2004.eko Otsailaren 2ekoa

Lezon, 2004ko otsailaren 2an, goizeko 9:00etan hasi du Gobernu Batzarrak BILKURA OHIKOA Gobernu Batzar Gelan lehen deialdian Kepa Garbizu Azkue alkatearen lehendakaritzapean eta Iñake Urrestarazu Azurmendi, Jesús Mª Martiarena Jaca, Aroia Goienetxea Egibar eta Aitor Ocerin Ibañez bertan direlarik.

Idazkari gisa Xabier Loiola Aristi aritu da.

AKTAREN ONARPENA

1.- Egoki irudituz gero, 2003ko abenduaren 22an egindako bilkurako akta onartzea.

2003ko abenduaren 22an egindako bilkurako akta aho batez onartu da.

ALKATETZA ETA ORDEZKARIAK

2.- Alkatearen erabakien kontu ematea.

Alkateak, azken Gobernu Batzordea ezkero diktaturiko dekretuen berri eman du, besteen artean Hirigintzako Arduradun teknikoaren praktika garairako izendatutako batzorde ebaluatzaileko kide baten errekusazioari emandako erantzuna (477/2003 dekretua); auditoria egiteko lanak esleitzea (1/2004); ludoteka zerbitzua esleitzeko deitutako lehiaketa hutsik uztea ( 7/2004); 6 hilbeterako Orratxi ematea ludoteka zerbitzua ( 8/2004); kontuhartzaile lanposturako meritu espezifikoen onarpena (16/2004); udaltzainen lan poltsa egitearena (25/2004); aipatutako batzorde ebaluatzaileari aurkeztutako bigarren errekusazioa interesatuei jakinaraztea (43/2004); topografia planoak egiteko lanaren esleipena (58/2004).

Azken dekretu honen inguruan idazkariak dio zerbitzuak duen prezioagatik (14.229,72 ?) lan horiek erabakitzeko ahalmena ez dela erabakia hartu duen zinegotzi delegatuarena, ahalmena Gobernu Batzarrarena dela 2003ko uztailaren 3an alkateak emandako delegazio dekretuen arabera. Baita ere ohartarazi du idazkariak kontratatzeko erabili den prozedura ez datorrela bat 2003ko azaroaren 24ean udal gobernu batzorde honek onartu zituen prozedurekin: plegua eta gastu baimena esleipenaren aurrekoak baitira. Azkenik ohartarazi du ez dagoela gastu fiskalizatzen duen kontuhartzailearen txostenik, eta bai ordea zinegotzi delegatuaren konpromisoa gastu partida jasotzeko udal aurrekontuetan erabaki hori osoko bilkurari dagokionean.

Baita ere ohartarazi du 8/2004 dekretuak beharrezkoa duen gastu fiskalizazio egin denaren agiririk ez duela.

Bi dekretu hauen ingurukoa, 8/2004 eta 58/2004, hurrengo batzarrean erabakiko omen dira gastu kontsignazioarena argitu ostean. Bitartean etenda gelditzen da 58/2004 dekretuaren eragina.

3.- Informazioa, Toki Gobernua Berritzeko Neurrien 57/2003 Legeari buruzkoa.

Idazkariak toki araudia berritzera datorren 57/2003 legearen nondik norako azaldu dizkie batzordekideei. Beste kontuen artean hauek aipatu ditu: udalek zigortzeko duten ahalmena, herritarren partaidetza arautuko duen erregelamendu organikoaren beharra, iradokizun eta erreklamazio batzorde berezia sortzeko aukera, zerbitzu publikoak emateko moduak, udal handietarako proposatzen den antolaketa, udal ordenantzak onartzeko quorum berria.

Komentatu da orain arte Gobernu Batzordea zena orain Udal Gobernu Batzarra deituko dela.

HIRIGINTZA ETA ZERBITZUAK

4.- Ematea obra-lizentzia David Llordés-i, Salva Industrial, S.A.ren ordezkari moduan, 107 poligono industrialean dagoen pabilioia handitzeari buruzkoa.

David Llordések, Salva Industrial, S.A.ren ordezkari moduan, 2003ko azaroaren 19an aurkeztu zuen 107 poligono industrialean dagoen pabilioia handitzeko obra egiteko proiektua.

Arkitekto aholkulariaren txostenak honela dio, hitzez hitz:

?Proiektu hori aurkeztearen helburua, eraikitzeko behar den lizentzia lortzea baino ez da.

Edozein lizentzia emateko, aldez aurretik beharrezkoa da gogoan izatea, unitatearen Konpentsazio Proiektua eta, halaber, Urbanizazio Proiektua onarturik izan behar direla. Kasu honetan, Urbanizazio Proiektua jada aurkezturik dago eta hari buruzko txostena ere egin da, aurkeztutako informazioa osatu egin behar dela esanez, batik bat ur hornidura eta estolderia sareei dagokienez. Konpentsazio Proiektuari dagokionez, esan beharra dago oraindik aurkeztu ere ez dela egin.

Proiektuari berari dagokionez esan behar da, indarrean dagoen planeamendu urbanistikoak markatzen dituen eraikuntza-baldintzetara egokitua dela eta, ikuspuntu dokumentaletik, osoa dela eta, eta ikuspuntu teknikotik, zuzena dela.?

Txosten juridikoak honela dio, hitzez hitz:

?David Llordesek INDUSTRIAL SALVA, S.A.ren izenean pabilioia handitzeko exekuzio proiektua aurkeztu du.

107 poligonoko Alorreko Plana Gipuzkoako Foru Aldundiko Diputatuen Kontseiluak behin betikoz onartu zuen 2003ko urriaren 28an egindako batzarraldian. Akordio hau ez da Gipuzkoako Aldizkari Ofizialean argitaratu 107 poligonoko sustatzaileek bertan egin beharreko urbanizazio lanak eta zerbitzuak bermatu arte. Berme hau Lezoko udalean aurkeztu berri denez, Foru Aldundiari jakinarazten diogunean argitaratuko da aipatu akordioa.

Bestalde 107 poligonoko Alorreko Planaren arabera, aukeratu den kudeaketa sistema konpentsazioa da.

Poligono honetako Konpentsazio junta berriz eratzeke dago eta honen jarduna arautuko duten estatutu eta oinarriak ez dira Lezoko Udalera aurkeztu ere egin, beraz juntaren eraketa bera ere luzatuko dela dirudi. Konpentsazio proiektua ere jakina, aurkeztu gabe dago.

Horrela Industrial Salva, S.A-k aurkezturiko Plan Partzialaren ordenantzetako 6 atalak dio hirigintza aprobetxamendua jasotzeko lagapen, hiritartze eta birbanatze betebeharrak bete behar direla. Lagapenak eta birbanatzea konpentsazio proiektua onartu ondoren betetzen direnez eta esan bezala hau aurkeztu ere egin ez denez ez da posible hirigintza aprobetxamendua gauzatzea dakarren obra lizentziarik ematea. Are gutxiago urbanizazio proiektua onartu ere egin ez denean.

Dena den esan beharra dago udalari dagokion hirigintza aprobetxamenduaren %10ren baliokide ekonomikoa ordaindua duela Industrial Salva, S.A. Udalarekin hitzartutako hirigintza hitzarmenen horrela jasotzen baitzen.

Hala eta guztiz aurkako txostena egiten dut arestian aipaturiko dokumentuak ez direlako onartuak izan eta obra lizentzia eman baino lehen egin beharreko lagapenak eta birbanaketa ez direlako egin 6/1998 legeko 17.5 atalean agintzen dena kontuan izanda?.

Hirigintzako Delegatu honek Gobernu Batzordeari aurkezten dio ondorengo ERABAKI PROPOSAMENA

BAT: Salva Industrial, S.A.ren izenean eta ordezkari moduan, David Llordési obra-lizentzia ematea 107 poligonoan pabilioia handitzeko, ondorengo baldintza hauek bete beharko dituelarik:

1.- Konpentsazio proiektua aurkeztu beharko du bost hilabeteren barruan, obrarako lizentzia honen jakinarazpena jasotzen den egunean kontatzen hasita.

2.- Lehenengoz okupatzeko lizentzia edo jarduera lizentzia eman aurretik, konpentsazio proiektuak behin betikoz onartua beharko du, lagapenak eginda izan beharko dute eta urbanizazioko obra modu egokian amaitua egongo da.

3.- Lizentzia honekin batera bidaltzen zaizkion baldintzetarik bakoitza eta guztiak bete beharko dira.

BI: Eraikuntzagatik ordaindu beharreko zerga 67.242,42 euro da.?

Idazkariak bat egiten du Hirigintzako arduradun teknikoak eta arkitekto aholkulariak egindako txostenekin eta dio proposamena onartzea legez kontra hartutako erabakia izango zela txostenetan aipatzen diren arrazoiengatik.

Halere Gobernu Batzarra honetako kide guztien adostasunarekin proposamena onartu da.

Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.

Horretarako, hilabeteko epea dauka, erabaki honen jakinarazpena jaso eta biharamunetik hasita.

Errekurtsoa aurkeztekotan Gobernu Batzordera jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.

Horretarako, bi hilabeteko epea dauka, erabaki honen jakinarazpena jaso eta biharamunetik hasita

Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.

GALDE ESKEAK

Ez dira izan.

Aktaren bukaera.

Alkate-lehendakariak, aztertzeko ziren gai guztiak aztertu ondoren, 9:55 orduetan eman dio buru bilkurari. Hurrengo bilera otsailaren 16an egingo da. Idazkari naizen aldetik, akta 310.023ari naizen aldetik, akta 309.992 elecciones de 2004.deetarako hauteskunde-mahaien zerrendaren onarpena.

eko pabilioiaren instalaetik 310.026era zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.