OIARBIDE |
Gr msikk zre amtsk msika dtzla |
|
MARIA LIZARRAGA GARMENDIA (IRABAZLEA) |
Ez gaitzala isiltasunal hil! |
