2015eko Urtarrilak 26

Lezon, 2015eko urtarrilaren 26an, astelehena, goizeko, 9:30ean hasi du Tokiko Gobernu Batzarrak BILKURA OHIKOA udaletxeko gobernu batzar aretoan, lehen deialdian, Ainhoa Zabalo Loiarteren lehendakaritzapean, Ainhoa Intxaurrandieta Ezkurra, Angel Portugal Formoso eta Mikel Arruti Salaberria bertan direlarik.

Idazkari gisa Xabier Loiola Aristi aritu da.

AKTA ONARTZEA.

1. Egoki irudituz gero, 2015eko urtarrilaren 12an egindako bilkurako akta onartzea.

Akta onartu eta sinatu da.

HIRIGINTZA, OBRA ETA ZERBITZUAK

2. 2014ko martxoaren 31n, Tokiko Gobernuak Batzarrak onartu zuen erabakiaren berrikuspen prozedurari hasiera emateko proposamena (2011H0360002)

2014ko abenduaren 18an, Jon Koldo Arrillaga Vicenteren eskaera jaso genuen (sarrera erregistroa: 2.998). Horren bidez, Tokiko Gobernu Batzarrak 2014ko martxoaren 31n Urdalamarta baserriaren inguruko herri bidea hobetzeko beharrezko den lurren lagapenetarako hitzarmena onartzen hartutako erabakia berrikusteko eskatu zuen erabakia hartzeko hainbat zio erabat deusezak direlako.

Eskatzailearen iritziz, erabakia Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 62. artikuluko a), b), e) eta f) ataletan arautzen diren deuseztasun arrazoien pean erortzen da. Hori dela eta, erabakia berrikusteko eta deusez deklaratzeko eskatu du.

Halaber, Tokiko Gobernu Batzarraren erabakia zuhurtziaz indargabe uzteko eskatu du, deusez deklaratu ala ez ebatzi bitartean.

Aurreko guztia aztertu eta udal teknikariaren txosten juridikoa ikusi ondoren, Alkateak proposaturik, Tokiko Gobernu Batzar honek ERABAKI DU:

BAT: Jon Koldo Arrillaga Vicentek eskaturik, Tokiko Gobernu Batzarrak 2014ko martxoaren 31n Urdalamarta baserriaren inguruko herri bidea hobetzeko beharrezko den lurren lagapenetarako hitzarmena onartzen hartutako erabakia berrikusteko Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 102. artikuluan araututako berrikuspen prozedurari hasiera ematea.

BI:.- Zuhurtziaz indargabe uztea Tokiko Gobernu Batzarrak berak 2014ko martxoaren 31n hartutako aipatutako erabakia, deusez deklaratu ala ez ebatzi bitartean.

HIRU: Interesatuei erabaki hau jakinaraztea, hamar (10) egunetako epea emanez, erabaki hau jasotzen duten hurrengo egunetik kontatzen hasita, beraien interesen eta eskubideen defentsan azaldu ahal daitezen.

LAU: Espedientea buruturik eta dagokion ebazpen proposamena eginik Euskadiko Aholku Batzorde Juridikoari txostena egiteko eskatzea, 9/2004, azaroaren 24ko Legean ezarritako prozedura jarraituz.

3. Altzate udal igerilekuko estalkiaren eraispenaren eta eraberritzeko obra zibilaren bigarren zertifikazioa onartzeko proposamena (2014H0100005)

Otegi-Gaztañaga Eraikuntzak S.L. enpresak, Lezoko udal igerilekua eraberritzeko lanetan, estalkiaren eraispena eta obra zibilari dagokion bigarren ziurtapena aurkeztu du, Tokiko Gobernu Batzarrak 2014ko azaroaren 3an hartutako ebazpen bitartez esleitutako lanen esleipenduna izanik.

Udal teknikariak ziurtapena sinatu duela ikusirik,

Alkatetzak proposaturik, Tokiko Gobernu Batzar honek ERABAKI DU:

BAT: Aurkeztutako bigarren ziurtapena, onartzea, 16.605,58 eurotakoa (B.E.Z. barne) delarik, eta aipaturiko udal igerilekuetako estalkiaren eraispena eta obra zibilari dagokiolarik , (ADO-99-1372).

BI: Erabakiaren aurkako errekurtsoak:
a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Gobernu Batzarrera jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.
• Horretarako, bi hilabeteko epea dauka, erabaki honen jakinarazpena jaso eta biharamunetik hasita
• Errekurtsoa aurkeztekotan,EAEko Auzitegi Nagusiko administrazioarekiko auzitarako Donostiako epaitegira jo behar da.

4. Arretxene kaleko 1go behe oinean lehen erabilera baimena emateko proposamena (2014H0300002)

2014ko abenduaren 2an Jose Maria Payo Astiasaranek, Arretxene kaleko 1eko behe oinean dagoen lokalean sortu den etxebizitzaren lehen erabilera baimena eskatu zuen Horretarako Iñigo Cabañas Etxeberria arkitektoak sinatzen duen obra amaierako dokumentazioa aurkeztu du, Euskal Herriko Arkitektoen Elkargo Ofizialen 2014ko azaroaren 27ko oniritzi zigiluarekin, eta azken kitapena 28.110,11 eurotakoa izanik.

Etxebizitza hau, hirugarren sektoreko erabileratik etxebizitza erabilerara bilakatutako lokal bat zen, Lezoko Udalak onartu ondoren, 2009ko otsailak 18an Gipuzkoako aldizkari ofizialean argitaratu zen Hirugarren sektoreko erabileratik etxebizitza erabilerara aldatzeko udal ordenantzaren berrikuspeneko xedapenen arabera.

Aipatu ordenantzak xedatzen duena kontuan izanik.

Halaber, Lezon indarrean dagoen Udal Etxebizitza Tasatuak arautzen dituen ordenantzak xedatzen duena kontuan izanik.

Udal Arkitektoaren txostena ikusirik,

Alkatetzak proposaturik, Tokiko Gobernu Batzar honek ERABAKI DU:

BAT: Arretxene kaleko 1eko behe oineko lokalean sortu den etxebizitza etxebizitza, erregimen orokorreko udal etxebizitza tasatu bezala behin betikoz kalifikatzea ondorengo baldintzetan:

1. Udal Etxebizitza Tasatua kalifikatzearen ondorioak.

Legeak xedaturikoaren arabera, etxebizitza hau eta, kasuan kasu, harekin loturiko garaje eta trastelekuak barne, etxebizitza babestuen kalifikazioa izango du beti. Horren¬bestez, Lezoko Udal Etxebizitza Tasatuen Ordenantzan zehaztutako gehieneko eskualdatze prezioari eta lehentasunez erosteko eta atzera eskuratzeko eskubideari loturik egongo da beti, lehenik, Udalaren edo Administrazio jardulearen alde eta, subsidiarioki, Autonomi Erkidegoko Administrazio Orokorraren alde.
Etxebizitza hau hiri-lurzoruan finkatutako eremu jakin batzuetan dauden lokaletan etxebizitza-erabilera baimentzeko ordenantza arau-emailea aplikatzearen ondorioz udal baimenetatik datorrenez 1,8 indizera iritsi ahal izango dira. Etxebizitza honi loturiko garaje eta trastelekuei dagokionez oinarrizko salneurriaren 0,25 indizea ezingo du gainditu.

2. Lehentasunez erostea eta atzera eskuratzea.

Etxebizitza honen titularrek, edozein dela ere haien erregimena, Udalari edo Administrazio jarduleari eta, lehentasunez erosteko eta atzera eskuratzeko titular subsidiario gisa, Autonomi Erkidegoko Administrazio Orokorrari jakinarazi beharko diete besterentzeko erabakia, ezarritako prezioa eta ordaintzeko era eta aurreikusitako eskualdatzearen gainerako funtsezko baldintzak azalduta, eta baita helbidea ere jakinarazpenak bidaltzeko ondorioetarako, atzera eskuratzeko eskubidea erabili ahal izateko.

Eskubide hori bi hilabeteko epean gauzatu beharko da, jakinarazpena Udalaren, Administrazio jardulearen eta Autonomia Erkidegoko Administrazio Orokorraren erregistroan sartu eta biharamunetik aurrera kontatzen hasita.

Halaber, lehentasunez erosteko eta atzera eskuratzeko eskubidea gauzatzeko adierazitako epe horretan, udalak UETen titularrek etxebizitza nori besterendu behar dioen zehazteko ahalmena izango du. Norbanako hau etxebizitza tasatuen erregistroan izen emanda beharko du egon eta zozketaren bidez hautatuko da edo aurretik egindako zozketa baten ondorioz esleitu gabekoen zerrendan dagoenean, zozketa beran ezarritako lehentasun irizpidea kontuan izanda.

Kasu hau ematen bada, etxebizitzak gehienez Lezoko etxebizitza tasatuen ordenantzan aurreikusitako 1,7 indizera iritsi daiteke.
Aurreko paragrafoak aipagai duen epean ez bada lehentasunez erosteko eskubidea gauzatzearen inguruan berariazko erabakia hartu dela jakinarazi, aurreikusitako besterentzea egin ahal izango da askatasun osoz, Lezoko udal etxebizitza tasatuen ordenantzaren 8, 9, 13 eta 16 artikuluek xedatzen dituzten baldintzak derrigorrez bete beharraren kaltetan gabe.

Artikulu honetan eskaturiko jakinarazpena ez bada egin edo legeak derrigorrezkotzat hartzen duen edukiren bat ez bada adierazi, edo eskualdatzeko ordaindutako prezioa txikiagoa bada edo baldintzak dagokion Administrazioari jakinarazitakoak baino kostu txikiagokoak badira, administrazio horrek atzera eskuratzeko eskubidea erabili ahal izango du bi hilabeteko epean, besterentzearen berri izan eta biharamunetik hasita.

3. Erregistroan inskribatzea.

Etxebizitza hau udal etxebizitza tasatu bezala kalifikatu izana, etxebizitzaren eta harekin loturiko garaje eta trastelekuen erregimena eta gehieneko prezioa etxebizitzaren titularrak izenpetzen dituen dokumentu guztietan islatu beharko da eta bereziki dagokion Jabetza-erregistroan, ondasun horietan jasota gera dadin eta erregistroaren publikotasuna egokitzat jotzen den moduan egin dadin, lehenik, Udalak edo Administrazio jarduleak eta, beti ere, subsidiarioki Autonomia Erkidegoko Administrazio Orokorrak lehentasunez erosteko eta atzera eskuratzeko eskubidea duela, eta lur horiek, beti ere, Ordenantza honetan zehazturiko gehieneko eskualdatze prezioaren muga bete behar dutela jakinarazteko.

BI: Jose Maria Payo Astiasarani, Arretxene kaleko 1eko behe oineko lokalean sortu den etxebizitzaren lehen erabilpenerako lizentzia ematea.

HIRU: Lehen erabilerako lizentzia ematearen gaineko eskubideak guztira 70,27€ dira.

LAU: Etxebizitza berriari dagokion ur kontagailua jartzeko udaleko ur zerbitzuko arduradunekin harremanetan jarri beharko da, lehen erabilpena lortu ondoren.

BOST: Lehen erabilera baimena lortu ondoren, eskritura berriekin Gipuzkoako Foru Aldundiko Ogasun eta Finantzen Departamentuan jatorrizko lokala etxebizitzara aldatu dela tramitatu beharko da, baimendutako aldaketak dagozkion ondorioak izan ditzan.

SEI: Erabakiaren aurkako errekurtsoak:
a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
• Horretarako, hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan Gobernu Batzarrera jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.
• Horretarako, bi hilabeteko epea dauka, erabaki honen jakinarazpena jaso eta biharamunetik hasita.
• Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.

KONTUHARTZAILETZA
5. Faktura zerrendak onartzeko proposamena (2015KO110003)

Udaleko kontu-hartzaileak sinatutako faktura zerrenda ikusirik,

Alkatetza honek proposaturik, Tokiko Gobernu Batzar honek ERABAKI DU:

BAT: Ontzat hartzea ondorengo fakturen zerrendak:

Zbkia/ Nº €
58/2014 16.605,58

BI: Horien ordainketa agintzea dagokien hartzekodunei.

ALKATETZA ETA DELEGATUAK

6. Alkatearen erabakien kontu ematea.

2015eko urtarrilaren 12an egindako azken Tokiko Gobernu Batzarra geroztik emandako ebazpenen berri eman da.

GALDE ESKEAK

Ez da izan galde eskaerarik.

Aktaren bukaera.

Alkate-lehendakariak, aztertzeko ziren gai guztiak aztertu ondoren, 10:45 orduetan eman dio buru bilkurari. Idazkari naizen aldetik, akta 1105614tik 1105618ra zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.