- 1.- Diktamena: Industri poligonoetako hondakinen biltzearen eskuduntza San Markos Mankomunitateari lagatzea.
- Aktaren amaiera
Lezoko Udaletxeko Biltzar Areto Nagusian, 2004ko ekainaren 30ean 8:30etan, eratu da OSOKO UDALBATZA EZOHIKOA egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusin (PSE taldea), Jesus Maria Martiarena Jaka (EAJ taldea), Aroia Goienetxea Egibar (EAJ taldea), Aitor Ocerin Ibañez (EA taldea), Aitor Mimendia Artuzamonoa (EAJ taldea), Enrique Figueroa Laboa (EAJ taldea) eta Maria Luz Anglada Gonzalez (PP taldea).
Ez dira bilkurara etorri Isabel Lopez Aulestia (IU-EB taldea) eta Ainhoa Villanua Ayuela (PSE taldea).
Bertan da eta egintzaren fede eman du udal idazkaria den Xabier Loiolak.
Patxi Apalategi aritu da itzultzaile lanetan.
1.- Diktamena: Industri poligonoetako hondakinen biltzearen eskuduntza San Markos Mankomunitateari lagatzea.
Alkateak aurkeztu dio osoko bilkurari Hirigintza, Obra eta Zerbitzuetako Batzordeak ekainaren 16an onartutako diktamena. Honela dio diktamenak hitzez hitz:
“San Markos Mankomunitateak Lezoko Udalari, honek zehazturiko industri poligonoetako hondakinak biltzeko eskuduntza hartzeko proposamena egin zion.
Lezoko Udaleko zerbitzu teknikoak egindako txostenak egoki deritzo egindako proposamenari. Horrela Sagasti, Ipintza eta Gaintxurizketako industrialdeko hondakinen bilketa lagatzea proposatzen da.
Hirigintza, Obra eta Zerbitzuetako batzordeak 2004ko ekainaren 16an egindako batzarraldian Jesus Mari Martiarena (EAJ), Iñake Urrestarazuren (EA) eta Mikel Antxon Arrizabalaga (PSE-EE) aldeko botoarekin
DIKTAMINATZEN DU:
BAT: San Markos Mankomunitateari Sagasti, Ipinta eta Gaintxurizketako industrialdeetako hiri hondakin edo hauen baliokideak biltzeko udalari dagozkion eskuduntza eta betebehar guztiak lagatzea.”
Bozketa egin aurretik jende artetik Mikel Mitxelenak hartu du hitza eta dio Lezoren Alde Herri Plataforma poztu egiten dela erabaki honengatik. Lehendik ere hartua behar zuela. Kezkatuta daudela gaur egun lan hori egiten duten enpresa txikien etorkizunaz, horren inguruan inolako informaziorik ez baita ematen. Ez zaio ere zuzena iruditzen udalak, zaborrak behar duen trataeraren inguruan aurrez inongo erabakirik hartu gabe, errausketaren alde den mankomunitateari bilketa uztea, agian hark errauskailuaren beharra justifikatzeko erabili bai dezake. Mitxelenak dio, Lezoren Alde ez dagoela metodo horren alde.
Beste parte hartzerik gabe, diktamena ahobatez onartu da, bilkuran diren bederatzi zinegotziek alde bozkatu baitute.
Beste aztergairik geratzen ez denez, alkate-lehendakariak 8:40 orduetan eman dio buru bilkurari. Eta nik, idazkari naizen aldetik, akta 310.xxxxetik 310.xxxera arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.