Agiri mota
Lezoko Udaletxeko Biltzar Areto Nagusian,
2001eko apirilaren 6an, 19:00etan orduetan eratu da OSOKO UDALBATZA, EZOHIKO
BILKURA egiteko xedez, lehen deialdian, Aitor Sarasola Salaberria (EH)
alkatearen lehendakaritzapean eta ondorengo zinegotzi hauek bertan direla: Mikel
Mitxelena Iza (EH), Imanol Esnaola Arbiza (EH), Juli Del Sol Bermejo (EH),
Inmaculada Muñoz Martinez (EH) eta Iñaki Zabaleta Zabala
(EH).
Ez dira bertan, Xabier Alegria Loinaz, (EH), egun presondegian, eta aurrez ezin etorriaren berririk eman gabe Pello Garbizu Azkue (EAJ), Jesús Mª Martiarena Jaka (EAJ), Iñake Urrestarazu Azurmendi (EA), Gurutze Sein Cordero (EA), Mikel Antxon Arrrizabalaga Brusin (PSE) eta Ainhoa Villanúa Ayuela (PSE).
Bertan da eta egintzaren fede eman du Xabier Loiola Aristi, udal idazkariak.
1.- DIKTAMENA, LEZO-OIARTZUN ZEHARKATZEAN N-I ERREPIDEAREN ALTERNATIBEN AZTERKETARI BURUZKOA.
Hirigintza Batzordeko diktamena onartzea proposatu du alkateak. Diktamenak honela dio:
“Hirigintza Batzordeak apirilaren bian egindako bileran, alkatearen aldeko botoarekin eta Jesus Mari Martiarena (EAJ) eta Iñake Urrestarazuren (EA) abstentzioarekin ondorengo diktamena onartu zuen bilkurari bere onarpena proposatuz.
Lezo-Oiartzun zeharkatzean N-1 errepidearen alternatiben azterketa
Azterketaren helburua.
Lezoko eta Oiartzungo Udalek N-1ak beren udalerriak hartzen dituen zatiaren alternatiben azterketa bat eskatzea adostu zuten. Azterketaren helburua N-1a bitan banatzeari buruzko aukera ezberdinak eta aipatutako udalerriak zeharkatzean gaur egungo eta geroko industrialdeei egin beharreko zerbitzua ezagutzea zen.
Aurrekariak.
N-1 Errepidea, trenbidea eta Bilbo-Behobia Autobidearekin batera, Baiona-Donostia ardatzaren eta hortaz Oarsoaldea eskualdearen garraio eta komunikabideen azpiegitura garrantzitsuenetariko bat da.
Azpiegitura hauek igarotzen diren herrientzat eta eskualdearen garapen ekonomikoarentzat duten garrantzi handia dela eta, hauetan gerta daiteken edozein aldaketak lurralde ezberdinen balizko garapenean ondorio larriak eragin ditzake.
N-1aren ondoko industrialdeen hazkundeak eta igarotzen den lurraldearen antolamenduaren aurreikuspenen faltak eragina izan du aipatutako lurraldeengan, gaur egungo eta geroko bizileku eta industria-kokalekuengan, baita nekazal giroarengan eta inguruarengan ere.
Herri Erakundeek beren azterketak eta plangintzak egiten hasiak dira. Lan honetan, maizegi plangintza eta proiektu hauen ondorio zuzenenak eta kaltegarrienak pairatuko dituzten udalerri txikien interesak eta beharrak ahaztu egiten dira. Hona bi adibide: Errenteriaren saihesbidearen proiektua, eta “Irún-Pasaiako Portua korridorean Gaintxurizketako ingurua jarduera ekonomikoen ezarpena garatzeko eremu gisa antolatzeko alternatiben azterketa” 1.999. urteko abuztuan Gipuzkoako Foru Aldundiarentzako Ikaur-ek egina eta Alberto Zabalak zuzenduta.
Gai hauen garrantziaz jabeturik, agintaldi estreinatu berria zelarik, urriaren 26ean eta azaroaren 5ean egindako bileretan, azken honetan Diputatu Nagusia ez ezik, Errepide eta Garraio Saileko Diputatuak, Hirigintza eta Ekonomia Sailekoak, Oarsoaldea Eskualde Garapeneko Agentziako Gerentea eta Lezoko eta Oiartzungo Udaleko alkateak ere bertan zeudelarik, Gipuzkoako Diputatu Nagusiari lan egiteko modua aldatzeko beharra azaldu genion eta halaber, eskualde honetan garatuko diren azpiegitura proiektu eta proiektu industrial guztiak udalen iritzia kontutan hartuz eta bereziki Oarsoaldea Garapen Agentziaren oinarrizko irizpideak jarraituz egitea.
Bilera hartan hauxe adostu zen: Gipuzkoako Foru Aldundia egiten ari zen azterlan eta proposamenak Oarsoaldeak ezarritako lehentasunen arabera diseinatu eta haietara egokituko zirela, arrazoizko irizpideak errespetatuz. Honen ostean eta eskualde honetan garatu beharreko egitasmoei dagokienez, oinarrizko irizpide gisa elkarlanean eta alderdien adostasunez egindako proposamenak bultzatzea onartu zen. Halaber, Udalen ordezkariek argi adierazi zuten ez zutela onartzen Ikaur-Alberto Zabalak egindako azterketan proposaturiko esku-harmen eta irizpideak.
Foru Aldundirako Ikaur-Alberto Zabalak egindako ikerketa horren helburua Irun-Pasaiako Portua korridorean industria-jarduera edo industrialdeak jar daitezkeen guneak aztertzea zen. Ikerketak N-1aren ibilbide berri bat proposatzen zuen, aurkezten ziren industrialde berrientzat erabilgarria zelako bereziki justifikatua. Azterketa honetan proposatutako garapena Lezoko Udalaren hirigintzako aurreikuspenen aurka zihoan, ia Gaintxurizketako korridore osoaren okupazio industriala lehenesten zuelako.
Gainera, N-1aren ibilbide berri bat proposatzen zuen korridorean aurreikusten ziren industrialdeen garapena bultzatuko zuena, era honetan udalerriaren baserri-lurrak dezente kaltetuz.
Azterketaren irtenbideak eta oinarrizko irizpideak
Azterketa honek erakusten digu errepidearen geroko banaketa bat edo indarrean dagoen araudi betetzeko egokitzapen bat bi alderdi ezberdinetik plantea daiteke: bat, oraingo ibilbideari eutsi eta zerbitzu-bideak sortu industrialdeetako sarbideekin lotzeko. Bi, oraingo ibilbidea baztertu, zenbait tartetan errepide berria proposatuz.
Udalen irizpideen arabera, hauek dira ikerketak aurkezten dituen irtenbide egingarriak mugatzeko oinarrizko irizpideak:
1.- Jarduera eta inbertsio berriei ekin baino lehen gaur egun dauden errepideen aprobetxamendua bultzatu eta Gipuzkoako Foru Aldundiari eskaera egin konpromisoa hartzeko A-8 autobidearen bidesari berri bat ez jartzeko, ezta kontzesioa luzatzeko. Honela, kontzesio administratiboa bukatutzat ematen denetik, 2.003. urtean alegia, Gipuzkoako lurraldearen aipatutako azpiegituraren bide osoa guztiz doan izan dadin.
2.- Aurreko puntuan esandakoaren harira, bide berri bat faseka egitearen aukera baloratu, errepidea banatzea bigarren etapa baterako atzeratu ahal izango zelarik.
3.- Gainontzeko errepideekin ahalik eta lotura hoberena lortu, eskualdearen gune industrial ezberdinen trafikoa jasoz eta A-8 Autobidera eta Donostiako 2. ingurabidea izango den horretara bideratuz.
4.- Lurraldeari ahalik eta kalte txikiena egitea, tamaina honetako obrek sortzen duten eragin gogorretik libratuz.
5.- Gure lurraldean kalte gutxien jasan dituzten guneak babestea.
6.- Proposaturiko jarduerek Udal Plangintzak aurreikusi edo zuzendu ez bezalako erabilerak eragitea ekidin.
Gipuzkoako Foru Aldundiari eskaera.
1.- Herri-Administrazioen arteko laguntza-izpirituari so eginez, Lezoko eta Oiartzungo Udalek eskatutako “Lezoko eta Oiartzungo udalerriak zeharkatzerakoan N-1aren alternatiben azterketa” deritzan ikerketa honetan emandako irtenbideak kontutan har ditzazula eskatzen dugu.
2.- Azterketa tekniko honek eman dituen irtenbideak aurreko atalean definitu diren oinarrizko irizpideen arabera baloratuak izan daitezela.
3.- Udalerrien Inguru-antolamenduari kalterik egin diezaioketen planek molda eta diseina daitezela udalerriek beraiek ezarri dituzten lehentasunen arabera”.
Alkateak dio ez dela lehen aldia gai honi buruz Lezoko udalak erabaki bat hartzen duena. Horrek bultzatu omen ditu azterketa lan bat agintzera. Alkatearen ustetan Aldundiak ez ditu kontutan hartzen Lezoko interesak: horren adibideak Errenteriko Sahiesbidea, eta Ikaur azterketaren bidez proposatzen ari den baserri lurren okupazioa. Salatu du Lezoko EAJren eta EAren jarrera: bere isiltasunakin Diputazioaren konplize omen dira; nahiz eta azken zortzi urtetan gai beretsuekin aritu behar EAJk eta EAk ez omen diote garbi adierazi Lezoko herriari zein den beraien jarrera eta zein interes defendatzen dituzten. Bere isiltasunarekin Diputazioaren interes berberak defendatzen dituztela esan du alkateak. Gaurko bilerara ez etortzea, martxoaren 8ko batzarrean Ikaurren azterketa aurrean abstenitzea, Errenteriako sahiesbidearen aurrean izan duten jarrera, ... guzti horrek garbi adierazten omen du esandakoa.
Diktamena onetsi egin da aldeko sei botorekin (alkatea eta EHko gainontzeko zinegotziena).
2.- MOZIOA, UDALBILTZAREN ALDEKO HAUTETSIEN MUGIMENDUAK AURKEZTUA, EUSKAL NAZIOTASUNA AITORTZEKO AGIRIA ESKATU ETA IGORTZEARI BURUZKO ARAUAK ONARTZEKO.
Imanol Esnaolak mozioa aurkeztu du esanez dokumentu horren funtza giza eskubieetan dagoela. Udalbitzako 2000 urteko Gestio Planean zegoen ekintza omen da eta geldirik egonda gero, 900tik gora zinegotzi eta alkatek Kursalen egindako asanblean martxan jartzea erabaki zutela.
Mozioak honela dio:
“Euskal Naziotasuna aitortzeko agiria eskatu eta igortzeari buruzko udal araudia.
Hitzaurrea
I.- Kontuan hartu dugu nazioarteko erkidegokoak zenbait tratatu eta akordioen bidez (hala nola, Giza Eskubideen Aldarrikapen Unibertsala, Giza Eskubideen eta Oinarrizko Askatasunen Babeserako Europar Hitzarmena, Eskubide Zibil eta Politikoen Ituna eta Eskubide Ekonomiko, Sozial eta Kulturalen Nazioarteko Ituna) honakoak aitortu dituela:
1. Herri guztiek dute erabakiak askatasunez hartzeko eskubidea eta eskubide horren bitartez, beren egitura politikoa eta garapen ekonomiko, kultural eta soziala askatasunez finka dezakete.
2. Gizaki guztiak aske jaiotzen dira, duintasun eta eskubide berberak dagozkie jaiotzez eta beren nortasuna aitortzen zaie.
3. Gizaki guztiek dute naziotasuna izateko eskubidea eta inori ez zaio bere naziotasuna edo naziotasuna aldatzeko eskubidea kenduko.
4. Gizaki guztiek dute beren iritzia emateko eta beren sinesmenak adierazteko askatasuna eta agintari publikoek ez dute esku sartzerik izango.
II.- Kontuan hartu dugu askatasun eta eskubideak bermatzeko orduan, ez dela desberdintasunik egingo nazio jatorriagatik, gutxiengo nazional batekoa izateagatik, hizkuntzagatik edo iritzi politikoengatik.
III.- Berretsi dugu udal hau oinarrizko askatasun horiei atxiki zaiela justizia eta demokraziaren gutxieneko oinarriak direlako.
IV.- Aintzat hartu dugu, gorako aipatu printzipioen arabera, gizakiak ezin duela askatasun zibil eta politikoez gozatu baldin eta horretarako baldintzak sortzen ez badira.
V.- Kontutan hartu dugu udal honek, erakunde publiko den heinean, errespetua eta askatasun eta eskubide horien egikaritza sustatzeko betebeharra duela.
VI.- Kontuan hartu dugu udalerri honetako hiritarrek beren naziotasuna aitortzeko eta naziotasun horri askatasunez atxikitzeko eskubidea dutela eta, horrela izanik, ez dela inolako desberdintasunik egingo, ez eta inolako mugarik jarriko.
VII.- Kontutan hartu dugu udalerri honetako biztanleei espainiar edo frantziar naziotasuna aitortzeko eskubidea bermatzen zaiela, ez ordea euskal naziotasuna.
VIII.- Baietsi dugu hori horrela dela eta hainbat eta hainbat euskal hiritarrek eskubide horren egikaritza bermatzeko eskaria sinatu dutela.
Udal honen legitimatean oinarrituz, lehenengo euskal Erakunde Nazionala eta bakarra den Udalbiltzaren eskariz (udal hau Udalbiltzari atxikirik dago), 1999ko azaroaren 27ko akordioaren bidez eta 1985eko Europar Gutunak aitortutako Tokiko Autonomia egikarituz, udal honek
hauxe erabaki du:
LEHENA.- Euskal Naziotasuna Aitortzeko Dokumentuan hiritarrek, askatasunez eta demokratikoki, Euskal Herri edo Nazioko hiritar izateko nahia eta borondatea adierazten dute. Dokumentu publikoa da eta udal honek horren benetakotasunaren fede emango du.
BIGARRENA.- Euskal Naziotasuna Aitortzeko Dokumentuak hiritarraren nortasun eta auzokidetasunaz fede emango du, udalaren ondorioetarako.
HIRUGARRENA.- Udal honek udalerriko hiritar guztien berdintasuna sustatuko du. Hori dela eta, eskuar dituen baliabide guztiak erabiliko ditu auzokideek askatasunez eta eraginkortasun berberaz adieraz dezaten espainiar, frantziar edo euskal naziotasuna harreman komertzial, sozial eta juridikoetan (publiko zein pribatuetan).
LAUGARRENA.- Udal honetako edozein hiritarrek eska dezake Euskal Naziotasuna Aitortzeko Dokumentua. Horretarako, interesatuak udal bulegoetan izango ditu eskaera-inprimakiak eta instrukzio orriak. Orri horietan eskaerarekin batera aurkeztu beharreko dokumentuak adieraziko dira:
-Nortasun Agiriaren tamainako 3 argazki.
-Errolda agiria.
-Legezko ordezkariaren dokumentazioa, kasuan-kasuan.
-Tramitazio gastuengatiko zenbatekoa kontu zenbakian sartu dela egiaztatzeko agiria.
BOSGARRENA.- Interesatuak behar bezala bete eta sinatu beharko du Euskal Naziotasuna Aitortzeko Dokumentuaren eskaera-inprimakia. Horrela, sinatzen duenak adieraziko du bere borondatez eskatzen duela Naziotasuna eta espreski baimentzen duela emandako datu pertsonalen erabilera, bai Euskal Naziotasuna Aitortzeko Dokumentua tramitatzeko, bai Udalbiltzak etorkizunean egoki deritzonerako.
SEIGARRENA.- Euskal Naziotasuna Aitortzeko Dokumentuaren eskaera-inprimakia entregatzean, eskaeraren frogagiri zenbakiduna emango zaio hiritarrari eta udalean bertan aurkeztu beharko du frogagiri hori 15 eguneko epean, Euskal Naziotasuna Aitortzeko Dokumentua jaso nahi badu.
ZAZPIGARRENA.- Euskal Naziotasuna Aitortzeko Dokumentua eskatu duten hiritar guztiei emango zaie, baina lehenengo Udalbiltzako udal ordezkari batek behar bezala benetatuko du, Nortasun Agiriaren antzeko dokumentu baten bidez. Dokumentu horretan hiritarraren datu pertsonalak agertuko dira bera dela egiaztatzeko, baita argazkia, sinadura eta Euskal Naziotasuna nahi duela adierazten duen aitorpena ere.
ZORTZIGARRENA.- Hori dela eta, Udalbiltzak “Naziotasunaren Borondatezko Aitorpena Benetakotzeko Batzordea” eratu du. 12 alkatek osatuko dute batzorde hori eta alkate horiek Udalbiltzaren ordezkaritzapean eta Batzar Orokorraren agindua betez, Euskal Naziotasunaren borondatezko aitorpenak sinatzeko ahalmena eta betebeharra izango dute.
BEDERATZIGARRENA.- Euskal Naziotasuna Aitortzeko Dokumentuaren eskaerak tramitatzean, udal honek Udalbiltzako Batzar Orokorrak definitu eta onartutako nazio bateraezintasun irizpideak gogoan izan eta aplikatuko ditu.
Idazkariak dio herritartasun proba ezin dela dokumentu hau izan, Biztanle Erroldak ematen duela herritartasun kategoria.
Alkateak dio erabaki guztiz politikoa: naziotasuna eskubidea aitortzeko modu bat.
Imanol Esnaolak dio guztiz libre dela dokumentu hori egitea edo ez, euskal herritarrari bere borondatez, berak horrela eskatu ondoren ematen zaion dokumentua omen da.
Mikel Mitxelena dio EAJ eta EA bileran ez izatea salagarria dela, berriro ere aurpegia ez ematea salatu du.
Imanol Esnaolaren iritsiz egunen batean, laister batean, alderdi horiek sinatuko omen dituzte dokumentu horiek.
Mozioa onetsi egin da aldeko sei botorekin (alkatea eta EHko gainontzeko zinegotziena).
3.- PROPOSAMENA, ORRATX! KULTUR ELKARTEAREKIN HITZARMENA ONARTZEKO.
Proposamenak honela dio:
“Orratx! Kultur Elkartea eta udal honek sinatu nahi duten hitzarmena dela eta, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx! Kultur Elkarteko ordezkaria) eta Imanol Esnaolak (Hezkuntza, Euskara eta Kultura gaietako Zinegotzia) idazkaritzatik egindako informe juridikoari jarraiki hitzarmenari hainbat aldaketa egitea egoki iritzi zuten.
Espedientean doan Lezoko udala eta Orratx! Kultur Elkartearen artean lankidetza eta berma ekonomikorako hitzarmena sinatzea datozen bost urtetarako eta dagokion ekarpen ekonomikoa 208 eta 216 partidei inputatzea”.
Bilera Aretoan den Orratx Kultur Elkarteko ordezkari batek gaia mahai gainean ustea eskatu du, erabakiaren inguruko adostasuna ahalik eta zabalena izatea nahi dutelako eta hura lortzeko alderdi abertzale guztiekin landu nahi dutela.
Alkateak eskaera aztertzeko bileraren bost minutuko etenaldia erabaki du. Etenaldiaren ondoren mahai gainearen ustearen aurka azaldu da: hitzarmenaren garrantsia ikusita bere onarpena berme bat iruditzen zaio. Ez omen daude kontrajarriak onarpena eta kontsentsu zabala.
Imanol Esnaolak dio txosten juridikoak egin ondoren Kultur batzordea deitu zela eta gaur bezala, hari ere bizkar eman omen zioten, babesik ez emateko. Jarrera hori oso larria dela dio Esnaolak, PSE-PP euskara eta euskal kulturarekiko ari diren erasoa ikusita. Ardurak sahiesten ari omen dira EAJ eta EA.
Idazkariak dio espedientean badela txosten juridikoa non proposatutako hitzarmenaren zenbait zuzenketa eskatzen diren.
Proposamenaren urjentzia aldeko bost botoekin onartu da (alkatea eta EHko lau zinegotzi), eta abstentzio bat (EHko Juli del Sol zinegotziarena).
Hitzarmena onartzeko proposamena ere onartu da aldeko bost botoekin eta abstentzio batekin (Juli del Sol zinegotziarena).
Imanol Esnaolak argitu du onartutako hitzarmenak jasotzen duen 3.300.000,- ptako dirulaguntza gehienezera izango dela.
4.- PROPOSAMENA, OARSO TELEBISTAREKIN HITZARMENA ONARTZEKO.
Imanol Esnaolak defendatu du proposamena. Euskal komunikabideek behar duten babesa omen du arrazoitzat proposatutako hitzarmenak. EAJ eta EAren utzikeria salatu du, gaur ez agertzearekin beste gaietan bezala (Orratx, karneta, hezkuntza sistema,...) etsaiaren erasoak inpunitate osoaz uztearen erantzukizuna leporatu die, eraikuntza nazionala jokoan dagoenean.
Honela dio proposamenak:
“Oarso TeleBistarekin udal honek sinatu nahi duen hitzarmena dela eta, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx!eko ordezkaria) eta Imanol Esnaolak idazkaritzatik egindako informe juridikoari jarraiki hitzarmenari hainbat aldaketa egitea egoki iritzi zuten.
Espedientean doan Lezoko udala eta Oarso Telebistaren artean lankidetza eta berma ekonomikorako hitzarmena sinatzea datozen bost urtetarako eta dagokion ekarpen ekonomikoa 221 partidari inputatzea”.
Idazkarik dio badela espedientean txosten juridikoa non proposatutako hitzarmenaren zenbait xehetasun eskatzen diren.
Proposamenaren urjentzia aldeko sei botoekin onartu da (alkatea eta EHko zinegotziena).
Hitzarmena onartzeko proposamena ere onartu da aldeko sei botoekin (bileran diren zinegotzi guztien aldeko botoarekin).
5.- PROPOSAMENA, LEZOKO UDALAREN EUSKARAREN ERABILERA PLANA ONARTZEKO.
Imanol Esnaolak proposamena onartzea proposatu du. Honela dio proposamenak:
“Lezoko udalaren euskararen erabileraren plana ezagutarazteko eta behar besteko argibideak emateko, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx! Kultur Elkarteko ordezkaria) eta Imanol Esnaolak (Hezkuntza, Euskara eta Kultura gaietako Zinegotzia)
Espedientean doan Lezoko udalaren euskararen erabileraren plana, onartzea eta ebazpenaren berri helaraztea Hizkuntza Politikarako Sailordetzara
Imanol Esnaolak proposatu du Plana behin behinekoz onartzea eta hilabete batez jendaurrean edukitzea iradokizunak jaso ahal izateko. Bere esanetan poztekoa da egoera onean izatea eta planak balio izatea hutsuneak konpontzeko.
Proposamenaren urjentzia aldeko sei botoekin onartu da (alkatea eta EHko zinegotziena).
Proposamena ere onartu da aldeko sei botoekin (bileran diren zinegotzi guztien aldeko botoarekin).
Imanol Esnaolak esan du Udalbiltzak Aberri Eguna herrietako plazetan ospatzera deitu duela.
Aktaren amaiera.
Beste aztergairik geratzen ez denez, Alkate-lehendakariak 20:15 orduetan eman dio buru bilkurari. Eta nik, Idazkari naizen aldetik, akta 225.552.etik 225.560.era arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.
Ez dira bertan, Xabier Alegria Loinaz, (EH), egun presondegian, eta aurrez ezin etorriaren berririk eman gabe Pello Garbizu Azkue (EAJ), Jesús Mª Martiarena Jaka (EAJ), Iñake Urrestarazu Azurmendi (EA), Gurutze Sein Cordero (EA), Mikel Antxon Arrrizabalaga Brusin (PSE) eta Ainhoa Villanúa Ayuela (PSE).
Bertan da eta egintzaren fede eman du Xabier Loiola Aristi, udal idazkariak.
1.- DIKTAMENA, LEZO-OIARTZUN ZEHARKATZEAN N-I ERREPIDEAREN ALTERNATIBEN AZTERKETARI BURUZKOA.
Hirigintza Batzordeko diktamena onartzea proposatu du alkateak. Diktamenak honela dio:
“Hirigintza Batzordeak apirilaren bian egindako bileran, alkatearen aldeko botoarekin eta Jesus Mari Martiarena (EAJ) eta Iñake Urrestarazuren (EA) abstentzioarekin ondorengo diktamena onartu zuen bilkurari bere onarpena proposatuz.
Lezo-Oiartzun zeharkatzean N-1 errepidearen alternatiben azterketa
Azterketaren helburua.
Lezoko eta Oiartzungo Udalek N-1ak beren udalerriak hartzen dituen zatiaren alternatiben azterketa bat eskatzea adostu zuten. Azterketaren helburua N-1a bitan banatzeari buruzko aukera ezberdinak eta aipatutako udalerriak zeharkatzean gaur egungo eta geroko industrialdeei egin beharreko zerbitzua ezagutzea zen.
Aurrekariak.
N-1 Errepidea, trenbidea eta Bilbo-Behobia Autobidearekin batera, Baiona-Donostia ardatzaren eta hortaz Oarsoaldea eskualdearen garraio eta komunikabideen azpiegitura garrantzitsuenetariko bat da.
Azpiegitura hauek igarotzen diren herrientzat eta eskualdearen garapen ekonomikoarentzat duten garrantzi handia dela eta, hauetan gerta daiteken edozein aldaketak lurralde ezberdinen balizko garapenean ondorio larriak eragin ditzake.
N-1aren ondoko industrialdeen hazkundeak eta igarotzen den lurraldearen antolamenduaren aurreikuspenen faltak eragina izan du aipatutako lurraldeengan, gaur egungo eta geroko bizileku eta industria-kokalekuengan, baita nekazal giroarengan eta inguruarengan ere.
Herri Erakundeek beren azterketak eta plangintzak egiten hasiak dira. Lan honetan, maizegi plangintza eta proiektu hauen ondorio zuzenenak eta kaltegarrienak pairatuko dituzten udalerri txikien interesak eta beharrak ahaztu egiten dira. Hona bi adibide: Errenteriaren saihesbidearen proiektua, eta “Irún-Pasaiako Portua korridorean Gaintxurizketako ingurua jarduera ekonomikoen ezarpena garatzeko eremu gisa antolatzeko alternatiben azterketa” 1.999. urteko abuztuan Gipuzkoako Foru Aldundiarentzako Ikaur-ek egina eta Alberto Zabalak zuzenduta.
Gai hauen garrantziaz jabeturik, agintaldi estreinatu berria zelarik, urriaren 26ean eta azaroaren 5ean egindako bileretan, azken honetan Diputatu Nagusia ez ezik, Errepide eta Garraio Saileko Diputatuak, Hirigintza eta Ekonomia Sailekoak, Oarsoaldea Eskualde Garapeneko Agentziako Gerentea eta Lezoko eta Oiartzungo Udaleko alkateak ere bertan zeudelarik, Gipuzkoako Diputatu Nagusiari lan egiteko modua aldatzeko beharra azaldu genion eta halaber, eskualde honetan garatuko diren azpiegitura proiektu eta proiektu industrial guztiak udalen iritzia kontutan hartuz eta bereziki Oarsoaldea Garapen Agentziaren oinarrizko irizpideak jarraituz egitea.
Bilera hartan hauxe adostu zen: Gipuzkoako Foru Aldundia egiten ari zen azterlan eta proposamenak Oarsoaldeak ezarritako lehentasunen arabera diseinatu eta haietara egokituko zirela, arrazoizko irizpideak errespetatuz. Honen ostean eta eskualde honetan garatu beharreko egitasmoei dagokienez, oinarrizko irizpide gisa elkarlanean eta alderdien adostasunez egindako proposamenak bultzatzea onartu zen. Halaber, Udalen ordezkariek argi adierazi zuten ez zutela onartzen Ikaur-Alberto Zabalak egindako azterketan proposaturiko esku-harmen eta irizpideak.
Foru Aldundirako Ikaur-Alberto Zabalak egindako ikerketa horren helburua Irun-Pasaiako Portua korridorean industria-jarduera edo industrialdeak jar daitezkeen guneak aztertzea zen. Ikerketak N-1aren ibilbide berri bat proposatzen zuen, aurkezten ziren industrialde berrientzat erabilgarria zelako bereziki justifikatua. Azterketa honetan proposatutako garapena Lezoko Udalaren hirigintzako aurreikuspenen aurka zihoan, ia Gaintxurizketako korridore osoaren okupazio industriala lehenesten zuelako.
Gainera, N-1aren ibilbide berri bat proposatzen zuen korridorean aurreikusten ziren industrialdeen garapena bultzatuko zuena, era honetan udalerriaren baserri-lurrak dezente kaltetuz.
Azterketaren irtenbideak eta oinarrizko irizpideak
Azterketa honek erakusten digu errepidearen geroko banaketa bat edo indarrean dagoen araudi betetzeko egokitzapen bat bi alderdi ezberdinetik plantea daiteke: bat, oraingo ibilbideari eutsi eta zerbitzu-bideak sortu industrialdeetako sarbideekin lotzeko. Bi, oraingo ibilbidea baztertu, zenbait tartetan errepide berria proposatuz.
Udalen irizpideen arabera, hauek dira ikerketak aurkezten dituen irtenbide egingarriak mugatzeko oinarrizko irizpideak:
1.- Jarduera eta inbertsio berriei ekin baino lehen gaur egun dauden errepideen aprobetxamendua bultzatu eta Gipuzkoako Foru Aldundiari eskaera egin konpromisoa hartzeko A-8 autobidearen bidesari berri bat ez jartzeko, ezta kontzesioa luzatzeko. Honela, kontzesio administratiboa bukatutzat ematen denetik, 2.003. urtean alegia, Gipuzkoako lurraldearen aipatutako azpiegituraren bide osoa guztiz doan izan dadin.
2.- Aurreko puntuan esandakoaren harira, bide berri bat faseka egitearen aukera baloratu, errepidea banatzea bigarren etapa baterako atzeratu ahal izango zelarik.
3.- Gainontzeko errepideekin ahalik eta lotura hoberena lortu, eskualdearen gune industrial ezberdinen trafikoa jasoz eta A-8 Autobidera eta Donostiako 2. ingurabidea izango den horretara bideratuz.
4.- Lurraldeari ahalik eta kalte txikiena egitea, tamaina honetako obrek sortzen duten eragin gogorretik libratuz.
5.- Gure lurraldean kalte gutxien jasan dituzten guneak babestea.
6.- Proposaturiko jarduerek Udal Plangintzak aurreikusi edo zuzendu ez bezalako erabilerak eragitea ekidin.
Gipuzkoako Foru Aldundiari eskaera.
1.- Herri-Administrazioen arteko laguntza-izpirituari so eginez, Lezoko eta Oiartzungo Udalek eskatutako “Lezoko eta Oiartzungo udalerriak zeharkatzerakoan N-1aren alternatiben azterketa” deritzan ikerketa honetan emandako irtenbideak kontutan har ditzazula eskatzen dugu.
2.- Azterketa tekniko honek eman dituen irtenbideak aurreko atalean definitu diren oinarrizko irizpideen arabera baloratuak izan daitezela.
3.- Udalerrien Inguru-antolamenduari kalterik egin diezaioketen planek molda eta diseina daitezela udalerriek beraiek ezarri dituzten lehentasunen arabera”.
Alkateak dio ez dela lehen aldia gai honi buruz Lezoko udalak erabaki bat hartzen duena. Horrek bultzatu omen ditu azterketa lan bat agintzera. Alkatearen ustetan Aldundiak ez ditu kontutan hartzen Lezoko interesak: horren adibideak Errenteriko Sahiesbidea, eta Ikaur azterketaren bidez proposatzen ari den baserri lurren okupazioa. Salatu du Lezoko EAJren eta EAren jarrera: bere isiltasunakin Diputazioaren konplize omen dira; nahiz eta azken zortzi urtetan gai beretsuekin aritu behar EAJk eta EAk ez omen diote garbi adierazi Lezoko herriari zein den beraien jarrera eta zein interes defendatzen dituzten. Bere isiltasunarekin Diputazioaren interes berberak defendatzen dituztela esan du alkateak. Gaurko bilerara ez etortzea, martxoaren 8ko batzarrean Ikaurren azterketa aurrean abstenitzea, Errenteriako sahiesbidearen aurrean izan duten jarrera, ... guzti horrek garbi adierazten omen du esandakoa.
Diktamena onetsi egin da aldeko sei botorekin (alkatea eta EHko gainontzeko zinegotziena).
2.- MOZIOA, UDALBILTZAREN ALDEKO HAUTETSIEN MUGIMENDUAK AURKEZTUA, EUSKAL NAZIOTASUNA AITORTZEKO AGIRIA ESKATU ETA IGORTZEARI BURUZKO ARAUAK ONARTZEKO.
Imanol Esnaolak mozioa aurkeztu du esanez dokumentu horren funtza giza eskubieetan dagoela. Udalbitzako 2000 urteko Gestio Planean zegoen ekintza omen da eta geldirik egonda gero, 900tik gora zinegotzi eta alkatek Kursalen egindako asanblean martxan jartzea erabaki zutela.
Mozioak honela dio:
“Euskal Naziotasuna aitortzeko agiria eskatu eta igortzeari buruzko udal araudia.
Hitzaurrea
I.- Kontuan hartu dugu nazioarteko erkidegokoak zenbait tratatu eta akordioen bidez (hala nola, Giza Eskubideen Aldarrikapen Unibertsala, Giza Eskubideen eta Oinarrizko Askatasunen Babeserako Europar Hitzarmena, Eskubide Zibil eta Politikoen Ituna eta Eskubide Ekonomiko, Sozial eta Kulturalen Nazioarteko Ituna) honakoak aitortu dituela:
1. Herri guztiek dute erabakiak askatasunez hartzeko eskubidea eta eskubide horren bitartez, beren egitura politikoa eta garapen ekonomiko, kultural eta soziala askatasunez finka dezakete.
2. Gizaki guztiak aske jaiotzen dira, duintasun eta eskubide berberak dagozkie jaiotzez eta beren nortasuna aitortzen zaie.
3. Gizaki guztiek dute naziotasuna izateko eskubidea eta inori ez zaio bere naziotasuna edo naziotasuna aldatzeko eskubidea kenduko.
4. Gizaki guztiek dute beren iritzia emateko eta beren sinesmenak adierazteko askatasuna eta agintari publikoek ez dute esku sartzerik izango.
II.- Kontuan hartu dugu askatasun eta eskubideak bermatzeko orduan, ez dela desberdintasunik egingo nazio jatorriagatik, gutxiengo nazional batekoa izateagatik, hizkuntzagatik edo iritzi politikoengatik.
III.- Berretsi dugu udal hau oinarrizko askatasun horiei atxiki zaiela justizia eta demokraziaren gutxieneko oinarriak direlako.
IV.- Aintzat hartu dugu, gorako aipatu printzipioen arabera, gizakiak ezin duela askatasun zibil eta politikoez gozatu baldin eta horretarako baldintzak sortzen ez badira.
V.- Kontutan hartu dugu udal honek, erakunde publiko den heinean, errespetua eta askatasun eta eskubide horien egikaritza sustatzeko betebeharra duela.
VI.- Kontuan hartu dugu udalerri honetako hiritarrek beren naziotasuna aitortzeko eta naziotasun horri askatasunez atxikitzeko eskubidea dutela eta, horrela izanik, ez dela inolako desberdintasunik egingo, ez eta inolako mugarik jarriko.
VII.- Kontutan hartu dugu udalerri honetako biztanleei espainiar edo frantziar naziotasuna aitortzeko eskubidea bermatzen zaiela, ez ordea euskal naziotasuna.
VIII.- Baietsi dugu hori horrela dela eta hainbat eta hainbat euskal hiritarrek eskubide horren egikaritza bermatzeko eskaria sinatu dutela.
Udal honen legitimatean oinarrituz, lehenengo euskal Erakunde Nazionala eta bakarra den Udalbiltzaren eskariz (udal hau Udalbiltzari atxikirik dago), 1999ko azaroaren 27ko akordioaren bidez eta 1985eko Europar Gutunak aitortutako Tokiko Autonomia egikarituz, udal honek
hauxe erabaki du:
LEHENA.- Euskal Naziotasuna Aitortzeko Dokumentuan hiritarrek, askatasunez eta demokratikoki, Euskal Herri edo Nazioko hiritar izateko nahia eta borondatea adierazten dute. Dokumentu publikoa da eta udal honek horren benetakotasunaren fede emango du.
BIGARRENA.- Euskal Naziotasuna Aitortzeko Dokumentuak hiritarraren nortasun eta auzokidetasunaz fede emango du, udalaren ondorioetarako.
HIRUGARRENA.- Udal honek udalerriko hiritar guztien berdintasuna sustatuko du. Hori dela eta, eskuar dituen baliabide guztiak erabiliko ditu auzokideek askatasunez eta eraginkortasun berberaz adieraz dezaten espainiar, frantziar edo euskal naziotasuna harreman komertzial, sozial eta juridikoetan (publiko zein pribatuetan).
LAUGARRENA.- Udal honetako edozein hiritarrek eska dezake Euskal Naziotasuna Aitortzeko Dokumentua. Horretarako, interesatuak udal bulegoetan izango ditu eskaera-inprimakiak eta instrukzio orriak. Orri horietan eskaerarekin batera aurkeztu beharreko dokumentuak adieraziko dira:
-Nortasun Agiriaren tamainako 3 argazki.
-Errolda agiria.
-Legezko ordezkariaren dokumentazioa, kasuan-kasuan.
-Tramitazio gastuengatiko zenbatekoa kontu zenbakian sartu dela egiaztatzeko agiria.
BOSGARRENA.- Interesatuak behar bezala bete eta sinatu beharko du Euskal Naziotasuna Aitortzeko Dokumentuaren eskaera-inprimakia. Horrela, sinatzen duenak adieraziko du bere borondatez eskatzen duela Naziotasuna eta espreski baimentzen duela emandako datu pertsonalen erabilera, bai Euskal Naziotasuna Aitortzeko Dokumentua tramitatzeko, bai Udalbiltzak etorkizunean egoki deritzonerako.
SEIGARRENA.- Euskal Naziotasuna Aitortzeko Dokumentuaren eskaera-inprimakia entregatzean, eskaeraren frogagiri zenbakiduna emango zaio hiritarrari eta udalean bertan aurkeztu beharko du frogagiri hori 15 eguneko epean, Euskal Naziotasuna Aitortzeko Dokumentua jaso nahi badu.
ZAZPIGARRENA.- Euskal Naziotasuna Aitortzeko Dokumentua eskatu duten hiritar guztiei emango zaie, baina lehenengo Udalbiltzako udal ordezkari batek behar bezala benetatuko du, Nortasun Agiriaren antzeko dokumentu baten bidez. Dokumentu horretan hiritarraren datu pertsonalak agertuko dira bera dela egiaztatzeko, baita argazkia, sinadura eta Euskal Naziotasuna nahi duela adierazten duen aitorpena ere.
ZORTZIGARRENA.- Hori dela eta, Udalbiltzak “Naziotasunaren Borondatezko Aitorpena Benetakotzeko Batzordea” eratu du. 12 alkatek osatuko dute batzorde hori eta alkate horiek Udalbiltzaren ordezkaritzapean eta Batzar Orokorraren agindua betez, Euskal Naziotasunaren borondatezko aitorpenak sinatzeko ahalmena eta betebeharra izango dute.
BEDERATZIGARRENA.- Euskal Naziotasuna Aitortzeko Dokumentuaren eskaerak tramitatzean, udal honek Udalbiltzako Batzar Orokorrak definitu eta onartutako nazio bateraezintasun irizpideak gogoan izan eta aplikatuko ditu.
Idazkariak dio herritartasun proba ezin dela dokumentu hau izan, Biztanle Erroldak ematen duela herritartasun kategoria.
Alkateak dio erabaki guztiz politikoa: naziotasuna eskubidea aitortzeko modu bat.
Imanol Esnaolak dio guztiz libre dela dokumentu hori egitea edo ez, euskal herritarrari bere borondatez, berak horrela eskatu ondoren ematen zaion dokumentua omen da.
Mikel Mitxelena dio EAJ eta EA bileran ez izatea salagarria dela, berriro ere aurpegia ez ematea salatu du.
Imanol Esnaolaren iritsiz egunen batean, laister batean, alderdi horiek sinatuko omen dituzte dokumentu horiek.
Mozioa onetsi egin da aldeko sei botorekin (alkatea eta EHko gainontzeko zinegotziena).
3.- PROPOSAMENA, ORRATX! KULTUR ELKARTEAREKIN HITZARMENA ONARTZEKO.
Proposamenak honela dio:
“Orratx! Kultur Elkartea eta udal honek sinatu nahi duten hitzarmena dela eta, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx! Kultur Elkarteko ordezkaria) eta Imanol Esnaolak (Hezkuntza, Euskara eta Kultura gaietako Zinegotzia) idazkaritzatik egindako informe juridikoari jarraiki hitzarmenari hainbat aldaketa egitea egoki iritzi zuten.
Espedientean doan Lezoko udala eta Orratx! Kultur Elkartearen artean lankidetza eta berma ekonomikorako hitzarmena sinatzea datozen bost urtetarako eta dagokion ekarpen ekonomikoa 208 eta 216 partidei inputatzea”.
Bilera Aretoan den Orratx Kultur Elkarteko ordezkari batek gaia mahai gainean ustea eskatu du, erabakiaren inguruko adostasuna ahalik eta zabalena izatea nahi dutelako eta hura lortzeko alderdi abertzale guztiekin landu nahi dutela.
Alkateak eskaera aztertzeko bileraren bost minutuko etenaldia erabaki du. Etenaldiaren ondoren mahai gainearen ustearen aurka azaldu da: hitzarmenaren garrantsia ikusita bere onarpena berme bat iruditzen zaio. Ez omen daude kontrajarriak onarpena eta kontsentsu zabala.
Imanol Esnaolak dio txosten juridikoak egin ondoren Kultur batzordea deitu zela eta gaur bezala, hari ere bizkar eman omen zioten, babesik ez emateko. Jarrera hori oso larria dela dio Esnaolak, PSE-PP euskara eta euskal kulturarekiko ari diren erasoa ikusita. Ardurak sahiesten ari omen dira EAJ eta EA.
Idazkariak dio espedientean badela txosten juridikoa non proposatutako hitzarmenaren zenbait zuzenketa eskatzen diren.
Proposamenaren urjentzia aldeko bost botoekin onartu da (alkatea eta EHko lau zinegotzi), eta abstentzio bat (EHko Juli del Sol zinegotziarena).
Hitzarmena onartzeko proposamena ere onartu da aldeko bost botoekin eta abstentzio batekin (Juli del Sol zinegotziarena).
Imanol Esnaolak argitu du onartutako hitzarmenak jasotzen duen 3.300.000,- ptako dirulaguntza gehienezera izango dela.
4.- PROPOSAMENA, OARSO TELEBISTAREKIN HITZARMENA ONARTZEKO.
Imanol Esnaolak defendatu du proposamena. Euskal komunikabideek behar duten babesa omen du arrazoitzat proposatutako hitzarmenak. EAJ eta EAren utzikeria salatu du, gaur ez agertzearekin beste gaietan bezala (Orratx, karneta, hezkuntza sistema,...) etsaiaren erasoak inpunitate osoaz uztearen erantzukizuna leporatu die, eraikuntza nazionala jokoan dagoenean.
Honela dio proposamenak:
“Oarso TeleBistarekin udal honek sinatu nahi duen hitzarmena dela eta, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx!eko ordezkaria) eta Imanol Esnaolak idazkaritzatik egindako informe juridikoari jarraiki hitzarmenari hainbat aldaketa egitea egoki iritzi zuten.
Espedientean doan Lezoko udala eta Oarso Telebistaren artean lankidetza eta berma ekonomikorako hitzarmena sinatzea datozen bost urtetarako eta dagokion ekarpen ekonomikoa 221 partidari inputatzea”.
Idazkarik dio badela espedientean txosten juridikoa non proposatutako hitzarmenaren zenbait xehetasun eskatzen diren.
Proposamenaren urjentzia aldeko sei botoekin onartu da (alkatea eta EHko zinegotziena).
Hitzarmena onartzeko proposamena ere onartu da aldeko sei botoekin (bileran diren zinegotzi guztien aldeko botoarekin).
5.- PROPOSAMENA, LEZOKO UDALAREN EUSKARAREN ERABILERA PLANA ONARTZEKO.
Imanol Esnaolak proposamena onartzea proposatu du. Honela dio proposamenak:
“Lezoko udalaren euskararen erabileraren plana ezagutarazteko eta behar besteko argibideak emateko, apirilaren 2an, arratsaldeko 17:00etan Euskara Batzordea deitu zen, besteak beste gaia honen inguruan diktaminatzeko.
Hamabost minutu itxaron ondoren, arratsaldeko 17:15etan bilerari hasiera eman zitzaion, nahiz eta diktaminatzeko kuorum nahikorik ez egon. Bertaratutakoen artean Jon Zurutuza (OTBko ordezkaria), Joxe Luix Agirretxe (Orratx! Kultur Elkarteko ordezkaria) eta Imanol Esnaolak (Hezkuntza, Euskara eta Kultura gaietako Zinegotzia)
Espedientean doan Lezoko udalaren euskararen erabileraren plana, onartzea eta ebazpenaren berri helaraztea Hizkuntza Politikarako Sailordetzara
Imanol Esnaolak proposatu du Plana behin behinekoz onartzea eta hilabete batez jendaurrean edukitzea iradokizunak jaso ahal izateko. Bere esanetan poztekoa da egoera onean izatea eta planak balio izatea hutsuneak konpontzeko.
Proposamenaren urjentzia aldeko sei botoekin onartu da (alkatea eta EHko zinegotziena).
Proposamena ere onartu da aldeko sei botoekin (bileran diren zinegotzi guztien aldeko botoarekin).
Imanol Esnaolak esan du Udalbiltzak Aberri Eguna herrietako plazetan ospatzera deitu duela.
Aktaren amaiera.
Beste aztergairik geratzen ez denez, Alkate-lehendakariak 20:15 orduetan eman dio buru bilkurari. Eta nik, Idazkari naizen aldetik, akta 225.552.etik 225.560.era arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.
Eguna