Lezon, 2000ko abenduaren 21ean, goizeko 10:00 orduetan hasi du Gobernu Batzordeak BILKURA OHIKOA Gobernu Batzordearen Gelan lehen deialdian Aitor Sarasola Salaberria alkatearen lehendakaritzapean, Mikel Mitxelena Iza eta Inmaculada Muñoz Martinez zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA.
1.- Egoki irudituz gero, 2000ko azaroaren 30ean egindako bilkurako akta onartzea.
2000ko azaroaren 30ean egindako bilkurako akta aho batez onartu da.
ALKATETZA
2.- Alkatearen erabakien eta adierazpenen berri ematea.
Ez da informaziorik eman.
HIRIGINTZA ETA ZERBITZUAK
3.- Vda. de Londaiz y Sobrinos de Luis Mercader, S.A. enpresaren kanpoko aldean hiru gasolio-deposituko gasozentro bat jartzeko lizentzia eskaera.
Jaime Jequierek, Vda. de Londaiz y Sobrinos de Luis Mercader, S.A. enpresaren ordezkari gisa, eskaturik tramitatzen ari den espedientea azterturik, Ipintza kaleko 47an (Ipintza poligonoa) dagoen enpresa horren kanpoko aldean hiru gasolio-deposituko gasozentro bat jartzeko lizentzia eskatzen baitu, eta udal teknikariak emandako txostena ikusirik, Gobernu Batzordeak honako hau erabaki du:
BAT: Jaime Jequier Vda. de Londaiz y Sobrinos de Luis Mercader, S.A. enpresaren ordezkariari obra lizentzia ematea, Ipintza kaleko 47an (Ipintza poligonoa) dagoen enpresa horren kanpoko aldean hiru gasolio-deposituko gasozentro bat jartzeko Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak betetzekotan, jakinarazpenarekin batera bidaltzen zaizkiolarik.
BI: Obrak buruturik, ziurtagiri tekniko bisatua aurkeztu beharko du eta bertan, Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak obra horietan bete direla seinalatu.
HIRU: Lizentzia emateagatik, eraikuntzen gaineko zerga gisa 633.216,- pta ordaindu beharko du.
EUSKARA ETA KULTURA
4.- Dirulaguntza emateko proposamena: Oroitzene AEK Euskaltegiari Santo Tomas eguneko feria antolatzeko.
Kultura Batzordeko lehendakariak aurkeztutako proposamena azterturik, Gobernu Batzordeak Oroitzene AEK Euskaltegiari Santo Tomas eguneko feria antolatzeko dirulaguntza gisa 374.000 pta ematea erabaki du, (AD-1035).
Kopuru osoaren %60 (224.400 pta) proposamena onartutakoan ordainduko zaizkio eta gainerako %40 (149.600) kontuak eta memoria aurkeztutakoan.
5.- Dirulaguntza emateko proposamena: Oroitzene AEK Euskaltegiari Olentzeroa antolatzeko.
Kultura Batzordeko lehendakariak aurkeztutako proposamena azterturik, Gobernu Batzordeak Oroitzene AEK Euskaltegiari aurtengo Olentzeroa antolatzeko dirulaguntza gisa 19.000 pta ematea erabaki du, (AD-1036).
Kopuru osoaren %60 (11.400 pta) proposamena onartutakoan ordainduko zaizkio eta gainerako %40 (7.600) kontuak eta memoria aurkeztutakoan.
6.- Dirulaguntza emateko proposamena: Hezikuntza Guraso Elkarteari Olentzeroa antolatzeko.
Kultura Batzordeko lehendakariak aurkeztutako proposamena azterturik, Gobernu Batzordeak Hezikuntza Guraso Elkarteari aurtengo Olentzeroa antolatzeko dirulaguntza gisa 35.000 pta ematea erabaki du, (AD-1037).
Kopuru osoaren %60 (21.000 pta) proposamena onartutakoan ordainduko zaizkio eta gainerako %40 (14.000) kontuak eta memoria aurkeztutakoan.
7.- Dirulaguntza emateko proposamena: Ekaitz Atseden Taldeari Gabonetan haurrentzako jaialdia antolatzeko
Kultura Batzordeko lehendakariak aurkeztutako proposamena azterturik, Gobernu Batzordeak Ekaitz Atseden Taldeari 2000ko Gabonetan haurrentzako jaialdia antolatzeko dirulaguntza gisa 60.000 pta ematea erabaki du, (AD-1034).
Kopuru osoaren %60 (36.000 pta) proposamena onartutakoan ordainduko zaizkio eta gainerako %40 (24.000) kontuak eta memoria aurkeztutakoan.
8.- Dirulaguntza emateko proposamena: Oarso Telebistari
Kultura Batzordeko lehendakariak aurkeztutako proposamena azterturik, Gobernu Batzordeak Oarso Telebistari dirulaguntza gisa 5.000.000 pta ematea erabaki du.
Kopuru osoaren %60 (3.000.000 pta) proposamena onartutakoan ordainduko zaizkio eta gainerako %40 (2.000.000 pta) kontuak eta memoria aurkeztutakoan. Dena dela, bere garaian 2.250.000 pta aurreratu zitzaizkionez, orain 750.000 pta ordaindu beharko litzaizkioke, (AD-1033).
9.- Diru ekarpena Oarsoaldeko Euskara Zerbitzuari.
Kultura Batzordeko lehendakariak aurkeztutako proposamena azterturik, Gobernu Batzordeak Oarsoaldeko Euskara Zerbitzuari ekarpen gisa 3.149.327 pta ematea erabaki du, (A-935).
10.- Udal Musika Eskolan matrikulatu eta famili ugariko kide diren ikasleei matrikularen %50 diruz laguntzeko.
Udal Musika Eskolan 2000-2001 ikasturterako matrikulatu eta famili ugariko kide diren ikasleei ¾proposamenarekin batera doan zerrendan ageri direnei¾ matrikularen %50 diruz laguntzeko Alkatetzak aurkeztutako proposamena aztertu ondoren, Gobernu Batzordeak onartzea erabaki du. Kopuru osoa, 314.000 pta da.
Dirulaguntza hori, beti ere, matrikula ordainduta eta gainerako udal tasa eta zerga guztiak eguneratuta dituztenei emango zaie.
11.- Dirulaguntza emateko proposamenak: Orratx! Kultur Elkarteari.
a) Antzerki proiektua aurrera ateratzeko
Kultura Batzordeko lehendakariak aurkeztutako proposamena azterturik, Gobernu Batzordeak Orratx! Kultur Elkarteko Antzerki Taldeari dirulaguntza gisa 153.000 pta ematea erabaki du, (AD-1032).
b) Aldizkarirako eta argazkilaritza tailerrerako
Aurtengo ekitaldiko aurrekontuetan 2.500.000 pta zeuden kontsignatuta Euskara, hitzarmena Orratx! (663) partidan kultur elkarte horren aldizkaria, argitalpen zerbitzua eta argazkilaritza tailerra diruz laguntzeko.
Bestalde, aldizkaria diruz laguntzeko lehen 1.000.000 pta. jaso zituen elkarte horrek baina diru kopuru hori 663 partidatik ordaindu beharrean 661 (Kultura, elkarteei dirulaguntzak) partidatik ordaindu zitzaion.
Hori guztia kontutan hartuta Gobernu Batzordeak honako hau erabaki du:
BAT: Kontabilitatean dagokion zuzenketa egitea eta aipatutako 1.000.000 pta. haien ordainketa Kultura, elkarteei dirulaguntzak (661) partidari atxiki ordez Euskara, hitzarmen Orratx! (663) partidari atxikitzea.
BI: Elkarte horrek aurkeztutako aurrekontuaren arabera, aldizkarirako dirulaguntza gisa 755.000 pta. ematea eta argazkilaritza tailerrerako dirulaguntza gisa 564.000 pta ematea. Guztira: 1.319.000 pta. Euskara, hitzarmena Orratx! (663) partidatik, (AD-1031).
Dirulaguntza guztien %40 kontuak eta memoria aurkeztutakoan likidatuko dira.
12.- 2001. Urteko lan egutegia onartzeko proposamena
2001. urteko egutegia azterturik, ezarritako jai egunak kontuan izanik, eta era berean, bere garaian 32 lanordu onartuz hartutako akordioa oinarritzat hartuz, honen bidez zera PROPOSATZEN diot Gobernu Batzordeari:
BAT: Lezoko Udaleko langileen lanaldiaren iraupena, 2001. urtekoa, onartzea, 1440 ordukoa izango delarik.
BI: Udal bulegoetako langilen lan-egutegia, 2001. urtekoa, onartzea.
-Urtean egin beharreko orduak: 1440
-Opor egunak: 26
-Puenteak: bakoitzak 3, udal zerbitzuak ziurtatuz beti.
-Egunero lan eginbeharreko orduak: 6h 35min.
-Sarrera ordua: 7:25etatik - 8:00etara.
-Irteera ordua: 14:00etatik - 14:35etara.
HIRU: Urteko lanalditzat 1440 orduena ezartzea.
Alkatetzak honako hau adierazi du: Udalbiltzaren asmoen artean dago egutegi nazionala antolatzearena. Udalak asmo horrekin bat egiten du eta ez ditu jai eguntzat hartzen estatu espainolean derrigor ezarritako jai egun hauek: uztailearen 25a, urriaren 12a eta abenduaren 6a. Hortaz, aipatu egun horietan udaletxe honetako ateak zabalik izango dira eta gobernu taldea bertan arituko da lanean. Gainerako talde politikoei eta udal langileei gauza bera egiteko gonbitea luzatu nahi diegu.
13.?Bizitza aseguruaren zati bat kobratzeari buruz Eugenio Salaberria Lazkanok eginiko eskaera ez onartzeko proposamena.
Eugenio Salaberria Lazkanok, 2000ko urriaren 31n aurkeztutako eskabidean, bizitza aseguru konzeptuan 5 milioi pta ordaintzeko eskatu zuen.
Eskaera horri dagokionean, zera hartu behar dugu kontutan, Lezoko Udalak, 1992ko abenduaren 16an langileen parte hartzea eta lan baldintzak arautzen dituen hitzarmena onartu zuela. Hitzarmen horretako 3.2 artikuluan bere langileentzako itundua zuen bizitza, istripu eta baliaezintasun aseguruaren estaldura eguneratzeko konpromisoa hartu zuen eta 5.000.000 pezetatan finkatu.
1993ko irailaren 27ko komunikazioa medio, arrisku horiek estaltzeko Udalarekin ituna zuen aseguru-etxeak lanerako baliaezintasun osoa eta iraunkorra arriskua estaltzetik kanpo utzi zuen Eugenio Salaberria Lazkano, hain zuzen ere, alta ematerakoan jakinarazitako muga medikoak zirela medio.
1995eko martxoaren 24an Lezoko Udalak zenbait aseguru-poliza kontratatzeko baldintza-plegua onartu zuen eta, horien artean, Bizitza Aseguru Kolektibo bat honako arrisku horiek estaltzeko: heriotza, edozein kausarengatik (5.000.000 pta), lanerako baliaezintasun osoa eta absolutua (5.000.000 pta) eta baliaezintasun absolutua eta iraunkorra (10.000.000 pta). Estaldura horren hartzaile taldea baldintza pleguaren III. eranskinean zetorren zehaztua eta 13 zinegotzik eta 51 langilek osatzen zuten, azken horien artean Eugenio Salaberria Lazkano zegoelarik.
Baldintza plegua bera eta hortik, lehiakide gisa hala nola esleipendun gisa, erator zitezkeen baldintza guztiak espreski onartu zituen AXAk lehiakide izateko eskaera egin zuenean 1995eko apirilaren 20ko idatziaren bidez.
Lezoko Udalak, 1995eko apirilaren 27an hartutako erabakiaz, AXA aseguru-etxeari esleitu zion lehen aipatutako Bizitza Aseguru Kolektiboa.
1995eko apirilaren 27ko udal erabaki horren bidez aseguru-hitzarmenaren esleipendun izendatutako AXA aseguru-etxeak ez zion Lezoko Udalari jakinarazi Bizitza Aseguru Kolektiboak estaltzen zituen arriskuetakoren batetik langile bakar bat bera ere kanpo uzten zuenik eta, berez, dagokion prima eskuratzen aritu da, Eugenio Salaberria Lazkanori asegurua egiteagatik ezarritakoa barne.
Lezoko Udalak, 1997ko abenduaren 18ko erabakia dela medio, bertako langileen lan-baldintzak arautzeko Hitzarmena onaartu zuen. Hitzarmen horretako Lehenengo ataleko 1) puntuan ARCEPAFE izeneko testuan jasotako, eta ordurarte onartutako hobekuntza eta gehikuntza guztiak, mantetzea erabaki zuen. Gehikuntza eta hobekuntza horien artean zegoen balioezintasun arriskua estaltzearena 5.000.000 pta. bitarte.
Ondorioak 1998ko maiatzaren 25etik aurrera zituelarik, Eugenio Salaberria Lazkanori baliaezintasun iraunkorra eta absolutua aitortu zion Gizarte Segurantzaren Institutu Nazionalak.
Lezoko Udalak aseguru-etxeari egoeraren berri garaiz eta formaz eman bazion ere, aseguru-etxeak behin eta berriz uko egiten dio polizan aurrikusitako diru kopurua ordaintzeari, Salaberria Lazkano jauna Baliaezintasun Absolutu bermetik kanpo zegoela argudiatuz.
Lezoko Udalak aseguru-etxearen kontra burutu ditzazkeen ekintzen kalterik gabe eta, baliaezintasun absolutu arriskurako lan-baldintzak arautzen dituen Hitzarmenean ezarritako kopuruak eskuratzeko orduan langile horrek justifikaziorik gabeko atzerapenik jasan behar izan ez zezan, Lezoko Udalak hitzarmenean aurrikusitako kopuruaren ehuneko ehuna, hots, 5000.000 pta ordaindu zizkion Eugenio Salaberria Lazkanori.
Hortaz, Baliaezaintasun Absolutu arriskuagatik estalduratzat ezarritako kopurua langilearen esku jarri duenez, Lezoko Udalak bete egin du 1997tik indarrean dagoen langileen lan-baldintzak arautzeko Hitzarmenetik eratorritako bere betebeharra.
Horiek horrela, Gobernu Batzordeak honako hau erabaki du:
BAT: Ez onartzea Eugenio Salaberria Lazkanok eginiko eskaera; aitortu dioten baliaezintasunagatik langileak berak badagozkiola irizten dion gainerako kopuruak AXA aseguru-etxeari erreklamatzeko duen eskubidearen kalterik gabe.
BI: AXA aseguru-etxeari Eugenio Salaberria Lazkanok aurkeztutako idatzia eta honako akordio hau jakinaraziko zaizkio. Era berean, berriz egingo zaio erreklamazioa aseguru-kontratuan aurrikusitako kalteordainaren zenbateko osoa ordain diezaion Salaberria jaunari.
GALDE ESKEAK.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 11: 15 orduetan eman dio buru bilkurari. Idazkari naizen aldetik, akta 225.206.etik 225.211.era arteko zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.