Lezon, 2001eko irailaren 13an, goizeko 9:30 orduetan hasi du Gobernu Batzordeak BILKURA OHIKOA Gobernu Batzordearen Gelan lehen deialdian Aitor Sarasola Salaberria alkatearen lehendakaritzapean eta Mikel Mitxelena Iza eta Inmaculada Muñoz Martinez zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA
1.- Egoki irudituz gero, 2001eko abuztuaren 3an egindako bilkurako akta onartzea.
2001eko abuztuaren 3an egindako bilkurako akta aho batez onartu da.
ALKATETZA
2.- Alkatearen erabakien eta adierazpenen berri ematea. Alkatearen 130., 51. eta 144. dekretuak berrestea.
Alkateak 130. dekretuaren berri eman du. Dekretu horren bidez, Cristobal Garrido Carmonak egindako egoitza eskaera onartzen da eta Udalak bere gain hartzen du hura Txara 1 zentro gerontologikoan egoteak sortzen duen kostuaren defizita.
Era berean, 51. eta 144. dekretuen berri eman du. Lehenengoan, Aitor Amezaga Asensiok, Oskar Estanga Arzallusek eta Sergio Zapirain Mendizabalek egindako eszedentzia eskaerei buruzko ebazpena ematen da eta Milagros Olasagasti Landartek martxoaren 30era bitarte eskatu duen luzapena onartzen da. Alkatearen 144. dekretuan, berriz, Aitor Amezaga Asensiori eta Oskar Estanga Arzallusi emandako luzapenak jasotzen dira.
Eduardo Lera Benavidesengandik eskaera jaso da Udaleko Gobernu Batzordea Enrique Rodriguez Galindo Guardia Zibileko jeneralaren balizko indultuaren alde ager dadin eta, era berean, baimena eskatu du indultu horren aldeko firma bilketarako mahaiak jartzeko.
Gobernu Batzordeak honako erabaki hau hartu du: indultu eskaeraren alde ez agertzea eta Estatuko segurtasun indarrek egin lituzketen krimen guztiak argitzeko eskaera egitea.
GIZARTE ONGIZATEA
3.- Gizarte beharrizan larrietarako eskaerak.
Gizarte beharrizan larrietarako dirulaguntzak jasotzeko eskaerei buruz gizarte langileak egin duen txostena ikusirik eta Gizarte Ongizateko eskuordeak hala proposatuta Gobernu Batzordeak honako erabaki hau hartu du:
BAT: Onartzea gizarte beharrizan larrietarako dirulaguntza ematea ondorengo espedienteei etxebizitzaren akura ordaintzeko: A-532
687-A......... 151.998,-pta
292............. 136.505, pta
519..............199.998, pta
583-A...........199.998,pta
BI: Ez onartzea gizarte beharrizan larrietarako dirulaguntza eskaera espediente zenbaki hauei:
-684-B
-683-A
-103-A
Arrazoia: kontuan harturik daukagun aurrekontu muga eta Gobernu Batzordeak 2001eko maiatzaren 24an egindako ohiko bilkuran erabakitako irizpideak, (lehentasuna, etxebizitzaren akura edo maileguen amortizazioa edo interesak), eskariaren kontzeptua ez da lehentasunezkotzat hartzen.
HIRU: Ez onartzea gizarte beharrizan larrietarako dirulaguntza eskaera espediente zenbaki honi: 686-A.
Arrazoia: Nahiz eta Lezon erroldatua egon Hendaian du ohiko bizilekua;beraz, ez ditu dirulaguntza emateko baldintzak betetzen.
4.-Gizarte beharrizan larrialdiko dirulaguntza baliorik gabe uzteko proposamena.
652 espedienteak gizarte larrialdietarako dirulaguntza eskatu zuen akura, mantentze-gastuak eta lehen mailako gastuak ordaintzeko. Gobernu Batzordeak, 2001eko maiatzaren 24an eginiko batzarraldian akurarako 233.331,-pta ematea erabaki zuen. Eskatzaileak oraingoz 99.999,- pta erabili ditu etxebizitzaren akura ordaintzeko. Abuztuan Errenterian jarri zen bizitzen, Lezoko pisua utzi eta Errenterian erroldatu da; beraz, Gobernu Batzordeak dirulaguntza emateko bere garaian hartu zen erabakia indar gabe uztea erabaki du.
5.- Etxez etxeko laguntza eskaerak: Vicenta Otero eta Francisco Perez.
Etxez etxeko laguntza eskatzeko Vicenta Oterok eta Francisco Pérezek egin dituzten eskabideak eta horiei buruz gizarte langileak egindako txostenak ikusirik eta Gizarte Ongizateko eskuordeak hala proposatuta Gobernu Batzordeak honako erabaki hau hartu du:
BAT: Etxez etxeko zerbitzua ematea Vicenta Otero Cabrerori ondorengo baldintzetan:
1. Zerbitzua egunean ordu batez atentzio pertsonala emateko da, nahiz eta gehitu daitekeen, zerbitzu beharren arabera.
2. Onuradunak egin beharreko diru-ekarpena hilean, 1.963,- pta. da.
BI: Zerbitzu hori itxoin zerrendan geratuko da.
HIRU: Etxez etxeko zerbitzua ematea Francisco Perez Merinori ondorengo baldintzetan:
1. Zerbitzua atentzio pertsonala emateko da, egunean ordu bat, nahiz eta gehitu daitekeen, zerbitzu beharren arabera.
2. Onuradunak egin beharreko diru-ekarpena hilean, 3.435,- pta. da.
LAU: Zerbitzu hori itxoin zerrendan geratuko da.
6.- Aiton Borda: Dirulaguntzaren 2. zatia ordaintzeko proposamena eta lehen zatiaren zuriketa.
Aiton Borda, Lezoko Erretiratuen Elkarteak aurkeztutako aktibitateen memoria eta gastuen justifikazioa, 2001 urtekoa, ikusirik eta Gizarte Ongizateko eskuordeak hala proposatuta Gobernu Batzordeak erabaki hau hartu du:
BAT: Aiton Borda elkarteari onartutako dirulaguntzaren bigarren zatia ordaintzea, hain zuzen ere, 756.720,-pta, (AD- 34).
7.- Isabel Lojok egindako erreklamazioa.
M. Isabel Lojo Dominguezek aurkeztu duen erreklamazioa ikusirik, ISA ile-apaindegirako dirulaguntza ukatu egin baitzaio, eta Gizarte Ongizateko eskuordeak hala proposatuta Gobernu Batzordeak honako erabaki hau hartu du:
BAT: Ez onartzea erreklamazioa. Arrazoia: dirulaguntza eskatzen duen aldian (2000 urtean egindako zerbitzuengatik) eta eskaera egin zuenean ez zituen eguneratuak dagozkion udal zergak.
8.- José Angel Barbadillok egindako erreklamazioa.
Jose Angel Barbadillok trakzio mekanikodun ibilgailuen tasen inguruan aurkeztutako erreklamazioari buruz gizarte langileak egindako txostena ikusirik eta Gizarte Ongizateko eskuordeak hala eskatuta Gobernu Batzordeak honako erabaki hau hartu du:
BAT: Ez onartzea aurkeztutako erreklamazioa. Arrazoia: Udalak elbarritasun kalifikazioan jarritako baremoak izaten ditu kontuan eta interesatuak daukan baremoaren arabera ez dagokio trakzio mekanikodun ibilgailuen tasen exentzioa. (Baremoan 6 baino gutxiago)
9.- Gaxuxa Emakume Taldearen dirulaguntza eskaera.
Gaxuxa Emakume taldeak 2001-2002 ekitaldirako aurkeztu duen programazioa eta dirulaguntza eskaera ikusirik eta Gizarte Ongizateko eskuordearen proposamena aintzat hartuta Gobernu Batzordeak honako erabaki hau hartu du:
BAT: Gaxuxa Emakume taldeari 1.900.000,-pta.ko dirulaguntza ematea, (AD-533).
BI: Dirulaguntzaren ordainketa ondoren zehazten den moduan egingo da: lehen ordainketan dirulaguntzaren %60, eta aktibitateen memoria eta gastuak zuritu ondoren dirulaguntzaren %40.
KULTURA
10.- Elkarteei dirulaguntzak: Santakrutzak 2001.
|
Aiton Borda |
Toka, bote... |
83.000 |
|
|
|
Allerru Ehiztariak |
Plater Tiroketa |
250.000 |
|
|
|
Allerru Futbol Taldea |
Danborrada |
200.000 |
|
|
|
Ekaitz |
Ur Festa |
20.000 |
|
|
|
Gazte Asanblada |
Zabarreren etorrera |
80.000 |
|
|
|
Gazte herri |
Giza Futbolina |
90.000 |
|
|
|
|
|
|
||
|
Ixkulin |
Bertsolariak |
80.000 |
|
|
|
Ganadu feria |
700.000 |
|
|
|
|
Danborrada |
200.000 |
|
|
|
|
Idi dema |
555.000 |
1.535.000 |
|
|
|
|
|
|
||
|
Murixka |
Agurra |
35.000 |
|
|
|
Haur txikien dantza txap. |
150.000 |
|
|
|
|
Desfilea |
400.000 |
585.000 |
|
|
|
Tiñelu |
Toka |
40.000 |
|
|
|
Danborrada |
200.000 |
|
|
|
|
Truk |
50.000 |
|
|
|
|
Bertsolariak |
80.000 |
370.000 |
|
|
|
|
|
|
||
|
Txirrindulari Eskola |
Lasterka |
135.000 |
(A-581)... |
3.348.000 |
FAKTURAK
11.- Aurrekontua eta fakturak onartzea.
11.1 Lezoko hiri historikoaren altxamendua egiteko xedez, zerbitzu profesionalak alokatzeko kontratuarekin lotuta, Teresa Carmona Barrio eta Ana Pérez Gallego arkitektoek aurkeztu duten aurrekontua aztertu ondoren eta Alkatetzak hala proposatuta Gobernu Batzordeak honako erabaki hau hartu du:
BAT: Onartzea Lezoko hiri historikoaren altxamendua hiru hilabeteko epearen barruan egiteko xedez, zerbitzu profesionalak alokatzeko Euskal Herriko Arkitektoen Elkargo Ofizialekoak diren Teresa Carmona Barrio eta Ana Pérez Gallego arkitektuek aurkeztu duten kontratua eta aurrekontua.
Arkitektoaren zerbitzu-sariak, guztira, 696.000 pta dira (BEZ barne) eta ikasleek egingo duten landa-lanaren kostua, guztira, 2.543.606 pta. Bi kopuru horiek, guztira, 3.239.604 pta egiten dute.
BI: Ordaintzea arkitektoaren zerbitzu-sarien %20, hau da, 139.200 pta. (BEZ barne) eta ikasleen landa-lanaren kostuaren %20, hau da, 508.720 pta. Hori guztia, 325 Herri kaskoaren zaharberritzea partidatik. Gainerakoa, hots, %80 lanak amaitutakoan ordainduko da.
Alkateak adierazi du bai prozedura zein profesionalen izendapena Oarsoaldeko beste udaletan bezalatsu egin dela.
Idazkariak aurrekontuko kontsignaziorik ez dagoela kontarazi du. Alkateak dio Oarsoaldetik diru laguntza jasotzea espero dela eta aurreikusi gabeko diru sarrerekin laster planteatuko duela kontsignaziorko kreditu-aldaketa.
11.2 Altamirako Altzate igerilekuetan estalki teleskopikoaren instalazioaz Macovur-ek aurkeztutako faktura aztertu eta Alkatetzaren proposamena ikusirik, Gobernu Batzordeak honako erabaki hau hartu du:
BAT: Onartzea Altamirako Altzate igerilekuetan estalki teleskopikoaren instalazioaz Macovur-ek behean heldu diren zehaztasunekin aurkeztu duen faktura hau:
- Estalki teleskopikoaren instalazioa, 2. ziurtapena: 12.074.395.- pta. B.E.Z. barne (Erref. O-99-1092/01).
11.3 Altamirako Igerilekuetan eta aldageletan egindako obrei dagokienez U.T.E. Piscinas Lezok aurkeztutako faktura aztertu eta Alkatetzaren proposamena ikusirik, Gobernu Batzordeak honako erabaki hau hartu du:
BAT: Onartzea Altamirako igerilekuetan eta aldageletan egindako obrei dagokienez U.T.E. Piscinas Lezok behean heldu diren zehaztasunekin aurkeztu duen faktura hau:
- Eraikuntza obretako, 10. ziurtapena: 16.317.843.- pta. B.E.Z. barne (Erref. O-99- 1094-01).
11.4 Altamirako Altzate igerilekuak girotzeko instalazioaz Hemen Klima SL.ek aurkeztu duen faktura aztertu eta Alkatetzaren proposamena ikusirik, Gobernu Batzordeak honako erabaki hau hartu du:
BAT: Onartzea Altamirako Altzate igerilekuak girotzeko instalazioaz Hemen Klima SL.ek behean heldu diren zehaztasunekin aurkeztu duen faktura hau:
-Klimatizazioaren instalazioa, 2. ziurtapena: 13.128.375.-pta. B.E.Z. barne (Erref. O- 99 1093-01).
Aurrez urgentziazkotzat jo ondoren, aho batez onartu da honako gai hauek lantzea:
URGENTZIAZ
12.- Subentzioak emateko hainbat proposamen
Kultura Batzordeko lehendakariak aurkeztutako zenbati proposamen azterturik, Gobernu Batzordeak honako erabaki hauek hartu ditu:
1.- Iker Berra Mitxelenari dirulaguntza ematea Oarso Telebista konektatzeko antena jartzeko: 12.525 pta.
2.- Onartzea helduak euskalduntzeko hitzarmen arruntaren barruan Oroitzene AEK Euskaltegiak aurkeztutako 2000-2001 ikasturteko balantzea eta euskara eskolen kostu osoa, hau da, 2.997.640 pta. eta Oroitzene AEK Euskaltegiari ordaintzea 2001eko urtarriletik ekainera bitarte emandako euskara eskolei dagokiena (2. zatia) guztira, 2.058.600 pta.
3.- Onartzea helduak euskalduntzeko transmisioko hitzarmenaren barruan Oroitzene AEK Euskaltegiak aurkeztutako 2000-2001 ikasturteko balantzea eta kostu osoa (haurtzaindegi zerbitzua barne), hau da, 2.073.438 pta. eta Oroitzene AEK Euskaltegiari ordaintzea 2001eko urtarriletik ekainera bitarte emandako euskara eskolei dagokiena (2. zatia eta haurtzaindegi zerbitzua barne) guztira, 1.412.586 pta.
4.- Koxtaperi piraguismo ikastaroarengatik dirulaguntza ematea: 64.000 pta.
5.- Igor Otaegi Bichoti esgrima ikastaroa antolatzeagatik dirulaguntza ematea: 35.000 pta.
13.- Faktura onartzea
Udal igerilekuetan eginiko ekipamendu horniduragatik eta sarbide-kontrolak jartzeagatik Serviociok aurkeztu duen faktura, guztira, 3.908156 pta, azterturik Gobernu Batzordeak aho batez onartu du. (ADO 99 911-2001).
14.- Gaintza baserriko obra lizentziarekin lotuta, eraikuntzen gaineko zerga berrikustea
2001eko uztailaren 16ko bilkuran, Udal honetako Gobernu Batzordeak emandako obra-baimena aztertu ondoren hauxe antzeman da: Arantxa Etxezurieta Sarasolari Gaintza baserria birgaitzeko emandako baimena, Eraikuntzen gaineko Zergari dagokionez, ez da zuzena. Hala, Zerga-ordenantzek aipatu baserria monumentu historikoa izaki, zerga honetatik salbuetsita dagoela diote. Honenbestez, horri buruz aurkeztutako proposamena ikusirik, Gobernu Batzordeak erabaki hau hartu du:
BAT: 2001eko uztailaren 16ko bilkuran Gaintza baserria birgaitzeko Udal Batzordeak Arantxa Etxezurieta Sarasolari emandako obra-baimenaren zuzenketa.
Monumentu historikoa izateagatik, egungo zerga-ordenantzetan ageri den bezala, aipatutako baimena Eraikuntzen gaineko Zerga ordaintzetik salbu gelditzen da.
BI: Landa turismoko jardueraren irekitze-baimena eskuratzeko 71.070.- pezeta ordaindu behar ditu.
15.- Akats baten zuzenketa.
Gobernu Batzordeak 2001eko uztailaren 16an eginiko bilkuran, Garbiko Garbikok aurkeztutako faktura onartu zuen: 439.186 pta (AD 491). Kopurua adieraztekoan akats bat egin dela ohartarazi da. Kopuru zuzena hau da: 493.186 pta.
GALDE ESKEAK.
Ez da galde eskerik izan.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 11:15 orduetan eman dio buru bilkurari. Idazkari naizen aldetik, akta 309.495.etik 309.501.era zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.