2006.eko Ekainaren 7ekoa

Lezoko Udaletxeko Biltzar Areto Nagusian, 2006ko ekainaren 6an, asteazkena, 8:30etan, eratu da OSOKO UDALBATZA, Ohikoa egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusín (PSE taldea), Jesus Maria Martiarena Jaka (EAJ taldea), Aroia Goienetxea Egibar (EAJ taldea), Aitor Mimendia Artuzamonoa (EAJ taldea), Enrique Figueroa Laboa (EAJ taldea), Noemí Arberas Osés (EAJ taldea), Isabel López Aulestia (IU-EB taldea) eta Maria Luz Anglada González (PP taldea).

Ez da bilkurara etorri Ainhoa Villanúa Ayuela (PSE taldea).

Bertan da eta egintzaren fede eman du udal idazkaria den Xabier Loiolak.

Patxi Apalategi aritu da itzultzaile lanetan.

1.- Egoki irudituz gero, 2006ko apirilaren 5eko eta 26ko osoko bilkuretako aktak onartzea.

Aktak aho-batez onartu dira inolako zuzenketarik gabe.

Jendartetik Aitor Sarasolak hartu du hitza eta galdetu du ea maiatzaren 30ean alkateari aurkeztutako mozioa zergatik ez den gaurko bilkuran eztabaidatuko.

Alkateak erantzun dio, osoko bilkura osatzen duten talde politikoetako inork horrela egiteko ez diolako eskatu. Dena den, erregu galderetara pasa aurretik galdetuko omen die talde politikoei ea plenorako moziorik duten.

Aitor Sarasolak dio ez dela babes kontua, herritarren eskubide kontua baino, herriko herritar ugariri sistematikoki ukatzen zaizkien eskubide kontua, udal talde politikoen babesaren beharrik ez duen eztabaida eskubidea.

Alkateak dio ez dagoela behartua erregistratzen diren mozioak plenora ekartzera, talde munizipalen ardura omen da hori. Esan dio, galde eskeetan mozioa irakurtzeko aukera izango duela.

Aitor Sarasolak herritarren eskubide urraketa dela dio eta, berak eta bilkuran diren beste bi pertsonak, altxa eta ?No apartheid? ?Herritarren borondatea errespetatu? eta ?Dimisioak orain? leloa duten hiru kartel zabaldu dituzte osoko bilkura osatzen duten zinegotzien aurrean.

Hori ikusirik, alkateak kartelak kentzeko eskatu die hiru aldiz eta, horrela egin ezean, bilkura eten eta ateak itxita, jenderik gabe, jarraituko duela. Berean jarraitu dutenez, alkateak udaltzaingoari deitzeko agindua eman du eta Areto Nagusia libratzeko eskatu die. 8:45 orduak zirenean bilkura eten egin da.

8:50 zirenean eta behin aretoa jenderik gabe zegoela bilkurarekin jarraitzea erabaki du alkateak.

Mikel Antxon Arrizabalagak dio ados dagoela alkateak hartutako erabakiarekin. Berdin dio Isabel Lopez Aulestiak, gogoratuz legealdi hasieran bere taldeak eskaintza egin ziola Lezoren Alde Herri Plataformari bere mozioak osoko bilkurari aurkeztu ahal izateko. Esan du arauak hor daudela eta alkatearen jokaera zuzena izan dela.

Mari Luz Anglada alkateak hartutako azken erabakiarekin ados badago ere, ez dago ados hitz egiten uztearekin gai zerrendan gaia ez dagoenean eta erregu galderetara itxaron gabe.

2.- Dirulaguntzak emateko eta kudeatzeko ordenantza arautzailea hastapenez onartzeko diktamena (2006KO290001)

Alkateak dio kanpoko kontsultora batekin (Z&B) udal teknikariek egindako testua dela aurkezten dena, ahalik eta malgutasun handiena eman nahi izan zaiolarik, horretarako nahikoa estua zen lehen zirriborroa moldatu delarik. Horregatik Ogasun eta Kontuetako Batzordeak onartutako diktamena onartzea proposatu dio osoko bilkurari. Honela dio diktamenak:

Honela dio diktamenak:

?Ogasun eta Kontuetako Batzordeak, 2006ko maiatzaren 31n egindako bilkuran, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Iñake Urrestarazu (E.A.) eta Mª Luz Anglada (P.P.) zinegotzien aldeko boto ponderatuekin, behean heldu den proposamena diktaminatu du osoko bilkurak onar dezan:

BAT: Hasierako onarpena ematea Dirulaguntzak emateko eta kudeatzeko ordenantza arautzailea.

BI: Informazio publikorako hilabeteko epea irekitzea, Gipuzkoako Aldizkari Ofizialean eta iragarki oholtzan iragarkia argitaratuz, alegazioak aurkez daitezen.

HIRU: Jendaurrean izan ondoren alegaziorik ez bada jasotzen, behin betiko onarpena izango luke.?

Diktamena aho batez onartu da.

3.- Oiartzun, Lezo eta Errenteriako Udalen eta Oarsoaldeko Taxien eskualde elkartearen arteko lankidetza-hitzarmena onartzea, autotaxien garraio zerbitzuaren erregimen bereziko gunea ezartzeko.

Alkateak dio, gai hau osoko bilkurara datorren hirugarren aldia dela. Oraingo aldaketarik nabarmenena da Pasaiako udala akordiotik eta, ondorioz, eremutik kanpo geratzen dela, ezinezkoa izan zaiola Donostiatik gertuago dauden Trintxerpeko taxistak hitzarmen honetara biltzea. Aurrerago pauso hori ematearen kaltetan gabe, Ogasun eta Kontuetako Batzordeak onartutako diktamena onartzea proposatu dio osoko bilkurari. Honela dio diktamenak:

?Ogasun eta Kontuetako Batzordeak, 2006ko maiatzaren 31n egindako bilkuran, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Iñake Urrestarazu (E.A.) eta Mª Luz Anglada (P.P.) zinegotzien aldeko boto ponderatuekin, behean heldu den proposamena diktaminatu du osoko bilkurak onar dezan.

BAT: Oiartzun, Lezo eta Errenteriako Udalen eta Oarsoaldeko Taxien eskualde elkartearen arteko lankidetza-hitzarmena onartzea, autotaxien garraio zerbitzuaren erregimen bereziko gunea ezartzeko.?

Diktamena aho batez onartu da.

4.- 2006. urterako udal-plantilla organikoa eta lanpostuen zerrenda hastapenez onartzeko diktamena (2006PE290001)

Alkateak Barne Batzordeak onartutako diktamena onartzea proposatu dio osoko bilkurari. Aurrez oharpen hau egin du, udal idazkariak ohartarazi bezala, plantilla organikoa aurrekontuekin batera onartu behar denez 2005eko plantillaren aldaketa da gaur proposatzen dena. Zentzu horretan aldatuko da diktamena ere.

Alkateak azaldu du aldaketaren arrazoia 207/90 ordainsari dekretura egokitzearena dela, EUFALEBAren ordainketa sistema alboratuz. Dio egokitzapen teknikoa besterik ez dela eta bide-batez epai batek agindutakoa beteko duela udalak.

Idazkariak ohartu du jendaurreko epea hamabost egunekoa izango dela eta ez hilabetekoa diktamenak zioen bezala.

Alkateak eta idazkariak egindako oharrekin diktamena moldaturik honela dio onartzea proposatzen den diktamenak:

?Indarrean dagoen legerian oin harturik, toki korporazioari dagokio, urtero, Udal Plantilla eta Lanpostuen Zerrenda onartzea. Udal Aurrekontuak oraindik prest ez daudenez eta ordain sariak 207/90 dekretura egokitu behar direnez 2005eko plantilla eta lan postuen aldaketa proposatzen da.

Orain arte, behin-behineko izaeraz, harik eta ordainketa sistema legeri autonomikoari egokitzea burutu arte, XII. EUFALEBAn finkatzen den bezala, Udal honek Lanpostuen Zerrenda EUFALEBAk Klasifikazio-talde bakoitzerako finkatzen zituen maila-tarteen ildotik gauzatu izan du.

Aurten egokitzapena burutu egin da eta Lanpostuen Zerrendan gauzaturik geratu da. Lanpostuen Zerrenda horretan EUFALEBAko nibelaz gain, lanpostu bakoitzari dagozkion ordainketa-kontzeptu desberdinak adierazten dira indarrean dagoen legeriaren arabera.

Egokitzapena egiteko erabilitako metodoa jasorik geratzen da espediente hau integratzen duen dokumentazioan eta, bere garaian, ordezkaritza sindikalarekin adostua izan zen.

Barne Batzordeak, 2006ko maiatzaren 31n eginiko batzarraldian, 2005. urteko plantila eta lanpostu zerrendaren aldaketari buruz aurkeztutako proposamena aho batez diktaminatu zuen, Kepa Garbizu Azkue, Iñake Urrestarazu Azurmendi, Mari Luz Anglada Gonzalez eta Jesus Mari Martiarena Jakaren aldeko botoekin

Horiek guztiak horrela, Osoko Bilkurari honako ERABAKI hauek hartzea proposatzen diot:

BAT: 2005. urterako udal plantilla organikoaren aldaketa hastapenez onartzea.

BI: 2005. urterako lanpostuen zerrendaren aldaketa hastapenez onartzea.

HIRU: Informazio publikorako hamabost egunetako epea irekitzea, Gipuzkoako Aldizkari Ofizialean eta iragarki oholtzan iragarkia argitaratuz, alegazioak aurkez daitezen.

LAU: Jendaurreko epean alegaziorik ez bada jasotzen, araudiak behin betiko onarpena izango luke.?

Diktamena aho batez onartu da.

5.- Alkatearen, Organo Kolegiatuetako udal-ordezkarien eta Delegatuen txostenak.

Alkateak banatu ditu azken ohiko bilkuraz geroztik udaletik kanpoko erakundeetan izandako bileren deialdiak.

6.- Galde-eskeak.

1.- Mikel Antton Arrizabalagak idatziz honako galdera hau aurkeztu du:

?Lezoko Udalaren Gobernu Batzarrean, 2006ko otsailaren 13koan, eman zitzaion Vodafone, S.A. enpresari obretarako udal lizentzia telefonia-antena handi bat jartzeko Algeposa enpresaren lurretan, dirudienez. Geroago, dirudienez, alkatetzaren dekretu bat egin omen da obra geldiarazteko.

Hori dela eta, PSE-EE Udal Taldearen izenean, galdera hauek aurkezten dizkiot Alkate jaunari:

1.- Nolatan eman zen lizentzia txosten juridikoak kontra izanik eta dagokion jarduera espedientea tramitatu gabe.

2.- Nolaz, gero, geldiarazi da obra. Zergatik eta zertarako.

3.- Zein da Udalaren asmoa lizentzia horrekin: akordioa deuseztatzea? Lizentziarekin jarraitzea??

Alkateak dio txosten juridikoak kontrakoak direla 6. Poligonoak egin eta onartu gabe dituelako planeamenduko dokumentuak (Peri, Birpartzelatzea, Hiritartze proiektua,?).

Obra, lizentziaren baldintzak bete baino lehenago hasi zela eta udala bizilagunen salaketa bidez ohartu zela hasiak zeudela. Horregatik gelditu dela. Vodafonek gelditze agindua errekurritu egin omen du.

Gelditzearekin bat, Eusko Jaurlaritzako Osasun Sailera txostena eskatu omen da eta hark dokumentazioa osatzeko eskatu berri omen du.

Vodafonerekin hartu emanak ere izan direla dio alkateak eta orain antenaren oinarriaren bigarren zatiaren muntaiaren segurtasuna omen da kezka: erabat lotzen utzi ala lehen bai lehen kentzeko agindu, horretarako aurrekontu bat eskatu delarik.

Mari Luz Angladak dio antena Vodafonerena dela eta harenak direla segurtasun kontu eta kostu horiek. Hori bera dio Isabel Lopez Aulestiak, udalari ez zaiola ezer kostatu behar. Mikel Antton Arrizabalagak dio ez duela onartuko inondik inora udalak gasturen bat egitea gai horretan, bestela guardiako epaitegira joko dutela.

2.- Mikel Antton Arrizabalagak galdetu du ea noizko izango duten aurrekontuen zirriborroa.

Alkateak dio 2005eko inkorporazioekin ari direla oraindik eta guztiei komeni zaien dokumentua laster aurkeztea espero duela.

3.- Mikel Antton Arrizabalagak galdetu du ea nola dagoen Arau Subsidiarioen hasiera onarpenerako dokumentua.

Jesus Mari Martiarenak dio ia prest dagoela dokumentua.

4.- Mikel Antton Arrizabalagak galdetu du ea nola daude Eguneko Zentroaren obrak, noiz hasiko diren.

Alkateak erantzun dio: aurrekontua onartzen denean eta Aldundiak zenbateko laguntza emango duen dakitenean hasiko direla obra.

5.- Aitor Mimendiak eskatu dio Mikel Antton Arrizabalagari zehazteko iazko aurrekontuetan lan artistikoei buruz egin zuen proposamena, egiteko proposamen zehatz bat. Hark erantzun dio esanez aurrekontuak direla lehenbizi eta aurtengorako beste proposamen batzuk ere egingo dituela.

Aktaren amaiera.

Beste aztergairik geratzen ez denez, alkate-lehendakariak 9:20etan eman dio buru bilkurari. Eta nik, idazkari naizen aldetik, akta .etik .ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.